The Ateso Bible

Ebaibuli 2012 (Drama NT)

<div class="version vid436 iso6393teo" data-vid="436" data-iso6393="teo">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="p"> 1Koloma Yeriko kitorite kidi&#331;ike, 2Ido koany, kojai etu&#331;anan ekekiror Sakayo; korai eketeleman esolo lokapolon, kerai da ekabaran, 3Kemoot &#331;ol aanyun Yesu kerai loka epone enyoin, mam epedoro kanuka ekodet, naarai kewuriana &#331;esi. 4Koker ki&#331;aren, kodoka kuju osukamin, tetere eanyuni; naarai itorunit orot &#331;ol. 5Nakedolio Yesu aibois &#331;in, kosesen okitoi, kotema atiar, &#8220;Sakayo, kodoku atipet; naarai kebusakinit lolo aiboikin togokon.&#8221; 6Kodoku atipet, kisukunyik &#331;es kaiyalama, 7#Luk 15:2. Nakeanyuniata itu&#331;a kirurumata kere, kobalas ebe, &#8220;Aloma aiboikin ketu&#331;anan lokadiakanaran.&#8221; 8#Any 22:1; Mar 5:6,7. Kobwo Sakayo, kotema &#331;esi Ejakait atiar, &#8220;Koany, Ejakait, akorakini lukican atutubet naka ikaboro; arai da arodit itu&#331;anan idiobore, atacakini irwan ao&#331;on.&#8221; 9#Luk 13:16; Asw 3:25; 16:31. Kotema Yesu &#331;es atiar, &#8220;Adolu lolo aitaiario togo lo, naarai erai &#331;esi da okoku loka Aburaam. 10#Mat 18:11; Esk 34:16; Yok 3:17; Luk 5:32; 1 Tim 1:15. Naarai abu Okoku loka etu&#331;anan amoot ka aitajar yenikeoliorit.&#8221;</div><div class="p"> 11 # 
 Mat 25:14-30. Nakiirariata &#331;un, kiyatak alimokin awaragan, naarai keapie ko Yerusalem, ido naarai komunosi ebe etakanuni ajakanut naka Edeke atipet. #Luk 24:21; Asw 1:6. 12#Mk 13:34. Aso kobala ebe, &#8220;Kojai etu&#331;anan lokapolon, kolot akwap naelwana, tetere edumuni ajakanut, kosodi konyet abo&#331;un, 13Konyarau itomon kobulesinike, koinak kes &#331;initu&#331;anan arupian atomon, kotema kes atiar, &#8216;Aso kogwelanasi aitodol neabo&#331;unio.&#8217; 14#Yok 1:11. Konye kolaata &#331;es itu&#331;a lukoreke, kiyakiasi ikiyakia atupar &#331;es, alimokin ebe, &#8216;Mam kikoto &#331;ol ayait sio.&#8217; 15Kosodi kanen nakebo&#331;unio, kodumunite akejakanut, kicorak anyaraun ibulesin &#331;ul luainakinit arupian, tetere ejenuni ameda naadumut kanuka agwelanar. 16Kobu losodit akonyeneke, kobala ebe, &#8216;Ejakait, akonirupia emedau ace atomon.&#8217; 17#Luk 16:10. Kotema &#331;es atiar, &#8216;Iswama ejok, ijo ebulesit loejok! Naarai irai lomunot kakirot naedit noi, koya&#331;a apolou naka ireria itomon.&#8217; 18Kobu lokiareit da, kobala ebe, &#8216;Ejakait, akonirupia emedau ace akany.&#8217; 19Kotema &#331;es atiar, &#8216;Ijo da koya&#331;a ireria ikany.&#8217; 20Kobu ece da kobala ebe, &#8216;Ejakait, koany akonirupia na, nae&#331;adakinit ogoe. 21Naarai abu kakurianar jo, naarai irai loininik: ilemuni numam ibwaikinit, idwenyi da numam iyeit.&#8217; 22Kotema &#331;es atiar, &#8216;Katubokini jo kakiro nuka aitukukon, ijo ibulesit loerono! Ibu kojeni ebe aninik eo&#331;, alemi numam ebwaikinit, adwenyi da numam ayeit. 23Aso kanukinyo mam kiinakinia akarupian mama ejaas ikagwelanarak, tetere neabunio kadum nepepe kamedakec?