Popular Bible Verses from Jɔ̱ɔ̱n 19

শেয়ার

Kä mëë ci Yecu jɛ lot, cuɛ wee i̱, “Cɛ ku thuuk!” Cuɛ wi̱cdɛ guɔ̱l piny, kä cu yiëëdɛ cu jiɛɛn.

Kɛ kɔr kä mɛmɛ, mëë ci Yecu ɛ ŋa̱c ɛn ɣöö ci ŋɔaani diaal ku thuuk, cuɛ mɛmɛ lat kɛ ɣöö bi ruacni Kuɔth tëë ca gɔ̱r a thuɔ̱k, cuɛ wee i̱, “Ci rɛw ɣä näk.”

Mëë ci Yecu man nɛn, kä te jakdɛ min nhɔkɛ cuŋä thiäkä, cuɛ man jiök i̱, “Ciek, nɔmɔ ɛ jɛn gatdu.” Kä cuɛ jak jiök i̱, “Nɔmɔ ɛ jɛn muɔɔr.” Kä ni ɛn guäth ɛmɔ cu jak ɛ naŋ cieŋdɛ.

Mëë cikɛ ben kä Yecu, cukɛ jɛ nɛn ɛn ɣöö cɛ thuŋ li̱w, /ka̱n ciökɛ lɛ töl. Kä cu ram kɛl kä lathkëëri bua̱lɛ yiɛth kɛ mut, kä ni kä kɛɛl cu riɛm kɛnɛ pi̱ lo̱ny raar.

Cu ŋɔak ti̱ti̱ tuɔɔk, kɛ ɣöö bi ruacni tëë ca gɔ̱r a thuɔ̱ɔ̱k i̱, “Thilɛ cɔa̱a̱dɛ kɛl mi ba to̱l.” Kä ca jɛ gɔ̱r rɛy ruacni Kuɔth bä i̱, “Bikɛ ram ëë cikɛn ɛ yiɛth guic.”

kä cuɛ ben raar a kapɛ jiathdɛ, cuɛ wä guäth mi cɔal i̱ “Gua̱a̱th Po̱o̱rä”, kä cɔalkɛ i̱ “Gɔl-gö-tha” kɛ thok Ɣi-bɛ-ru.

Cu lathkëëri thac mi ca tak kɛ kuiy la̱th wi̱i̱dɛ, kä cukɛ bi̱i̱ mi mɛr la̱th puɔ̱nydɛ.