Popular Bible Verses from LUKI 22

শেয়ার

yíɛ ɣɛ tea, “Kèea, ani daavɛ ga è yii, fai nii wudɛ ẁũ maazu. Na ƃalaa ɣɛɛve ɛ́ lɛ ga zìi‐mai ɣɛ, kɛ̀ nii é ga è yii‐mai pagɛ na ɣɛ.” [

Kɛ̀ gè Gala felia è maʋaa ma ga è mɛ lɛ ɣale ná wu. Yà gale na ma wulu, kɛ́ è vaitiɛ te lo kpãa.”

É zɛba wɔnɔ é kpoolo‐ʋɔi ziɣi. Tei sa é mama feeni Gala bɛ, é su ɣale‐ɣaleni é fe te ya yíɛ ɣɛ tea, “Màlɔtɔi ɣaa, [feeai wo ʋaa ma. A nii ɣɛ dàa ɣigi‐yɛ faa ma wo ɣa.”

Pele zii ɣilagi nɔ zu é kpoale ŋɛnii ziɣini ƃalaa pɛ kpɔkɔ laa‐mii‐bo fai wuloai ma sa ba yíɛ ɣɛ tea, “Nii é kpoale ŋɛnii zu towa é ga deʋe niinɛi màŋamai daa nii puai wo ʋaa ma.]

Tei tɔwɔ zii‐zɛlɛ ge ɣɛni má, é Gala felini ƃɔɔ ga kpaanaga. Nà ɣa ɣɛɛ na fɔdɔi é wuloni má é ɣɛni ga ŋama ƃakpa ʋaa ɣavele yíɛ yii yíɛ vile zuwãvɛ pai‐pai.]

Kɛ̀ ɛ́ lɛ ŋɛ na ga wiɛ. To mu pagɛ zɔi tevegɛi wo pɛ wo va maʋaa wulo è ɣɛ wo pɛ wo leɣe. Na ɣa ɣɛɛ na nii é ga wo malo‐tuoi maʋaa wulo è ɣɛ mɔɔlɛ‐wo nu.

Ziizɛ ɣɛ ma, “Gè bo yìɛ, Pite, tɛɛ zine lɛ zaa dɛ wɔkwɛlɛga é yɛsu è zakpe ma ná zei‐zu ɣɛ sava ga ɛ̀ lɛ kẁɛ̃ni.”