<div class="version vid543 iso6393kek" data-vid="543" data-iso6393="kek">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s1">Eb' li ralal xk'ajol laj Abrah&#225;n rik'in lix Ketur&#225;</div><div class="r">(1 Kr 1,32-33)</div><div class="p"> 1Laj Abrah&#225;n kixk'am wi' chik jun rixaqil, xKetur&#225; xk'ab'a'. 2Ut a'an kiwank xkok'al: laj Simr&#225;n, laj Joks&#225;n, laj Med&#225;n, laj Madi&#225;n, laj Isbak ut laj S&#250;aj. 3Laj Joks&#225;n a'an xyuwa'eb' laj Seb&#225; ut laj Ded&#225;n. Li ralaleb' laj Ded&#225;n a'aneb' laj Asur, laj Let&#250;s ut eb' laj Lewm&#237;. 4Eb' li ralal xk'ajol laj Madi&#225;n a'aneb' a'in: laj Ef&#225;, laj Efer, laj Enok, laj Abid&#225; ut laj Eldah&#225;. Chixjunileb' a'in a'aneb' chaq ralal xk'ajol laj Abrah&#225;n rik'in lix Ketur&#225;. 5Chixjunil li k'aru wank re laj Abrah&#225;n, a' laj Isahak ki'eechanink re. 6Ab'an eb' li ralal laj Abrah&#225;n rik'ineb' li rixaqil junch'ol chik kixk'eheb' xmaatan ut kixtaqlaheb' sa' li na'ajej na'elk wi' li saq'e, najt rik'in laj Isahak.</div><div class="s1">Xkamik laj Abrah&#225;n</div><div class="p"> 7Chixjunil li xyu'am laj Abrah&#225;n a'an o'laju xb'eleek'aal (175) chihab'. 8Ki'elk xch'ool laj Abrah&#225;n ut kikamk chi ak tiix chi us ut ak xikenaq xhab', ut koxjunaji rib' rik'ineb' li xxe'toon. 9Eb' li ralal laj Isahak ut laj Ismael koxe'xmuq li xyuwa' sa' li ochoch pek wank Makpel&#225;, chi xnub'ajlil li xch'och' laj Efr&#243;n, ralal laj S&#243;jar aj Hit, sa' xjayal Mambr&#233;. 10Sa' li ch'och' li kixloq' rik'ineb' laj Hit#25,10 Gn 23,3-16. kimuqe'k laj Abrah&#225;n rochb'een lix Sara li rixaqil. 11Chirix chik xkamik laj Abrah&#225;n, li Yos kirosob'tesi laj Isahak li ralal; ut laj Isahak kikanaak chi xk'atq li ha' &#8220;Li Yo'yo li na'ilok we&#8221; xk'ab'a'.</div><div class="s1">Eb' li ralal xk'ajol laj Ismael</div><div class="r">(1 Kr 1,28-31)</div><div class="p"> 12A'aneb' a'in li ralal xk'ajol laj Ismael, ralal laj Abrah&#225;n rik'in lix Agar aj Ejiipt, aj k'anjel chiru lix Sara. 13A'aneb' a'in xk'ab'a'eb' li ralal xk'ajol laj Ismael jo' chanru li xyo'lajikeb': laj Nebayot, a'an li xb'een ralal laj Ismael; chirix chik a'an: laj Kedar, laj Adbehel, laj Mibs&#225;n, 14laj Mism&#225;, laj Dum&#225;, laj Mas&#225;, 15laj Hadad, laj Tem&#225;, laj Jetur, laj Naf&#237;s ut laj Kedm&#225;. 16A'aneb' a'in li ralal xk'ajol laj Ismael ut a'in ajwi' li xk'ab'a'eb' jo' chanru li xtenamiteb' ut li xna'ajeb': kab'laju chi xyuwa'ileb' tenamit, ak xteepal xteepal li junjunq.</div><div class="p"> 17Chixjunil li xyu'am laj Ismael a'an wuqlaju xwuqk'aal (137) chihab'. Chirix chik a'an ki'elk xch'ool ut kikamk, koxjunaji rib' rik'ineb' li xxe'toon. 18Eb' li ralal xk'ajol ke'wank xch'och' chalen Abil&#225; toj Sur, chi xk'atq Ejiipt, sa' xjayal Asur. Aran ke'kanaak, junpak'al li xna'ajeb' chixjunil li xkomoneb'.</div><div class="s1">Xyo'lajik laj Esa&#250; ut laj Jakob</div><div class="p"> 19A'an a'in resil eb' li ralal xk'ajol laj Isahak, ralal laj Abrah&#225;n. Laj Abrah&#225;n a'an xyuwa' laj Isahak. 20Ka'k'aal chihab' wank re laj Isahak naq kixk'am lix Rebeka cho'q rixaqil, a'an xrab'in laj Betuel aj Aram re Pad&#225;n-Aram, ut ranab' laj Lab&#225;n.</div><div class="p"> 21Laj Isahak kitijok chiru li Qaawa' chirix li rixaqil xb'aan naq xma'al ixq; li Qaawa' kirab'i li xtij, ut lix Rebeka li rixaqil kikanaak sa' yu'am. 22Ab'an eb' li xk'uula'al neke'xpleeti rib' rik'in chaq li xna'. Ut a'an kixye: &#8220;Wi jo'ka'in li wank, k'a' aj e naq yo'yooqin?&#8221;, chan. Ut koho chi patz'ok rik'in li Qaawa'. 23Ut li Qaawa' kixye re: &#8220;Wiib' tenamit wankeb' chaq aawik'in, wiib' amaq' li te'xjek'i rib' naq te'yo'laaq. Li jun taanumtaaq xwankil sa' xb'een li jun chik, ut li asb'ej taak'anjelaq chiru li iitz'inb'ej&#8221;.#25,23 Ro 9,12.</div><div class="p"> 24Naq kitz'aqlok xkutankil li alank, kik'utunk naq luteb' li k'uula'al li wankeb' chaq rik'in lix Rebeka. 25Kiyo'laak li xb'een, q'an'is li xjolom, q'ol is chixjunil li rix, ut aj Esa&#250; ke'xk'e cho'q xk'ab'a'. 26Moqon kiyo'laak li riitz'in, chapcho li xkux roq laj Esa&#250; xb'aan, ut aj Jakob ke'xk'e cho'q xk'ab'a'. Oxk'aal (60) chihab' wank re laj Isahak naq ke'yo'laak eb' a'an.</div><div class="s1">Laj Esa&#250; kixk'ayi li xb'eenil alalb'ejil</div><div class="p"> 27Ke'k'iik eb' li xkok'al: laj Esa&#250; kixtzol chi us li yohok ut nawulak chiru wank sa' k'aleb'aal; ab'an laj Jakob a'an jun li winq tuulan, li nawulak chiru wank sa' kab'l. 28Laj Isahak naxra laj Esa&#250; xb'aan naq nawulak chiru xtzekankil li naxyo chaq; ut lix Rebeka naxra laj Jakob.</div><div class="p"> 29Sa' jun kutan laj Jakob kixk'uub' xjuyb'il tzekemq. Naq kisutq'iik chaq laj Esa&#250; sa' k'aleb'aal chi lub'tajenaq, 30kixye re laj Jakob: &#8220;Ab'i, k'e b'ayaq chinyal li xkaqal ru laatzekemq, xb'aan naq xinlub'k&#8221; (jo'kan naq aj Edom ajwi' kixk'ab'a'in laj Esa&#250;). 31Kixye laj Jakob: &#8220;K'ayi we anaqwan laab'eenil alalb'ejil&#8221;. 32Kichaq'ok laj Esa&#250;: &#8220;Kamk we. K'aru taa'ok wi' we linb'eenil alalb'ejil?&#8221;, chan. 33Kixye laj Jakob: &#8220;Ye we rik'in jurament anaqwan&#8221;.</div><div class="p">Ut a'an kixye rik'in jurament ut kixk'ayi li xb'eenil alalb'ejil re laj Jakob.#25,33 Heb 12,16. 34Toja' naq laj Jakob kixk'e xwa ut jun sek' chi juyb'il maxkenq' re laj Esa&#250;, ut a'an kiwa'ak ki'uk'ak. Kixaqliik ut koho. Jo'ka'in naq laj Esa&#250; kixtz'eqtaana li xb'eenil alalb'ejil.</div>
 </div>
 </div>
</div>

