Popular Bible Verses from Mo꞉mo꞉do꞉ 21

শেয়ার

Yawe eyo꞉ Selayo꞉ sagale alitaki ya꞉sa꞉ga꞉yo꞉, tamin amilo꞉ enedo꞉ dinali sio꞉ a꞉no꞉ hendele dimido꞉.

Gode eyo꞉ kalu so꞉wa a꞉ma꞉lo꞉ ya꞉lab a꞉no꞉ dabu ko꞉lo꞉, Godeya꞉ ene ma꞉mul kalu a꞉ma꞉yo꞉ Hebene a꞉la꞉ta꞉ga꞉ Ha꞉ga emo꞉wo꞉ a꞉la꞉sio꞉, “Ha꞉ga, ge waigo꞉wo꞉? Ge tagila꞉so꞉bo! Kalu so꞉wa honona silikilo꞉ ya꞉la꞉lab a꞉no꞉ Gode eyo꞉ dabu. E sowabena꞉kiyo꞉, ge dasilia꞉ ha꞉na꞉ga꞉, so꞉wa a꞉ma꞉ ene dagiya gasilia꞉ga꞉ e asulo꞉wo꞉ halale alifoma. Niyo꞉ eya a꞉la꞉ta꞉ga꞉yo꞉ kaluka꞉isaleyo꞉ modo꞉ fa꞉la꞉doma꞉ki ta꞉fa꞉no꞉.”

A꞉la꞉go꞉ko꞉lo꞉ Godeya꞉lo꞉ da꞉fe sio꞉ ho꞉len a꞉no꞉ fa꞉la꞉dowabiki, Ablaham e anaso꞉ dowa꞉sen ami, Sa꞉la e alela꞉sa꞉ga꞉, kalu so꞉wayo꞉ emo꞉ sa꞉la꞉me.

A꞉la꞉ta꞉ga꞉ Sa꞉la eyo꞉ a꞉la꞉sio꞉, “Gode eyo꞉ ne sagale alitaki o꞉gema꞉ki ta꞉fo꞉ ko꞉lo꞉, kaluka꞉isale nolba꞉yo꞉ Godeya꞉lo꞉ dimido꞉ a꞉no꞉ da꞉da꞉ga꞉yo꞉, ne o꞉lia꞉yo꞉ sagalaki o꞉gema꞉ib.”

Ko꞉sega Gode eyo꞉ Ablaham emo꞉wo꞉ a꞉la꞉sio꞉, “Giyo꞉ nanog dian ga o꞉lia꞉ ene so꞉wa o꞉lia꞉ a꞉no꞉ mo꞉beakiyo꞉ kele asula꞉so꞉bo. Sa꞉la elo꞉ gemo꞉lo꞉ sa꞉lab o꞉leau dimidama. Mo꞉wo꞉ Aisa꞉g eya a꞉la꞉ta꞉ga꞉yo꞉ gi so꞉lo꞉wo꞉ a꞉na fa꞉la꞉doma꞉ib.

A꞉la꞉ta꞉ga꞉ niyo꞉ nanog ka꞉isaleya꞉ so꞉wa eya a꞉la꞉ta꞉ga꞉yo꞉lo꞉, kaluka꞉isaleyo꞉ modo꞉ fa꞉la꞉doma꞉ki dimidama꞉no꞉, mo꞉wo꞉ so꞉wa a꞉no꞉ geya a꞉la꞉ta꞉ga꞉ fa꞉la꞉dowo꞉.” Gode eyo꞉ a꞉la꞉sio꞉.