Text: © Alliance Biblique du Cameroun, 2003 Audio: ℗ 2007 Hosanna

Massana - 2007 Edition (NT) Drama

<div class="version vid557 iso6393mcn" data-vid="557" data-iso6393="mcn">
 <div class="book bkLUK">
 <div class="chapter ch12" data-usfm="LUK.12">
 <div class="label">12</div><div class="s">Yesu di tam sa hatayna valam ala nisi ma li nar&#599;i hay li ma nisi ka hay nagata</div><div class="r"> Mat 6:12; 10:16-39</div><div class="p"> 1Hay na'ta sumun ka tokay birim gaage gaage, nisi goboy a tay tuwsi gaa no&#331;o. Yesu tun caw law tam sa hatayna valamu sem ma jewna ala: Ligi &#331;ali hi&#599;i kufna vi sa Farisena, kayni ti mileta. 2May va ma yalam baray bar ma bay ma goy hara&#331;i may&#599;i, va ma &#331;ayaya ma sa as wum goy&#599;i may&#599;i kaw. 3Kay na'ta mige kaw ma nigi dum hay jufunda kayni ma humis goyo hay hara&#331;a. Sle ma nigi dum hay hum sumuna hay ziyn kayni ma siwelemis kulo'o kay yam-ziyna.</div><div class="p"> 4Nan digiya nigi boniyonna, nisi sa ci tuwn goyo, may bugolda li va mara'a suw kayn&#599;ina, nigi ma li nar kisi&#599;i. 5Nan min &#599;ekgi kay nam ma nigi ma li nar kalamna: Nigi ma li nar kay nam ma, hay li ma nam ci tuwnawa goyo, bugolda ga&#331;era&#331;a valam ka'a kay gi san hay zul ma kuta kaw. Awa, nan fi digi ala nigi ma li nar kayn kalam namu.</div><div class="p"> 6San as gus colgon goy vasl kay sisi ma' &#599;isu? Kep jaramu ma Lawna yalam jokomu may&#599;i. 7&#394;u&#331;us ma kay yigin kaw &#331;a&#595;ay kalam kaf. Ligi nar&#599;i, kay nigi gus lop suw colgona.</div><div class="p"> 8Nan digiya: Sa ma di goy kanu vok sumuna, goora vi sana ma di goy kalamu vok sa sunda vi Lawna; 9may sa ma puw vunamawa kanu vok sumuna, nan ma puw vunan kalamu vok sa sunda vi Lawna kaw. 10La sa di va ma joowa tam goora vi sana, nam ma fi gida, may sa ma &#331;ul &#330;usta-Peldettawa, nam ma fi gida no&#331;&#599;i.</div><div class="p"> 11Hay li ma nisi ma nargi vok sinagogayna, vok sa &#599;iger-lawta hi&#599;i sa &#331;ulona vi nagata, hingi dikgi &#595;irgi kay hot-dita ta nigi ma hota' tisit&#599;i, ligi nar kay dita ta nigi ma da'ta&#599;i kaw. 12Kay &#330;usta-Peldetta ma &#599;ekgi kay va ma nigi ma dum hay liy namna.</div><div class="s">Sa ma farayna ma &#614;ay-&#614;ayna</div><div class="p"> 13Sa kep jar tok&#331;a di tam Yesu ala: Bum-yalla, da&#331; tam &#595;asunna kay numa &#595;uraw vocota vuma jarma'a. 14Yesu dumu: Sana, ma musan nan kay ka kitata hi&#599;i &#595;uraw slen jargi kaw kayn mi gige? 15Bugolda Yesu di tisiya: &#330;omgi tuwgi &#331;aa'a kay varta vi farayna, kay la san ka hi&#599;i slen &#331;olo kaw, slen namna as su&#599; irita valam goy&#599;i.