&#8217; 24Kobala lukebwoete eapias ebe, &#8216;Kodemut arupia, koinakis je loka arupian atomon.&#8217; 25Kotemasi &#331;es atiar, &#8216;Ejakait, ejaas &#331;es arupian atomon.&#8217; 26#Mat 13:12; Mk 4:25; Luk 8:18. &#8216;Katemari yes atiar, yenejai ibore einakinio; konye yenemamei ibore, edemunio &#331;in da yenejaas ka&#331;es. 27Bobo da &#331;ul lukasurupoka, lumam akotos eo&#331; ayait kes, koyaut ne, koarata kakonyeneka.&#8217; &#8221;</div><div class="p"> 28Nakedaunia einer &#331;un, ki&#331;arenik kes adokar Yerusalem. 29#Mat 21:1-9; Mk 11:1-10; Yok 12:12-16. Kosodi kanen nakeapiki Betepage ka Betaniya, komoru loenyaritai loka Iseitunin, kijuka iarei kokesisiak, 30kobala ebe, &#8220;Koloto ore loisesenete; nailomariata toma idumunete ikoku yenika asigiria eenitai, yenimam lem ibwanenit idiotu&#331;anan: kolacut, koinut. 31Arai ki&#331;isi itu&#331;anan ebe, &#8216;Kanukinyo ilacariata?&#8217; ibo&#331;okinete ebe, &#8216;Ejakait ipuda &#331;es.&#8217; &#8221; 32Koloto lukijukario kodumut kwape kelimokinitere. 33Napelacunete ikoku yenika asigiria, kobalas ikulepek ebe, &#8220;Kanukinyo ilacariata isigiria?&#8221; 34Kobo&#331;okis ebe, &#8220;Ejakait ipuda &#331;es.&#8221; 35Koya&#331;aut mama ejai Yesu, kopetanakis isigiria ikecenapen, kisibwanenoto Yesu. 36#2 Ika 9:13. Napelosi, kopetanakis ikecenapen orot, 37Nakeapikinia aijesaret naka Emoru loka Iseitunin, kogeu ekodet kere loka ikesisiak ailel ka aiturit Edeke keporoto loepol kanuka aswamisio kere nukapedor nuaanyut. 38#Sab 118:26; Luk 2:14. Kobalas ebe, &#8220;Isirere&#331;itoi Ekabaka loebunit kokiror loka Ejakait! Ainapakin kotoma akuj, ka aibuses da kokuju kakui!&#8221; 39Ice koParisayon lukejaas toma okodet kotemasi &#331;es atiar, &#8220;Ekesisianakinan, kitoron ikonikesisiak.&#8221; 40Kobo&#331;ok ebe, &#8220;Katemari yes atiar, Arai kilili&#331;ata lu, iworoete do amor.&#8221;</div><div class="p"> 41 # 
 2 Ika 8:11; Yok 11:35. Nakeapiki koany ere, komonyak, 42#Ikis 32:29; Mat 13:14; Yok 12:38. kobala ebe, &#8220;Arai kojeni ijo kapaaran kana akiro nukiinakinete ainapakin! Konye kwana ibwaitai kakonyenekon. 43Naarai epote apaarasia nukidukokiniata lukasurupokon itutio airigaunia, kiridakinete jo airiamar iwaitin kere, 44#Luk 21:6; Sab 137:9. kibirokinete jo kwap, ka ikonidwe kotomakon, komam kinyeiniata amoru naidokokino amoru nace; naarai mam ibu kojen apak naka aanyanariokon.&#8221;</div><div class="p"> 45 # 
 Mat 21:12-16; Mk 11:15-18; Yok 2:13-16. Koloma toma oyekalu kogeu aire&#331;ear lukagwelanarak. 46#Isa 56:7; Yer 7:11. Kobala kes ebe, &#8220;Iwadikatai ebe, &#8216;Ekatogo eraun etogo lokilipet&#8217;; konye yes ituluosi abua naka ika&#331;atak.&#8221;</div><div class="p"> 47 # 
 Luk 21:37; 22:53; Yok 18:20. Kisisianakini &#331;inipaaran kotoma oyekalu, Konye komooto isasedotin lupeti ka ikewadikak ka ikapolok luka itu&#331;a amudiar &#331;es; 48konye mam eanyuna nuepedorete aswam, naarai kokotos noi itu&#331;a kere akiirar &#331;es.</div>
 </div>
 </div>
</div>

