<div class="version vid4077 iso6393lyn" data-vid="4077" data-iso6393="lyn">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Jesu Yobalisa Omulume noku Kukutela Olun&#772;an&#772;ali</div><div class="r">(Maleka2.1-12; Luka5.17-26)</div><div class="p"> 1Jesu sebeli oingena mu wato ni kuta mu linjaliya mu mulenen&#772;i waye. 2Cwale aanu sebeli amulitela omulume onaku kukutela olun&#772;an&#772;ali, yo langanine ba museme. Jesu aba namona etumelo yoo, sebeli wamba kwa woyo no kukola nji, &#8220;Oongote omucima mwanange, eibi yowe na wilemenwe.&#8221;</div><div class="p"> 3Ababo aiyeti anjili no mulawo sebeli amba mu micima yoo nji, &#8220;Uyu mulume kame anyefula Nyambe.&#8221; 4Jesu aba ana ku lemuha emihupulo yoo, sebeli wamba nji, &#8220;Anyi iikene munahanela emihupulo no kwiiba mu micima yenu?&#8221; 5Sibine esi sotobile, ni kwamba nji, &#8216;Eibi yowe nai lemenwe,&#8217; ni kwamba nji, &#8216;Wimane weende?&#8217; 6Mi cwale kame ni singa mu limuke nji Mwana no Munu kame ali ni tukelo bano banji noku lemena aanu eibi, ababo Jesu sebeli wambela omulume no kukutelanga olun&#772;an&#772;ali nji, &#8220;Imana olonde omuseme wowe ute ku mundi.&#8221;</div><div class="p"> 7Woyo mulume sebeli oimana nuu kutela ku mundi waye. 8Aanu no kupula aba ana kumona ngeeso sebeli acila, mi sebeli alumba Nyambe onabi kwaanu etukelo no ngeeso.</div><div class="s">Jesu yo isana Mateu</div><div class="r">(Maleka2.13-17; Luka5.27-32)</div><div class="p"> 9Abo Jesu aba ana suweta okwenda, sebeli omona omulume no litina lya Mateu yo ikalile ba lubala no ndoo no mutelo. Sebeli wamba kwa yonyene, &#8220;Oni kon&#772;e&#8221;</div><div class="p">Ababo omulume sebeli oimana ni kumu kon&#772;a.</div><div class="p"> 10Ababo Jesu abana lyanga mu ndoo ya Mateu, atelisi no kupula na sikutenda eibi sebeli aingena ni kulya ni Jesu bamweya naa iyetwa aye. 11Afalisi aba ana kumona ngeeso, sebeli aibanguta aiyetwa aye nji, &#8220;Iikene omwiyeti wenu abalya naanu no ngeesi?&#8221; 12Jesu aba ana ku yupa ngeeso sebeli otambula nji, &#8220;Awo nokwa kolo kasaele onganga, kono onganga kame asaeliwa kwa asikukola. 13Mute muka kwiyete eyo litalusa elin&#772;olo eli nji, &#8216;Kame ni singa esishemo kasa esitabelo no iyamana.&#8217; Kana siiya mu kwisanena ano kuluka ku kubaka, kono asikutenda eibi.&#8221;</div><div class="s">Epuzo no Oukuyumena Eilya</div><div class="r">(Maleka2.18-22; Luka5.33-39)</div><div class="p"> 14Cwale aiyetwa a Jowani omukolobezi sebeli aiya kwa Jesu ni kwamba nji, &#8220;Aci na Afalisi kame tukuyumenanga eilya mu nako injili. Cwale ngasibine aiyetwa owe aba kaakuyumene eilya?&#8221; 15Mi Jesu sebeli wamba kwa yonyene nji, &#8220;Ninji alikani no mukwati kame satwese okulila, omukwati yo sili kwa onyene? Kono eliywaa kame liiya, elyo omukwati aba sa tundisiwe kwa onyene. bokame abo saa kuyumene eilya.&#8221; 16&#8220;Ka kwisa omunu woyo so beeka esimanahani no ubya ba sikumango no kukulubala, kakuli esimanahani eso kame sasi kaule esikumango eso, kame sekeza abo no ku kauka.&#8221; 17Kame aanu ka itele ewaine no ubya mu singumbuli no kupangiwa ba itumba no kale, kakuli eyitumba mbei kauka. Mi cwale ewaine mba iitekele banji, mi sonyene esingumbui no kupanga ba itumba mbasi kauka. Kono ewaine no ubya kame iitelwa mu singumbuli no kupanga ba itumba no ubya, mi einu yiili kame ibabalelwa.</div><div class="s">Mwana no Nduna no Mukatana ni Mukati Ona Kulema ku Mukanjo wa Jesu</div><div class="r">(Maleka5.21-43; Luka8.40-56)</div><div class="p"> 18Cwale Jesu yosamba eyambo eyi, sebeli kukeela onduna nikumu kubamena nji, &#8220;Mwanange no mukatana okubinda afe abano, kono wiiye, mu ku beeka elyoko lyowe beulu yaye mi mba yoyo kame.