</div><div class="p"> 16Nam ka disi law ma nir-niramna mara'a kep ala: Sa ma farayna ka kep, sinena valamu li &#331;olo, 17nam di hay dikam ala: Nan ma li mige? Kay liyn ma nan ma mol wana van kulo hayamna may&#599;i. 18Nam di'e: Kayni va ma nan min li'e: Nan min to firena van gaa'a, hot inim kulo &#331;ulo suw jewe. Hay na'ta alkamarena hi&#599;i jaf-slena van kaf nan ma kom hayamu. 19Bugolda nan min di tam ciwta vanu ala: Ciwta vanu, slena vag ka toki kulo &#331;olo, ir busat &#331;olo kaw. Nala nak ma tun sukagu, nak ma ti'e, ci'e, li firiya kaw. 20May Lawna dumu: Na&#331; sa ma &#614;ay-&#614;ayna, hay henjeta vaydit zawni nisi ma job kay ciwta va&#331;u. Sle ma na&#331; molom kulona ma hin vi gige? 21Nala kaw sa ma tok slen kulo'o hay Lawn&#599;i, may kay min li faray kay tuwam ma &#599;e&#331;&#331;a ni, nam ki kayn nala.</div><div class="s">Yor-tuwta, farayna ma gasina</div><div class="r"> Mat 6:19-34</div><div class="p"> 22Nam di tam sa hatayna valamu: Kay na'ta nan digiya: Nigi ma yor tuwgi kay irita vigi&#599;i, yor tuwgi kay sle ma nigi ma tumna&#599;i, yor tuwgi kay sligara ma nigi ma cukumna&#599;i kaw. 23Kay irita kayni &#331;ol suw tina, tuwna &#331;ol suw sligara kaw. 24&#394;uwgi tam gaw-gawna tige, nam cuk jaf&#599;i, fe&#599;i kaw, zogodo#12:24 zogodona feera ma goora ma inim kalaf hay ziyda lebo jok&#331;a. ma nam cuk slen hayamna may&#599;i, feera valam may&#599;i kaw. May Lawna vulum tina. Nigi kiram &#331;aa suw layayna sem gaage? 25Jargi kayni la san yor tuwam &#331;olo nanige kaw, nam as &#614;ur buura vi irita valam voko ir goldo&#331; kep su? 26La nigi may as kay li va ma ir ki&#599;ay &#614;awa&#599;i, nigi as yor tuwgi kay sle hena kay mige? 27Sargi tayna ka wul hay sinena tige: Nam li lop&#599;i, nam du&#595;ar baraw&#599;i kaw, may nan fi digi ala Salomon hay gajijita valam kaf kaw bay gan tuwam ki tayna nala tuwa. 28May la Lawn cuk sligara nala tam usna ma hay sinena, ma vaydi colay zawni kay gum goyo hay kut jifini, nam ma cuk sligara tigi nigi suw&#599;i su? Nigi sa vida vigi ki&#599;ayna! 29May nigiya, va ma nigi ma tumna hi&#599;i va ma nigi ma cumna, nigi ma garam&#599;i, nigi ma yor tuw kalam&#599;i kaw. 30Kay slen namna kaf kayni garam kayn si sum sa waana kay nagata. May bugiya wi ala dikgi nigi ka minim kaw. 31May gargit ti mulda-Lawna, bugolda nigi ma fi sle hena ku&#599;a'a.</div><div class="p"> 32Ligi nar&#599;i, nigi vok ma ki&#599;ayna, kay kir bugi &#331;aa'a kay vulgi mulda. 33Gusgi slena vigi goyo, vulum mi sum sa hawna, du&#595;gi birim ma tiyof goy&#599;ina, kotgi timgil ma &#595;ulak&#599;ina hay wuralawna, hay liyn ma kulla co hayam&#599;i, fotna fi com&#599;i kaw. 34Kay hay liyn ma farayna vigiya ka hayna, dikgi min mus hay liy namna kaw.</div><div class="s">Musta jigerta</div><div class="r"> Mark 13:33-37; Mat 24:42-51</div><div class="p"> 35Jungi kantin furgiya, hin fitilla vigi dok-dok doya kaw. 36Lakgi dok-dok &#331;ray ca ki sum sa cub ala hay li ma bum-ziyna visi hotiyawa hay yuldeta vi dabayna pa, nisi ma malam vun-ziyn goy gosoy wit', hay li ma nam co ci vun-ziyna. 