<div class="version vid520 iso6393arn" data-vid="520" data-iso6393="arn">
   <div class="book bkMAT">
      <div class="chapter ch28" data-usfm="MAT.28">
         <div class="label">28</div><div class="s"><span class="heading">Jesus &#241;i wi&#241;omongetun</span></div><div class="r"><span class="heading">(Marku 16.1-8, Luka 24.1-12; Juan 20.1-10)</span></div><div class="p"><span class="content">  </span><span class="verse v1" data-usfm="MAT.28.1"><span class="label">1</span><span class="content">Dew rupalu tati &#252;rk&#252;tun ant&#252;, fey dew w&#252;nlu ti llituelchi ant&#252; semana mew, Maria Magdalena ka tati kangelu Maria amuy engu &#241;i pemeafiel tati r&#252;ngan lolo.</span></span></div><div class="p"><span class="verse v1" data-usfm="MAT.28.1"><span class="content">  </span></span><span class="verse v2" data-usfm="MAT.28.2"><span class="label">2</span><span class="content">M&#252;chay m&#252;ten m&#252;ley ki&#241;e f&#252;tra n&#252;y&#252;n mapu mew ki&#241;e werken p&#252;ll&#252; am nagpalu ta wenu mapu. Fey f&#252;lpalu tati r&#252;ngan lolo mew, famentufi tati takulekechi kura, fey ka an&#252;k&#252;nuwi tati kura mew. </span></span><span class="verse v3" data-usfm="MAT.28.3"><span class="label">3</span><span class="content">Tati werken p&#252;ll&#252; wil&#252;fi ll&#252;fke&#241; reke, ka ta&#241;i takuw&#252;n f&#252;langi pire reke. </span></span><span class="verse v4" data-usfm="MAT.28.4"><span class="label">4</span><span class="content">Fey peetew tati pu soltaw, m&#252;llm&#252;lli eng&#252;n fente ta&#241;i ll&#252;kan, fey la reke felewey eng&#252;n. </span></span><span class="verse v5" data-usfm="MAT.28.5"><span class="label">5</span><span class="content">Fey tati werken p&#252;ll&#252; feypifi tati epu domo:</span></span></div><div class="p"><span class="verse v5" data-usfm="MAT.28.5"><span class="content">&#8212;Ll&#252;kakilmu. I&#241;che kimnien tamu kintupapefiel ta Jesus, tati lang&#252;mngelu ta k&#252;rus mew. </span></span><span class="verse v6" data-usfm="MAT.28.6"><span class="label">6</span><span class="content">Ngewetulay ta t&#252;fa mew. Kisu ta wi&#241;omongetuy chumngechi ta&#241;i feypik&#252;nuel. Pepafimu chew ta&#241;i tukuk&#252;nungefumum. </span></span><span class="verse v7" data-usfm="MAT.28.7"><span class="label">7</span><span class="content">Matuke amutumu, fey feypiafimu tati pu disipulu: &#8216;Wi&#241;omongetuy, ka amuay ta Galilea. W&#252;ne puway ta eym&#252;n mew. Tiye mew ta peafim&#252;n.&#8217; Fey t&#252;fachi dungu ta i&#241;che niepen tamu feypiwafiel.</span></span></div><div class="p"><span class="verse v7" data-usfm="MAT.28.7"><span class="content">  </span></span><span class="verse v8" data-usfm="MAT.28.8"><span class="label">8</span><span class="content">Tati epu domo ta rume matukel tripapatuy engu tati r&#252;ngan lolo mew. Rume ll&#252;kaley, welu ka rume ay&#252;wk&#252;ley engu, fey lefk&#252;len k&#252;patuy engu ta&#241;i kimelpatuafiel tati pu disipulu. Fey k&#252;paletulu engu &#241;i kimelpatuafiel tati pu disipulu,</span><span class="note f"><span class="label">#</span><span class=" body"><span class="fr">28.8 </span><span class="ft">Ki&#241;eke kuyfi wirin mew ngelay: &#8220;Fey k&#252;paletulu engu &#241;i kimelpatuafiel tati pu disipulu&#8221;.</span></span></span><span class="content">  </span></span><span class="verse v9" data-usfm="MAT.28.9"><span class="label">9</span><span class="content">feymew ka m&#252;ten, Jesus pewfaluweyew ka chalieyew. Feymew kisu engu f&#252;lkontufi ta Jesus ka p&#252;ramyefi engu ka maf&#252;l&#252;&#241;mafi &#241;i namun, </span></span><span class="verse v10" data-usfm="MAT.28.10"><span class="label">10</span><span class="content">fey feypieyew ta Jesus:</span></span></div><div class="p"><span class="verse v10" data-usfm="MAT.28.10"><span class="content">&#8212;Ll&#252;kakilmu. Feypimetufimu ta&#241;i pu pe&#241;i &#241;i amuael eng&#252;n ta Galilea, fey &#252;yew ta peaenew eng&#252;n.