Q'eqchi DC Bible © Bible Society in Guatemala, 2005.

Laj Abrahán kixk'am wi' chik jun rixaqil, xKeturá xk'ab'a'. Ut a'an kiwank xkok'al: laj Simrán, laj Joksán, laj Medán, laj Madián, laj Isbak ut laj Súaj. Laj Joksán a'an xyuwa'eb' laj Sebá ut laj Dedán. Li ralaleb' laj Dedán a'aneb' laj Asur, laj Letús ut eb' laj Lewmí. Eb' li ralal xk'ajol laj Madián a'aneb' a'in: laj Efá, laj Efer, laj Enok, laj Abidá ut laj Eldahá. Chixjunileb' a'in a'aneb' chaq ralal xk'ajol laj Abrahán rik'in lix Keturá. Chixjunil li k'aru wank re laj Abrahán, a' laj Isahak ki'eechanink re. Ab'an eb' li ralal laj Abrahán rik'ineb' li rixaqil junch'ol chik kixk'eheb' xmaatan ut kixtaqlaheb' sa' li na'ajej na'elk wi' li saq'e, najt rik'in laj Isahak.

Chixjunil li xyu'am laj Abrahán a'an o'laju xb'eleek'aal (175) chihab'. Ki'elk xch'ool laj Abrahán ut kikamk chi ak tiix chi us ut ak xikenaq xhab', ut koxjunaji rib' rik'ineb' li xxe'toon. Eb' li ralal laj Isahak ut laj Ismael koxe'xmuq li xyuwa' sa' li ochoch pek wank Makpelá, chi xnub'ajlil li xch'och' laj Efrón, ralal laj Sójar aj Hit, sa' xjayal Mambré. Sa' li ch'och' li kixloq' rik'ineb' laj Hit kimuqe'k laj Abrahán rochb'een lix Sara li rixaqil. Chirix chik xkamik laj Abrahán, li Yos kirosob'tesi laj Isahak li ralal; ut laj Isahak kikanaak chi xk'atq li ha' “Li Yo'yo li na'ilok we” xk'ab'a'.