37Sle'ta ka kay sa sunda sa, hay li ma bum-ziyna hotiyawa, nam fisi lakay jigere. Nan digi gasita, nam ma jun sligara valam furamu, ma laksi gaa vokomu, ma tun caw sunsiya kaw. 38La nam hotay kayn hay &#331;omda henjeta ta sem ma'ta kla, ta sem &#614;idita kla, la nam fisi nala, sle'ta ka kisiya.</div><div class="p"> 39Wigi goy &#331;aa'a, la bum-ziyna wi liyn ma kulla co haya, nam &#599;awn ma mus jigere, hin kulla co ziyna valam&#599;i. 40Nala nigi kaw lakgi jigere, kay goora vi sana co &#599;awni hay li ma nigi may var kalam&#599;i.</div><div class="p"> 41May Peter dumu: Bum-Sumuna, law ma nir-niramna namna na&#331; dum kayn kuma numa'a lebo kay sumun kafe su?</div><div class="p"> 42May Bum-Sumuna di'e: Sa ma &#331;om-ziyna ma gasiya, ma yali kaw, ma bum-ziyna tunum kay sa sunda valamu kay nam ma vulsi tina visi hay liyamu kayn mi gige? 43Sle'ta ka kay sa ma &#331;om-ziyna ma bum-ziyna fum li nala hay li ma nam hotiyawa. 44Nan digi gasita, nam ma musum &#331;ol kay slena valam kaf. 45May la sa ma &#331;om-ziyna di hay dikam ala: Bum-ziyna van may co tuwa&#599;i, la nam tun caw to sa sunda sa jufayna hi&#599;i sa boyna, la nam tun caw ti'e ci'e, &#614;oy ku&#599; dolayna kaw, 46bum-ziyna hotay &#599;awni hay buur ma nam may cubum&#599;i, lebo hay leera ma nam may wum&#599;i, nam &#599;awn ma calam goyo, ma vulum galla valamu jar sa bay-&#599;igera. 47May sa ma &#331;om-ziyna ma wi minda vi bum-ziynawa, may nam min kot slen&#599;i, min gat ku&#599; bum-ziyn&#599;i kaw, nam ma fi watta &#331;olo. 48May nam ma wi minda vi bum-ziy&#599;i, may nam li sle ma nagay kay watta ni, nam ma fi watta ir ki&#599;aya. Sa ma slen vuli talam &#331;olla, ma jobomis talam &#331;ol kaw.</div><div class="r"> Mat 10:34-36</div><div class="p"> 49Nan maawa kay do kut gaa kay nagata, la na' tun caw &#331;ala, nan daram hen mi meloge? 50Baptisma mara ka kep ma nan ma fumu, sukan ka yaway kelan &#331;olo kay nam ma li gosoyo. 51Nigi var ala nan mara' gaa kay nagat kayn ti toyta su? Nan fi digi ala may&#599;i, May nan mara' ti &#595;urawta. 52Kay tun caw wulin pa, sum sa vo hay ziyn vaslna vunsi ma &#595;urawa: Sa &#614;idin ma po&#331; kepe, sa ma'n ma po&#331; kep may. 53Bumna vunam ma &#595;uraw hi&#599;i goora, goora vunam ma &#595;uraw hi&#599;i bumna, sumda vuna' ma &#595;uraw hi&#599;i goota, goota vuna' ma &#595;uraw hi&#599;i sumda, sum-goora vuna' ma &#595;uraw hi&#599;i kuno'ta, cata vi goora vuna' ma &#595;uraw hi&#599;i kuno'ta kaw.