Popular Bible Verses from Angaanga 4

শেয়ার

Kare rava oki e ora i tetai ke: kare atu oki e ingoa i akakiteia mai ki te tangata i raro ake i teianei rangi, e oraʼi tatou nei.

E te pure ra ratou, ngaueue iora te ngai i uipaiaʼi ratou; e akakiia maira ratou ravarai i te Vaerua Tapu, kua tuatua ua iora i te tuatua a te Atua ma te mataku kore.

E teianei, e akara mai koe, e te Atu, i ta ratou nei akamataku anga mai, e akamaroiroi mai i to au tavini kia tuatua ua i taau tuatua ma te mataku kore

“Ko te toka teia i akarukeia e kotou, e te aronga patu are, e kua akariroia io nei ïa ei toka tiavā.”

E kia akara atura ratou kia Petero raua ko Ioane i te mataku kore, e kite akera e, e puke tangata apii koreia raua e te kite kore oki, umere atura ratou, e kite atura oki e, ia Iesu katoa ra oki raua.

E okotai atura ngakau e okotai oki vaerua, to taua aronga maata ravarai i akarongo ra: kare rava tetai i tuatua i tona apinga e nona anake uaorai, kua kapiti uaia na ratou ravarai.