</span></span></div><div class="s"><span class="heading">Tati pu soltaw ta&#241;i n&#252;tramkael</span></div><div class="p"><span class="verse v10" data-usfm="MAT.28.10"><span class="content">  </span></span><span class="verse v11" data-usfm="MAT.28.11"><span class="label">11</span><span class="content">Petu ta&#241;i amulen tati epu domo, ki&#241;eke ti pu soltaw tati ll&#252;watulekelu, puwtuy eng&#252;n ta waria mew ka n&#252;tramelputufi tati pu longkolelu ti pu saserdote mew kom feychi dungu ta&#241;i rupan.</span></span></div><div class="p"><span class="verse v11" data-usfm="MAT.28.11"><span class="content">  </span></span><span class="verse v12" data-usfm="MAT.28.12"><span class="label">12</span><span class="content">Fey t&#252;fachi pu longko amuy eng&#252;n ta&#241;i dunguafiel tati putremke f&#252;take pu judiu, ta&#241;i fente k&#252;me n&#252;tramkawael ta kisu eng&#252;n. Ka fentren p&#252;lata elufi eng&#252;n tati pu soltaw, </span></span><span class="verse v13" data-usfm="MAT.28.13"><span class="label">13</span><span class="content">ka fente k&#252;me feypik&#252;nufi eng&#252;n:</span></span></div><div class="p"><span class="verse v13" data-usfm="MAT.28.13"><span class="content">&#8212;Eym&#252;n ta feypiaym&#252;n: &#8216;Punk&#252;lelu, petu umawk&#252;lelu i&#241;chi&#241;, Jesus ta&#241;i pu disipulu k&#252;pay. We&#241;enentupatufi eng&#252;n tati kuerpu.&#8217; </span></span><span class="verse v14" data-usfm="MAT.28.14"><span class="label">14</span><span class="content">Tati gobernador kimle ta t&#252;fachi dungu, i&#241;chi&#241; ta k&#252;me n&#252;tramkayafiyi&#241;, fey eym&#252;n ta kelluwayi&#241; tam&#252;n kutrankangenoam.</span></span></div><div class="p"><span class="verse v14" data-usfm="MAT.28.14"><span class="content">  </span></span><span class="verse v15" data-usfm="MAT.28.15"><span class="label">15</span><span class="content">Tati pu soltaw llowi tati p&#252;lata ka femi kom ta&#241;i feypingeel eng&#252;n. Fey t&#252;fa ta&#241;i femngechi feypingeken tayi t&#252;fa amuley tati pu judiu mew.</span></span></div><div class="s"><span class="heading">Jesus ta&#241;i yefaldungufiel ta&#241;i pu disipulu</span></div><div class="r"><span class="heading">(Marku 16.14-18; Luka 24.36-49; Juan 20.19-23; Hecho 1.6-8)</span></div><div class="p"><span class="verse v15" data-usfm="MAT.28.15"><span class="content">  </span></span><span class="verse v16" data-usfm="MAT.28.16"><span class="label">16</span><span class="content">Feymew tati pu mari ki&#241;e disipulu amuy eng&#252;n ta Galilea, Jesus ta&#241;i &#252;ytuk&#252;nuletewchi wingkul. </span></span><span class="verse v17" data-usfm="MAT.28.17"><span class="label">17</span><span class="content">Fey pefilu eng&#252;n ta Jesus, p&#252;ramyefi. Ki&#241;ekentu ta petu k&#252;me feyentulelafuy rume. </span></span><span class="verse v18" data-usfm="MAT.28.18"><span class="label">18</span><span class="content">Feymew Jesus f&#252;lkonpuy ta kisu eng&#252;n mew ka feypieyew:</span></span></div><div class="p"><span class="verse v18" data-usfm="MAT.28.18"><span class="content">&#8212;Ng&#252;nechen ta eluenew kom pepiluw&#252;n wenu mapu ka mapu mew. </span></span><span class="verse v19" data-usfm="MAT.28.19"><span class="label">19</span><span class="content">Amum&#252;n, kom ch&#252;f mapu m&#252;leyechi pu che mew. Ka kimeltuafim&#252;n femngechi ta&#241;i kimaetew eng&#252;n ka i&#241;che &#241;i disipulungeael eng&#252;n. Fawtisayafim&#252;n ta Chaw ta&#241;i &#252;y mew ka Fot&#252;m ka tati Lif K&#252;me P&#252;ll&#252; mew, </span></span><span class="verse v20" data-usfm="MAT.28.20"><span class="label">20</span><span class="content">ka kimeltuafim&#252;n ta&#241;i feyentuael eng&#252;n kom i&#241;che tam&#252;n werk&#252;wkefiel ta eym&#252;n. I&#241;che rumel m&#252;lean ta eym&#252;n mew, tunte afllele rume ta mapu.</span></span></div><div class="p"><span class="verse v20" data-usfm="MAT.28.20"><span class="content">Felepe may.</span><span class="note f"><span class="label">#</span><span class=" body"><span class="fr">28.20 </span><span class="ft">Ki&#241;eke kuyfi wirin mew ngelay: &#8220;Felepe may&#8221;.</span></span></span></span></div>
      </div>
   </div>
</div>

Dew rupalu tati ürkütun antü, fey dew wünlu ti llituelchi antü semana mew, Maria Magdalena ka tati kangelu Maria amuy engu ñi pemeafiel tati rüngan lolo.