</div><div class="p"> 54Nam di tam sumun lo ala: Hay li ma nigi wi &#599;ugulla muw kulo hay gal vulatiya#12:54 Gal vay tani &#599;ugulla muw kayni hay gal ku&#599;uw pa wulini wulini nigi tun caw di ala niyn ka si'e. 55Hay li ma nigi wi sime&#599;na may gal kayam pa, nigi di'e: Sime&#599;na ma vidik ku &#331;olo, van li nala kaw. 56Nigi sa milena, nigi wi kay po&#331; ir sle ma ka li gaa kay nagata hi&#599;i wuralawna, may liyn ma nay ka hayam wulinna nigi wi kay po&#331;om iram&#599;i kay mige?</div><div class="p"> 57Nigi kay tuwgiya as kay po&#331; ir sle ma &#599;igera&#599;i kay mige? 58Hay li ma na&#331; ka tu&#599; hi&#599;i sa ma gawt ka&#331;&#331;a vok sa ma &#599;iger-lawta, gara&#331; kay toy jara&#331; hi&#599;i namu hay li ma nigi ka hay hagat tuwa, kay la na&#599;i, nam ma nara&#331; vok sa ma ka kitana, sa ma ka kitana ma vula&#331; goy mi sa ma &#331;om da&#331;gayna, sa ma &#331;om da&#331;gayna ma ga&#331; da&#331;gaya may. 59Nan da&#331;u, na&#331; ma kal goy&#599;i ta-ta na&#331; ma wurak bal ma ka&#331;&#331;a goy kafe, ta-ta sisi kep kaw hin&#599;i.</div>
 </div>
 </div>
</div>

BIBALDA TA PELDETTA © L'Alliance Biblique du Cameroun, 2001

Hay na'ta sumun ka tokay birim gaage gaage, nisi goboy a tay tuwsi gaa noŋo. Yesu tun caw law tam sa hatayna valamu sem ma jewna ala: Ligi ŋali hiɗi kufna vi sa Farisena, kayni ti mileta. May va ma yalam baray bar ma bay ma goy haraŋi mayɗi, va ma ŋayaya ma sa as wum goyɗi mayɗi kaw. Kay na'ta mige kaw ma nigi dum hay jufunda kayni ma humis goyo hay haraŋa. Sle ma nigi dum hay hum sumuna hay ziyn kayni ma siwelemis kulo'o kay yam-ziyna.
Nan digiya nigi boniyonna, nisi sa ci tuwn goyo, may bugolda li va mara'a suw kaynɗina, nigi ma li nar kisiɗi. Nan min ɗekgi kay nam ma nigi ma li nar kalamna: Nigi ma li nar kay nam ma, hay li ma nam ci tuwnawa goyo, bugolda gaŋeraŋa valam ka'a kay gi san hay zul ma kuta kaw. Awa, nan fi digi ala nigi ma li nar kayn kalam namu.
San as gus colgon goy vasl kay sisi ma' ɗisu? Kep jaramu ma Lawna yalam jokomu mayɗi. Ɗuŋus ma kay yigin kaw ŋaɓay kalam kaf. Ligi narɗi, kay nigi gus lop suw colgona.
Nan digiya: Sa ma di goy kanu vok sumuna, goora vi sana ma di goy kalamu vok sa sunda vi Lawna; may sa ma puw vunamawa kanu vok sumuna, nan ma puw vunan kalamu vok sa sunda vi Lawna kaw. La sa di va ma joowa tam goora vi sana, nam ma fi gida, may sa ma ŋul Ŋusta-Peldettawa, nam ma fi gida noŋɗi.
Hay li ma nisi ma nargi vok sinagogayna, vok sa ɗiger-lawta hiɗi sa ŋulona vi nagata, hingi dikgi ɓirgi kay hot-dita ta nigi ma hota' tisitɗi, ligi nar kay dita ta nigi ma da'taɗi kaw. Kay Ŋusta-Peldetta ma ɗekgi kay va ma nigi ma dum hay liy namna.

Sa kep jar tokŋa di tam Yesu ala: Bum-yalla, daŋ tam ɓasunna kay numa ɓuraw vocota vuma jarma'a. Yesu dumu: Sana, ma musan nan kay ka kitata hiɗi ɓuraw slen jargi kaw kayn mi gige? Bugolda Yesu di tisiya: Ŋomgi tuwgi ŋaa'a kay varta vi farayna, kay la san ka hiɗi slen ŋolo kaw, slen namna as suɗ irita valam goyɗi.
