Popular Bible Verses from བཀོད་པ། 24

শেয়ার

དེ་ནས་གཡོག་པོས་དཀོན་མཆོག་ལ་འདི༌ལྟར། ཀྱེ། དཀོན་མཆོག་ཡ༌ཝཱེ། ང་ཡི་བདག་པོ་ཨབ་ར་ཧམ་གྱི་དཀོན་མཆོག༌ལགས། ཁྱེད་ཀྱིས་ང་ཡི་བདག་པོ་ཨབ་ར་ཧམ་ལ་ཐུགས་རྗེས་གཟིགས༌དང༌། དེ་རིང་བདག་གོ་སྐབས་ལེགས་པོ་ཞིག་དང་འཕྲད་པར༌མཛོད།

ངས་བུ་མོ་སུ་ཞིག༌ལ། ཁྱོད་ཀྱིས་ཆུ་ཟོ་ཁྱེར་ཤོག༌དང༌། ངས་ཆུ་འཐུང་འདོད་ཅེས་སྨྲ་བ༌དང༌། གལ༌ཏེ། ཁོ་མོ་ན༌རེ། ཁྱོད་ཀྱིས་འཐུང༌དང༌། ངས་ཁྱོད་ཀྱི་རྔ་མོང་ལའང་ཆུ་ལྡུད་པར་བྱ་ཞེས་སྨྲས༌ན། བུ་མོ་དེ་ནི་ཁྱེད་ཀྱིས་བསྐོས་པ་ལྟར་ཁྱེད་ཀྱི་ཞབས་ཕྱི་པ་ཨི་སཱག་གི་ཆུང་མ་ཡིན་པར༌མཛོད། འདི་ལྟར་གྲུབ༌ཚེ། ཁྱེད་ཀྱིས་ང་ཡི་བདག་པོ་ལ་ཐུགས་རྗེ་གནང་བ་བདག་གིས་ཤེས་ནུས་པ་ཡིན་ཞེས་གསོལ་བ་བཏབ༌བོ།།

ཨི་སཱག་གིས་བུ་མོ་རིབ་ཀཱ་ཁྲིད་ནས་ཁོང་གི་འདས་ཟིན་པའི་ཡུམ་སཱ་རའི་སྦྲ་གུར་ནང་དུ་སོང༌ཞིང༌། བུ་མོ་རིབ་ཀཱ་རང་གི་ཆུང་མར་བླངས་པ་དང་ཁོ་མོར་ཤིན་ཏུ་གཅེས༌སོ། །དེ་ལྟར་རང་གི་ཡུམ་ཚེ་ལས་འདས་པའི་མྱ་ངན་ལས་ཁོང་ལ་ད་གཟོད་སེམས་གསོ་ཐོབ༌བོ།།

འདི་ལྟར་སྨོན་འདུན་ཞུས་པ༌སྟེ། ཀྱེ་ཀྱེ་ང་ཚོའི་སྲིང་མོ༌ལགས།། ཁྱོད་ནི་ཀུན་གྱི་མ་རུ༌མཛོད།། ཁྱོད་ཀྱི་བུ་རྒྱུད་དེ་ཡིས་ནི།། དགྲ་བོའི་མཁར་ཡང་འཛིན་པར༌ཤོག །ཅེས༌པའོ།།

ཁྱོད་ཀྱིས་གནམ་ས་གཉིས་ཀྱི་དཀོན་མཆོག་ཡ་ཝཱེ་དཔང་དུ་བཙུགས་ནས་དམ་བཅའ་ཞོག༌ཅིག ང་རང་སྡོད་པའི་ཡུལ་འདི་ནས་བདག་གི་བུ་ལ་ཀ་ན་ཨན་མི་རིགས་ཀྱི་བུ་མོ་ཆུང་མར་ལེན་པར་མི༌བྱའོ།། ཁྱོད་རང་བདག་གི་ཕ་ཡུལ་དང་བདག་གི་གཉེན་ཉེའི་གམ་དུ་སོང་ནས་བདག་གི་བུ་ཨི་སཱག་ལ་ཆུང་མ་ཞིག་ལེན་དགོས་ཞེས་གསུངས་པ༌ལ།