Müchay müten müley kiñe fütra nüyün mapu mew kiñe werken püllü am nagpalu ta wenu mapu. Fey fülpalu tati rüngan lolo mew, famentufi tati takulekechi kura, fey ka anükünuwi tati kura mew. Tati werken püllü wilüfi llüfkeñ reke, ka tañi takuwün fülangi pire reke. Fey peetew tati pu soltaw, müllmülli engün fente tañi llükan, fey la reke felewey engün. Fey tati werken püllü feypifi tati epu domo:
—Llükakilmu. Iñche kimnien tamu kintupapefiel ta Jesus, tati langümngelu ta kürus mew. Ngewetulay ta tüfa mew. Kisu ta wiñomongetuy chumngechi tañi feypikünuel. Pepafimu chew tañi tukukünungefumum. Matuke amutumu, fey feypiafimu tati pu disipulu: ‘Wiñomongetuy, ka amuay ta Galilea. Wüne puway ta eymün mew. Tiye mew ta peafimün.’ Fey tüfachi dungu ta iñche niepen tamu feypiwafiel.
Tati epu domo ta rume matukel tripapatuy engu tati rüngan lolo mew. Rume llükaley, welu ka rume ayüwküley engu, fey lefkülen küpatuy engu tañi kimelpatuafiel tati pu disipulu. Fey küpaletulu engu ñi kimelpatuafiel tati pu disipulu, feymew ka müten, Jesus pewfaluweyew ka chalieyew. Feymew kisu engu fülkontufi ta Jesus ka püramyefi engu ka mafülüñmafi ñi namun, fey feypieyew ta Jesus:
—Llükakilmu. Feypimetufimu tañi pu peñi ñi amuael engün ta Galilea, fey üyew ta peaenew engün.

Petu tañi amulen tati epu domo, kiñeke ti pu soltaw tati llüwatulekelu, puwtuy engün ta waria mew ka nütramelputufi tati pu longkolelu ti pu saserdote mew kom feychi dungu tañi rupan.
Fey tüfachi pu longko amuy engün tañi dunguafiel tati putremke fütake pu judiu, tañi fente küme nütramkawael ta kisu engün. Ka fentren pülata elufi engün tati pu soltaw, ka fente küme feypikünufi engün:
—Eymün ta feypiaymün: ‘Punkülelu, petu umawkülelu iñchiñ, Jesus tañi pu disipulu küpay. Weñenentupatufi engün tati kuerpu.’ Tati gobernador kimle ta tüfachi dungu, iñchiñ ta küme nütramkayafiyiñ, fey eymün ta kelluwayiñ tamün kutrankangenoam.
Tati pu soltaw llowi tati pülata ka femi kom tañi feypingeel engün. Fey tüfa tañi femngechi feypingeken tayi tüfa amuley tati pu judiu mew.


Feymew tati pu mari kiñe disipulu amuy engün ta Galilea, Jesus tañi üytukünuletewchi wingkul. Fey pefilu engün ta Jesus, püramyefi. Kiñekentu ta petu küme feyentulelafuy rume. Feymew Jesus fülkonpuy ta kisu engün mew ka feypieyew:
—Ngünechen ta eluenew kom pepiluwün wenu mapu ka mapu mew. Amumün, kom chüf mapu müleyechi pu che mew. Ka kimeltuafimün femngechi tañi kimaetew engün ka iñche ñi disipulungeael engün. Fawtisayafimün ta Chaw tañi üy mew ka Fotüm ka tati Lif Küme Püllü mew, ka kimeltuafimün tañi feyentuael engün kom iñche tamün werküwkefiel ta eymün. Iñche rumel mülean ta eymün mew, tunte afllele rume ta mapu.
Felepe may.

Listen to Matew 28