Nam ka disi law ma nir-niramna mara'a kep ala: Sa ma farayna ka kep, sinena valamu li ŋolo, nam di hay dikam ala: Nan ma li mige? Kay liyn ma nan ma mol wana van kulo hayamna mayɗi. Nam di'e: Kayni va ma nan min li'e: Nan min to firena van gaa'a, hot inim kulo ŋulo suw jewe. Hay na'ta alkamarena hiɗi jaf-slena van kaf nan ma kom hayamu. Bugolda nan min di tam ciwta vanu ala: Ciwta vanu, slena vag ka toki kulo ŋolo, ir busat ŋolo kaw. Nala nak ma tun sukagu, nak ma ti'e, ci'e, li firiya kaw. May Lawna dumu: Naŋ sa ma ɦay-ɦayna, hay henjeta vaydit zawni nisi ma job kay ciwta vaŋu. Sle ma naŋ molom kulona ma hin vi gige? Nala kaw sa ma tok slen kulo'o hay Lawnɗi, may kay min li faray kay tuwam ma ɗeŋŋa ni, nam ki kayn nala.


Nam di tam sa hatayna valamu: Kay na'ta nan digiya: Nigi ma yor tuwgi kay irita vigiɗi, yor tuwgi kay sle ma nigi ma tumnaɗi, yor tuwgi kay sligara ma nigi ma cukumnaɗi kaw. Kay irita kayni ŋol suw tina, tuwna ŋol suw sligara kaw. Ɗuwgi tam gaw-gawna tige, nam cuk jafɗi, feɗi kaw, zogodo ma nam cuk slen hayamna mayɗi, feera valam mayɗi kaw. May Lawna vulum tina. Nigi kiram ŋaa suw layayna sem gaage? Jargi kayni la san yor tuwam ŋolo nanige kaw, nam as ɦur buura vi irita valam voko ir goldoŋ kep su? La nigi may as kay li va ma ir kiɗay ɦawaɗi, nigi as yor tuwgi kay sle hena kay mige? Sargi tayna ka wul hay sinena tige: Nam li lopɗi, nam duɓar barawɗi kaw, may nan fi digi ala Salomon hay gajijita valam kaf kaw bay gan tuwam ki tayna nala tuwa. May la Lawn cuk sligara nala tam usna ma hay sinena, ma vaydi colay zawni kay gum goyo hay kut jifini, nam ma cuk sligara tigi nigi suwɗi su? Nigi sa vida vigi kiɗayna! May nigiya, va ma nigi ma tumna hiɗi va ma nigi ma cumna, nigi ma garamɗi, nigi ma yor tuw kalamɗi kaw. Kay slen namna kaf kayni garam kayn si sum sa waana kay nagata. May bugiya wi ala dikgi nigi ka minim kaw. May gargit ti mulda-Lawna, bugolda nigi ma fi sle hena kuɗa'a.
Ligi narɗi, nigi vok ma kiɗayna, kay kir bugi ŋaa'a kay vulgi mulda. Gusgi slena vigi goyo, vulum mi sum sa hawna, duɓgi birim ma tiyof goyɗina, kotgi timgil ma ɓulakɗina hay wuralawna, hay liyn ma kulla co hayamɗi, fotna fi comɗi kaw. Kay hay liyn ma farayna vigiya ka hayna, dikgi min mus hay liy namna kaw.


Jungi kantin furgiya, hin fitilla vigi dok-dok doya kaw. Lakgi dok-dok ŋray ca ki sum sa cub ala hay li ma bum-ziyna visi hotiyawa hay yuldeta vi dabayna pa, nisi ma malam vun-ziyn goy gosoy wit', hay li ma nam co ci vun-ziyna. Sle'ta ka kay sa sunda sa, hay li ma bum-ziyna hotiyawa, nam fisi lakay jigere. Nan digi gasita, nam ma jun sligara valam furamu, ma laksi gaa vokomu, ma tun caw sunsiya kaw. La nam hotay kayn hay ŋomda henjeta ta sem ma'ta kla, ta sem ɦidita kla, la nam fisi nala, sle'ta ka kisiya.