Ateso Old Version Bible © United Bible Societies, 1961.

Koloma Yeriko kitorite kidiŋike, Ido koany, kojai etuŋanan ekekiror Sakayo; korai eketeleman esolo lokapolon, kerai da ekabaran, Kemoot ŋol aanyun Yesu kerai loka epone enyoin, mam epedoro kanuka ekodet, naarai kewuriana ŋesi. Koker kiŋaren, kodoka kuju osukamin, tetere eanyuni; naarai itorunit orot ŋol. Nakedolio Yesu aibois ŋin, kosesen okitoi, kotema atiar, “Sakayo, kodoku atipet; naarai kebusakinit lolo aiboikin togokon.” Kodoku atipet, kisukunyik ŋes kaiyalama, Nakeanyuniata ituŋa kirurumata kere, kobalas ebe, “Aloma aiboikin ketuŋanan lokadiakanaran.” Kobwo Sakayo, kotema ŋesi Ejakait atiar, “Koany, Ejakait, akorakini lukican atutubet naka ikaboro; arai da arodit ituŋanan idiobore, atacakini irwan aoŋon.” Kotema Yesu ŋes atiar, “Adolu lolo aitaiario togo lo, naarai erai ŋesi da okoku loka Aburaam. Naarai abu Okoku loka etuŋanan amoot ka aitajar yenikeoliorit.”
Nakiirariata ŋun, kiyatak alimokin awaragan, naarai keapie ko Yerusalem, ido naarai komunosi ebe etakanuni ajakanut naka Edeke atipet. Aso kobala ebe, “Kojai etuŋanan lokapolon, kolot akwap naelwana, tetere edumuni ajakanut, kosodi konyet aboŋun, Konyarau itomon kobulesinike, koinak kes ŋinituŋanan arupian atomon, kotema kes atiar, ‘Aso kogwelanasi aitodol neaboŋunio.’ Konye kolaata ŋes ituŋa lukoreke, kiyakiasi ikiyakia atupar ŋes, alimokin ebe, ‘Mam kikoto ŋol ayait sio.’ Kosodi kanen nakeboŋunio, kodumunite akejakanut, kicorak anyaraun ibulesin ŋul luainakinit arupian, tetere ejenuni ameda naadumut kanuka agwelanar. Kobu losodit akonyeneke, kobala ebe, ‘Ejakait, akonirupia emedau ace atomon.’ Kotema ŋes atiar, ‘Iswama ejok, ijo ebulesit loejok! Naarai irai lomunot kakirot naedit noi, koyaŋa apolou naka ireria itomon.’ Kobu lokiareit da, kobala ebe, ‘Ejakait, akonirupia emedau ace akany.’ Kotema ŋes atiar, ‘Ijo da koyaŋa ireria ikany.’ Kobu ece da kobala ebe, ‘Ejakait, koany akonirupia na, naeŋadakinit ogoe. Naarai abu kakurianar jo, naarai irai loininik: ilemuni numam ibwaikinit, idwenyi da numam iyeit.’ Kotema ŋes atiar, ‘Katubokini jo kakiro nuka aitukukon, ijo ibulesit loerono! Ibu kojeni ebe aninik eoŋ, alemi numam ebwaikinit, adwenyi da numam ayeit. Aso kanukinyo mam kiinakinia akarupian mama ejaas ikagwelanarak, tetere neabunio kadum nepepe kamedakec?’ Kobala lukebwoete eapias ebe, ‘Kodemut arupia, koinakis je loka arupian atomon.’ Kotemasi ŋes atiar, ‘Ejakait, ejaas ŋes arupian atomon.’ ‘Katemari yes atiar, yenejai ibore einakinio; konye yenemamei ibore, edemunio ŋin da yenejaas kaŋes. Bobo da ŋul lukasurupoka, lumam akotos eoŋ ayait kes, koyaut ne, koarata kakonyeneka.’ ”
Nakedaunia einer ŋun, kiŋarenik kes adokar Yerusalem. Kosodi kanen nakeapiki Betepage ka Betaniya, komoru loenyaritai loka Iseitunin, kijuka iarei kokesisiak, kobala ebe, “Koloto ore loisesenete; nailomariata toma idumunete ikoku yenika asigiria eenitai, yenimam lem ibwanenit idiotuŋanan: kolacut, koinut. Arai kiŋisi ituŋanan ebe, ‘Kanukinyo ilacariata?’ iboŋokinete ebe, ‘Ejakait ipuda ŋes.’ ” Koloto lukijukario kodumut kwape kelimokinitere. Napelacunete ikoku yenika asigiria, kobalas ikulepek ebe, “Kanukinyo ilacariata isigiria?” Koboŋokis ebe, “Ejakait ipuda ŋes.” Koyaŋaut mama ejai Yesu, kopetanakis isigiria ikecenapen, kisibwanenoto Yesu. Napelosi, kopetanakis ikecenapen orot, Nakeapikinia aijesaret naka Emoru loka Iseitunin, kogeu ekodet kere loka ikesisiak ailel ka aiturit Edeke keporoto loepol kanuka aswamisio kere nukapedor nuaanyut. Kobalas ebe, “Isirereŋitoi Ekabaka loebunit kokiror loka Ejakait! Ainapakin kotoma akuj, ka aibuses da kokuju kakui!” Ice koParisayon lukejaas toma okodet kotemasi ŋes atiar, “Ekesisianakinan, kitoron ikonikesisiak.” Koboŋok ebe, “Katemari yes atiar, Arai kililiŋata lu, iworoete do amor.”
Nakeapiki koany ere, komonyak, kobala ebe, “Arai kojeni ijo kapaaran kana akiro nukiinakinete ainapakin! Konye kwana ibwaitai kakonyenekon. Naarai epote apaarasia nukidukokiniata lukasurupokon itutio airigaunia, kiridakinete jo airiamar iwaitin kere, kibirokinete jo kwap, ka ikonidwe kotomakon, komam kinyeiniata amoru naidokokino amoru nace; naarai mam ibu kojen apak naka aanyanariokon.”
Koloma toma oyekalu kogeu aireŋear lukagwelanarak. Kobala kes ebe, “Iwadikatai ebe, ‘Ekatogo eraun etogo lokilipet’; konye yes ituluosi abua naka ikaŋatak.”
Kisisianakini ŋinipaaran kotoma oyekalu, Konye komooto isasedotin lupeti ka ikewadikak ka ikapolok luka ituŋa amudiar ŋes; konye mam eanyuna nuepedorete aswam, naarai kokotos noi ituŋa kere akiirar ŋes.

Listen to Luka 19