Popular Bible Verses from Ko fɔlɔfɔlɛ 3

শেয়ার

Muse to ka lɔgɔ wole yen, a majabuta, a kaɲin dɔmɔnɛŋɛ la, a kaɲin hakkile sɔtɔfeŋɛ la, a ka a jigan, a ka a dɔmɔ. A ka do jigan, a ka a don a la kaye bolo anun min be ɲɔgɔn na, wo tugun ka a dɔmɔ.

Alatala ka burun butɔ feŋɛnu min bɛ dali, kaa le keu. A ka muse maɲininka, a ko: «Kɔnɔ tɔɲa le Ala ka a fɔ le wo ye, lɔgɔ wole minnu bɛ be laakɔɛ butɔ aa wo kana fenfen dɔmɔ?»

N si jaguya to i nun muse tɛma, n si jaguya to i bɔnsɛ nun a bɔnsɛ tɛma. A bɔnsɛ si i kuŋɛ te, ile tugun si a tingiliŋɛ kin.»

Ala ka a fɔ muse tugun ye, a ko: «N si a banba sa i la bu dumɛ kunma; i si tiŋɛ doni le han, jɔnɔn i ni deŋɛ sɔtɔ. I la mira si to i la kaye ma tɛmu bɛ, ale si i yamɔri.»

I si wale ma, i ni woosi i balue sɔtɔ koe la. I si to wo tɔ han i be saagila tɛmuɛ min tɔ duge tɔ, bayi i bɔɔta duge le tɔ. I mu bangue le la, i mɛn be saagila wo bangue le tɔ.»

Ala ka a fɔ Adama tugun ye, a ko: «I to bata i la muse kulɛ bita han i ka lɔgɔ wole dɔmɔ, n ka tɔŋɛ sigi min na n ko i kana a dɔmɔ, wo butɔ, duge si ladanka le ile la ko la.

Marigi Alatala ko: «Ɲɔmɔ ka a fɔ i ye ko i bali makoloŋɛ le mu? N ka tɔŋɛ sigi lɔgɛ min na, i bata a wole dɔmɔ ba?»

Awa, Ala ka Adama bee ɲɔgɔnna le. A ka malekanu sɔ Edɛn laakɔɛ tele yɛlɛ mafanna anu ni a kanta. Ta be bɔɔla anu bole tɔ iko faŋɛ. Tɛmuɛ bɛ wo ta be lindanna. A ka anu sɔ le ɲɔ alako mɔgɔ yo kana tanbi a ni taga ke malakisi lɔgɛ ma.

Adama ka a la muse tɔgɔ sa Hawa, bayi ale le mata adamadeŋɛ bɛ nɛɛnɛ la.