Wigi goy ŋaa'a, la bum-ziyna wi liyn ma kulla co haya, nam ɗawn ma mus jigere, hin kulla co ziyna valamɗi. Nala nigi kaw lakgi jigere, kay goora vi sana co ɗawni hay li ma nigi may var kalamɗi.
May Peter dumu: Bum-Sumuna, law ma nir-niramna namna naŋ dum kayn kuma numa'a lebo kay sumun kafe su?
May Bum-Sumuna di'e: Sa ma ŋom-ziyna ma gasiya, ma yali kaw, ma bum-ziyna tunum kay sa sunda valamu kay nam ma vulsi tina visi hay liyamu kayn mi gige? Sle'ta ka kay sa ma ŋom-ziyna ma bum-ziyna fum li nala hay li ma nam hotiyawa. Nan digi gasita, nam ma musum ŋol kay slena valam kaf. May la sa ma ŋom-ziyna di hay dikam ala: Bum-ziyna van may co tuwaɗi, la nam tun caw to sa sunda sa jufayna hiɗi sa boyna, la nam tun caw ti'e ci'e, ɦoy kuɗ dolayna kaw, bum-ziyna hotay ɗawni hay buur ma nam may cubumɗi, lebo hay leera ma nam may wumɗi, nam ɗawn ma calam goyo, ma vulum galla valamu jar sa bay-ɗigera. May sa ma ŋom-ziyna ma wi minda vi bum-ziynawa, may nam min kot slenɗi, min gat kuɗ bum-ziynɗi kaw, nam ma fi watta ŋolo. May nam ma wi minda vi bum-ziyɗi, may nam li sle ma nagay kay watta ni, nam ma fi watta ir kiɗaya. Sa ma slen vuli talam ŋolla, ma jobomis talam ŋol kaw.

Nan maawa kay do kut gaa kay nagata, la na' tun caw ŋala, nan daram hen mi meloge? Baptisma mara ka kep ma nan ma fumu, sukan ka yaway kelan ŋolo kay nam ma li gosoyo. Nigi var ala nan mara' gaa kay nagat kayn ti toyta su? Nan fi digi ala mayɗi, May nan mara' ti ɓurawta. Kay tun caw wulin pa, sum sa vo hay ziyn vaslna vunsi ma ɓurawa: Sa ɦidin ma poŋ kepe, sa ma'n ma poŋ kep may. Bumna vunam ma ɓuraw hiɗi goora, goora vunam ma ɓuraw hiɗi bumna, sumda vuna' ma ɓuraw hiɗi goota, goota vuna' ma ɓuraw hiɗi sumda, sum-goora vuna' ma ɓuraw hiɗi kuno'ta, cata vi goora vuna' ma ɓuraw hiɗi kuno'ta kaw.
Nam di tam sumun lo ala: Hay li ma nigi wi ɗugulla muw kulo hay gal vulatiya wulini wulini nigi tun caw di ala niyn ka si'e. Hay li ma nigi wi simeɗna may gal kayam pa, nigi di'e: Simeɗna ma vidik ku ŋolo, van li nala kaw. Nigi sa milena, nigi wi kay poŋ ir sle ma ka li gaa kay nagata hiɗi wuralawna, may liyn ma nay ka hayam wulinna nigi wi kay poŋom iramɗi kay mige?
Nigi kay tuwgiya as kay poŋ ir sle ma ɗigeraɗi kay mige? Hay li ma naŋ ka tuɗ hiɗi sa ma gawt kaŋŋa vok sa ma ɗiger-lawta, garaŋ kay toy jaraŋ hiɗi namu hay li ma nigi ka hay hagat tuwa, kay la naɗi, nam ma naraŋ vok sa ma ka kitana, sa ma ka kitana ma vulaŋ goy mi sa ma ŋom daŋgayna, sa ma ŋom daŋgayna ma gaŋ daŋgaya may. Nan daŋu, naŋ ma kal goyɗi ta-ta naŋ ma wurak bal ma kaŋŋa goy kafe, ta-ta sisi kep kaw hinɗi.

Listen to LUKAS 12