<div class="version vid543 iso6393kek" data-vid="543" data-iso6393="kek">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Laj Abr&#225;n ut laj Lot ke'xjek' rib'</div><div class="p"> 1Laj Abr&#225;n ki'elk chaq Ejiipt rochb'een li rixaqil, rochb'een laj Lot ut chixjunil li xjunkab'al, ut kitaqe'k toj Nejeb. 2Q'axal b'ihom laj Abr&#225;n: wank xketomq, x'oor ut xplaat. 3Ki'elk chaq Nejeb ut chi kok' hiil kiwulak Betel, toj sa' li na'ajej kiwank wi' xb'enwa sa' xyanq Betel rik'in Ay, 4a' li na'ajej kixyiib' wi' li artal xb'enwa ut kixyaab'a xk'ab'a' li Qaawa'.</div><div class="p"> 5Jo'kan ajwi' laj Lot, li rochb'een laj Abr&#225;n, wank xketomq ut xmuheb'aaleb'. 6Li na'ajej ink'a' chik natz'aqlok cho'q reheb', xb'aan naq numtajenaq xk'ihal li k'a'aq ru reheb'; jo'kan naq ink'a' chik naxk'e rib' te'wanq chi xkab'ichaleb'. 7Neke'xch'i'ch'i'i rib'eb' laj ilol xketomq laj Abr&#225;n rik'ineb' laj ilol xketomq laj Lot (sa'eb' li kutan a'an wankeb' chaq laj Kanah&#225;n ut eb' laj Per&#233;s sa' li na'ajej a'an). 8Jo'kan naq laj Abr&#225;n kixye re laj Lot: &#8220;Maak'a'aq taxaq raaxiik' sa' qayanq laa'o, sa' xyanqeb' laj ilol re linketomq rik'ineb' laawe, xb'aan naq laa'o qiitz'in qib'. 9Ma ink'a' tab'i' wank chawu chixjunil li ch'och'? Qajek'aq b'i' qib': wi tatxik sa' laatz'e, laa'in tinxik sa' linnim; ut wi tatxik sa' laanim, laa'in tinxik sa' lintz'e&#8221;, chan laj Abr&#225;n.</div><div class="p"> 10Laj Lot kixtaqsi li rilob'aal ut kiril chixjunil li xtaq'ahil li nima' Jord&#225;n, wank ha' chisa' chi junelik. Naq toj maji'aq nasache'k Sodoom ut Gomoor xb'aan li Qaawa', chixjunil li na'ajej a'an toj Sohar, kama' li xna'aj rawimq li Qaawa',#13,10 Gn 2,10. kama' li tenamit Ejiipt. 11Toja' naq laj Lot kixchap cho'q re chixjunil li xtaq'ahil li nima' Jord&#225;n ut kiq'axonk sa' xjayal releb'l saq'e. Chi jo'kan laj Abr&#225;n ut laj Lot ke'xjek' rib'. 12Laj Abr&#225;n kikanaak Kanah&#225;n ut laj Lot sa'eb' li tenamit wankeb' taq'a; aran kixxaqab'eb' li xmuheb'aal toj kiwulak Sodoom. 13Eb' laj Sodoom jwal ink'a' useb' xch'ool ut aj maakeb' chiru li Qaawa'.</div><div class="p"> 14Naq xikenaq chik laj Lot, li Qaawa' kixye re laj Abr&#225;n: &#8220;Taqsi laawilob'aal ut, sa' li wankat wi', ilon sa' xkaaxukuutil li ruuchich'och'. 15Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa.#13,15 Hch 7,5; Gal 3,16. 16Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol. 17Xaqlin, suti li ch'och' jo' najtil li roq ut jo' xnimal li ru, xb'aan naq aawe tink'e&#8221;, chan li Qaawa'.</div><div class="p"> 18Toja' naq laj Abr&#225;n kixjal xna'aj li xmuheb'aal ut koxkanaaq wan wi' li ji re Mambr&#233;, aran Hebr&#243;n; ut aran kixyiib' jun li artal re li Qaawa'.</div>
 </div>
 </div>
</div>

Q'eqchi DC Bible © Bible Society in Guatemala, 2005.

Laj Abrán ki'elk chaq Ejiipt rochb'een li rixaqil, rochb'een laj Lot ut chixjunil li xjunkab'al, ut kitaqe'k toj Nejeb. Q'axal b'ihom laj Abrán: wank xketomq, x'oor ut xplaat. Ki'elk chaq Nejeb ut chi kok' hiil kiwulak Betel, toj sa' li na'ajej kiwank wi' xb'enwa sa' xyanq Betel rik'in Ay, a' li na'ajej kixyiib' wi' li artal xb'enwa ut kixyaab'a xk'ab'a' li Qaawa'.
Jo'kan ajwi' laj Lot, li rochb'een laj Abrán, wank xketomq ut xmuheb'aaleb'. Li na'ajej ink'a' chik natz'aqlok cho'q reheb', xb'aan naq numtajenaq xk'ihal li k'a'aq ru reheb'; jo'kan naq ink'a' chik naxk'e rib' te'wanq chi xkab'ichaleb'. Neke'xch'i'ch'i'i rib'eb' laj ilol xketomq laj Abrán rik'ineb' laj ilol xketomq laj Lot (sa'eb' li kutan a'an wankeb' chaq laj Kanahán ut eb' laj Perés sa' li na'ajej a'an). Jo'kan naq laj Abrán kixye re laj Lot: “Maak'a'aq taxaq raaxiik' sa' qayanq laa'o, sa' xyanqeb' laj ilol re linketomq rik'ineb' laawe, xb'aan naq laa'o qiitz'in qib'. Ma ink'a' tab'i' wank chawu chixjunil li ch'och'? Qajek'aq b'i' qib': wi tatxik sa' laatz'e, laa'in tinxik sa' linnim; ut wi tatxik sa' laanim, laa'in tinxik sa' lintz'e”, chan laj Abrán.
Laj Lot kixtaqsi li rilob'aal ut kiril chixjunil li xtaq'ahil li nima' Jordán, wank ha' chisa' chi junelik. Naq toj maji'aq nasache'k Sodoom ut Gomoor xb'aan li Qaawa', chixjunil li na'ajej a'an toj Sohar, kama' li xna'aj rawimq li Qaawa', kama' li tenamit Ejiipt. Toja' naq laj Lot kixchap cho'q re chixjunil li xtaq'ahil li nima' Jordán ut kiq'axonk sa' xjayal releb'l saq'e. Chi jo'kan laj Abrán ut laj Lot ke'xjek' rib'. Laj Abrán kikanaak Kanahán ut laj Lot sa'eb' li tenamit wankeb' taq'a; aran kixxaqab'eb' li xmuheb'aal toj kiwulak Sodoom. Eb' laj Sodoom jwal ink'a' useb' xch'ool ut aj maakeb' chiru li Qaawa'.
Naq xikenaq chik laj Lot, li Qaawa' kixye re laj Abrán: “Taqsi laawilob'aal ut, sa' li wankat wi', ilon sa' xkaaxukuutil li ruuchich'och'. Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa. Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol. Xaqlin, suti li ch'och' jo' najtil li roq ut jo' xnimal li ru, xb'aan naq aawe tink'e”, chan li Qaawa'.
Toja' naq laj Abrán kixjal xna'aj li xmuheb'aal ut koxkanaaq wan wi' li ji re Mambré, aran Hebrón; ut aran kixyiib' jun li artal re li Qaawa'.

Listen to Gn 13