Popular Bible Verses from Matthieu 7

শেয়ার

«Ɛnɛ gɔ mɔ, nɛ ɛ beha yo ha ɛnɛ. Ɛnɛ ki mɔ, nɛ ɛnɛ bekpa yo. Ɛnɛ kɔn nutwa, nɛ ɛ begbosisi yo ha ɛnɛ.

Hazu wi ndang ndang fɛt ka gɔ mɔ, ɛ beha yo ha wɛnɛ. Nɛ wi ka ki mɔ, a bekpa yo. Nɛ wi ka kɔn nutwa, ɛ begbosisi yo ha wɛnɛ.

«Mɛgi, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo, mbwa gbesi tuka zɔma wi ka bɛa twa pɛa ha zu gogo.

«Mɛgi, mɔ fɛt ka ɛnɛ ngoy nde, hio wi ade yo ha tɛ ɛnɛ, ɛnɛ de yo gbesi ha tɛ mbwa! Hazu ɛngɛ nê goto osamɔ pɛ *mbonga pɛ Moïse nɛ pɛ hio *w an-tɔkuliwen.»

Ma, yo nê bho-ngo-ngo nutwa nɛ bhɛtɛ-bhɛtɛ wal, ka nɛ ha tunɔ. Nɛ wi ndɔng ka kpa wal ɛngɛ dɔk na.»

«Ɛnɛ le nɛ bho-ngo-ngo nutwa. Hazu yo nê pɛsa nutwa nɛ kpemyeke wal, ka nɛ ha bhandi bhondisi wi. Nɛ dɔka wi ha nɛa haki.

Ngase ɛnɛ, ka dung nê gdanga wi, ɛnɛ ingɔ haa dedemɔ ha bem pɛ ɛnɛ. Mɛgi pen fɛt Bafa ɛnɛ ha zang ngɔn beha dedemɔ ha wi ndɔng ka gɔ wɛnɛ.»

«Ɛnɛ agɔn kita ha zu ma wi na, tuka nde Sɔ agɔn kita ha zu ɛnɛ na. Hazu Sɔ begɔn kita ha zu ɛnɛ lɛm nɛ kita ka ɛnɛ gɔn ha zu hio mbinga. Sɔ beweki mɔ ha ɛnɛ nɛ ndangtɛ mɔwekimɔ ka ɛnɛ weki nɛ mɔ ha hio mbinga.

Ma, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo na, mbwa gbesi tuka yera wi ka bɛa twa pɛa ha zu lembe.

Hazu ge mɛ gɛri mbuli pala ka dung ha li ya mɛ, ma, mɛ zɔk gasa te ka dung ha li mɛ na, ge nde? Mɛ bede mɛng mɛ tɔ ha ya mɛ: ‹Ya mi, gde mi aku mbuli pala ha li mɛ yunɛ,› nɛ mɛ zɔk gasa te ka dung ha li mɛ na, ge nde?

«Pangay nɛ hio wan-tɔkuliwen dalo. Hazu mbwa yol nɛ kotu sami tɛnɛ ha pɛ ɛnɛ. Ma, ha zanga, mbwa nê hio ngɔnzu. Ɛnɛ being mbwa nɛ wal deamɔ pɛ mbwa. Hazu ɛ lɛm bhi waya sole ha te gaza na, nɛ ɛ lɛm bhi waya yama ha yak ngombia na.

Mɛgi dede te fɛt way nɛ dede wayaa. Nɛ gdanga te way nɛ gdanga wayaa.

Dede te lɛm way gdanga wayaa na. Nɛ gdanga te lɛm way dede wayaa na.

Te fɛt ka way dede wayaa na, ɛ begɔn yo pi ha we.