A'aneb' a'in li ralal xk'ajol laj Ismael, ralal laj Abrahán rik'in lix Agar aj Ejiipt, aj k'anjel chiru lix Sara. A'aneb' a'in xk'ab'a'eb' li ralal xk'ajol laj Ismael jo' chanru li xyo'lajikeb': laj Nebayot, a'an li xb'een ralal laj Ismael; chirix chik a'an: laj Kedar, laj Adbehel, laj Mibsán, laj Mismá, laj Dumá, laj Masá, laj Hadad, laj Temá, laj Jetur, laj Nafís ut laj Kedmá. A'aneb' a'in li ralal xk'ajol laj Ismael ut a'in ajwi' li xk'ab'a'eb' jo' chanru li xtenamiteb' ut li xna'ajeb': kab'laju chi xyuwa'ileb' tenamit, ak xteepal xteepal li junjunq.
Chixjunil li xyu'am laj Ismael a'an wuqlaju xwuqk'aal (137) chihab'. Chirix chik a'an ki'elk xch'ool ut kikamk, koxjunaji rib' rik'ineb' li xxe'toon. Eb' li ralal xk'ajol ke'wank xch'och' chalen Abilá toj Sur, chi xk'atq Ejiipt, sa' xjayal Asur. Aran ke'kanaak, junpak'al li xna'ajeb' chixjunil li xkomoneb'.

A'an a'in resil eb' li ralal xk'ajol laj Isahak, ralal laj Abrahán. Laj Abrahán a'an xyuwa' laj Isahak. Ka'k'aal chihab' wank re laj Isahak naq kixk'am lix Rebeka cho'q rixaqil, a'an xrab'in laj Betuel aj Aram re Padán-Aram, ut ranab' laj Labán.
Laj Isahak kitijok chiru li Qaawa' chirix li rixaqil xb'aan naq xma'al ixq; li Qaawa' kirab'i li xtij, ut lix Rebeka li rixaqil kikanaak sa' yu'am. Ab'an eb' li xk'uula'al neke'xpleeti rib' rik'in chaq li xna'. Ut a'an kixye: “Wi jo'ka'in li wank, k'a' aj e naq yo'yooqin?”, chan. Ut koho chi patz'ok rik'in li Qaawa'. Ut li Qaawa' kixye re: “Wiib' tenamit wankeb' chaq aawik'in, wiib' amaq' li te'xjek'i rib' naq te'yo'laaq. Li jun taanumtaaq xwankil sa' xb'een li jun chik, ut li asb'ej taak'anjelaq chiru li iitz'inb'ej”.
Naq kitz'aqlok xkutankil li alank, kik'utunk naq luteb' li k'uula'al li wankeb' chaq rik'in lix Rebeka. Kiyo'laak li xb'een, q'an'is li xjolom, q'ol is chixjunil li rix, ut aj Esaú ke'xk'e cho'q xk'ab'a'. Moqon kiyo'laak li riitz'in, chapcho li xkux roq laj Esaú xb'aan, ut aj Jakob ke'xk'e cho'q xk'ab'a'. Oxk'aal (60) chihab' wank re laj Isahak naq ke'yo'laak eb' a'an.

Ke'k'iik eb' li xkok'al: laj Esaú kixtzol chi us li yohok ut nawulak chiru wank sa' k'aleb'aal; ab'an laj Jakob a'an jun li winq tuulan, li nawulak chiru wank sa' kab'l. Laj Isahak naxra laj Esaú xb'aan naq nawulak chiru xtzekankil li naxyo chaq; ut lix Rebeka naxra laj Jakob.
Sa' jun kutan laj Jakob kixk'uub' xjuyb'il tzekemq. Naq kisutq'iik chaq laj Esaú sa' k'aleb'aal chi lub'tajenaq, kixye re laj Jakob: “Ab'i, k'e b'ayaq chinyal li xkaqal ru laatzekemq, xb'aan naq xinlub'k” (jo'kan naq aj Edom ajwi' kixk'ab'a'in laj Esaú). Kixye laj Jakob: “K'ayi we anaqwan laab'eenil alalb'ejil”. Kichaq'ok laj Esaú: “Kamk we. K'aru taa'ok wi' we linb'eenil alalb'ejil?”, chan. Kixye laj Jakob: “Ye we rik'in jurament anaqwan”.
Ut a'an kixye rik'in jurament ut kixk'ayi li xb'eenil alalb'ejil re laj Jakob. Toja' naq laj Jakob kixk'e xwa ut jun sek' chi juyb'il maxkenq' re laj Esaú, ut a'an kiwa'ak ki'uk'ak. Kixaqliik ut koho. Jo'ka'in naq laj Esaú kixtz'eqtaana li xb'eenil alalb'ejil.

Listen to Gn 25