&#8221;</div><div class="p"> 19Jesu na iyetwa aye sebeli aimana ni kumu kon&#772;a. 20Ababo omukati onaku katazeha ku weeti no mweeya emyaka no kukwana likumi ni yiili (12), sebeli oiya mu nyima ni kulema ku mungundo no mukanjo waye. 21Omukati sebeli okwambisa yonyene nji, &#8220;Aba sanileme feela ba mukanjo waye mbibala.&#8221; 22Jesu sebeli oku setuka, ni kumumona, mi sebeli wamba kwa yonyene nji, &#8220;Oongote omucima mwanange, etumelo yowe nai kuyoyisa.&#8221; Mi ababo ba nako eyo, omukati sebeli obala.</div><div class="p"> 23Cwale Jesu aba ana kwingena mu ndoo no nduna, sebeli omona aa alemine okupeta etipala, naanu no kupula alemine okulila onene, 24sebeli waambela nji, &#8220;Komu tunde, kakuli omukatana ka sifa, kono kame alanganine feela.&#8221; Mi aanu sebeli a musheka. 25Cwale ababo aanu aba ana kubanena bandee, sebeli oingena ni kumu lema ku lyooko, mi omukatana sebeli oinguka. 26Cwale etaba eyo ana kutenda Jesu sebeli ita elibubo mu naha yonje.</div><div class="s">Jesu Yobalisa Alume Ayiili no Ibofu</div><div class="p"> 27Jesu aba nasiya esibaka eso, eibofu yiili sebeli imukon&#772;a eyikuwa nji, &#8220;Mwanaye Dabida otu yupele amakeke.&#8221; 28Aba ana kwingena mu ndoo, eibofu eyo sebeli iiya kwa yonyene, mi Jesu sebeli oiibanguta nji, &#8220;Kame mupumena nji kame ni twesa okumi balisa?&#8221;Eibofu sebeli itambula nji, &#8220;Ee Mbumu.&#8221; 29Cwale Jesu sebeli walema ba miyo ni kwamba nji, &#8220;Ku tendwe okuta mu tumelo yenu!&#8221; 30Mi amiyo oo sebeli amona. Cwale Jesu sebeli waa laela onene nji, &#8220;Mu mamele nji mulese okwamba etaba eyi kwaanu.&#8221; 31Kono sebeli ata nu kambela aanu eyo ana tende mu naha yonje.</div><div class="s">Jesu Yobalisa Omulume no Simumu</div><div class="p"> 32Cwale awo alume ayiili asita feela, aanu sebeli alita kwa Jesu omulume. Mi neli esimumu kakuli kame ana kwikalanga ni mebo no kwiiba. 33Ababo emebo no kwiiba aba ina kutundisiwa, omulume sebeli otangisa okwamba, mi aanu onje sebeli akomoka. Sebeli amba nji, &#8220;Katwa simona kale esinu kanyi esi mu Isilaele.&#8221; 34Kono Afalisi sebeli amba nji, &#8220;Kame acita amadimona mu libaka no Mbumu no madimona.&#8221;</div><div class="s">Jesu Kame Akwite Amakeke Kwaanu</div><div class="p"> 35Cwale Jesu sebeli ota yo enda mu milenen&#772;i ni mu mindi yonje. Sebeli oiyetanga aanu mu tindoo too no milapelo, yo amba eliywi no mubuso, yo lemine oku balisa aanu awo ana kwikalanga ni meeti onje. 36Aba ana kumona aanu no kupula sebeli waa yupela amakeke, kakuli nakuyanda onene okuulwa etuso kanyi emikoko nambulwa omulisani 37Ababo sebeli wambela aiyetwa aye nji, &#8220;Ekutulo niyaku neneba, kono asiku kutula acana. 38Cwale abo mu lapele kwa Mbumu no kutulo nji atume abeleki nji awaneke ekutulo yaye.&#8221;</div>
 </div>
 </div>
</div>

Jesu sebeli oingena mu wato ni kuta mu linjaliya mu mulenen̄i waye. Cwale aanu sebeli amulitela omulume onaku kukutela olun̄an̄ali, yo langanine ba museme. Jesu aba namona etumelo yoo, sebeli wamba kwa woyo no kukola nji, “Oongote omucima mwanange, eibi yowe na wilemenwe.”
Ababo aiyeti anjili no mulawo sebeli amba mu micima yoo nji, “Uyu mulume kame anyefula Nyambe.” Jesu aba ana ku lemuha emihupulo yoo, sebeli wamba nji, “Anyi iikene munahanela emihupulo no kwiiba mu micima yenu?” Sibine esi sotobile, ni kwamba nji, ‘Eibi yowe nai lemenwe,’ ni kwamba nji, ‘Wimane weende?’ Mi cwale kame ni singa mu limuke nji Mwana no Munu kame ali ni tukelo bano banji noku lemena aanu eibi, ababo Jesu sebeli wambela omulume no kukutelanga olun̄an̄ali nji, “Imana olonde omuseme wowe ute ku mundi.”
Woyo mulume sebeli oimana nuu kutela ku mundi waye. Aanu no kupula aba ana kumona ngeeso sebeli acila, mi sebeli alumba Nyambe onabi kwaanu etukelo no ngeeso.


Abo Jesu aba ana suweta okwenda, sebeli omona omulume no litina lya Mateu yo ikalile ba lubala no ndoo no mutelo. Sebeli wamba kwa yonyene, “Oni kon̄e”
Ababo omulume sebeli oimana ni kumu kon̄a.
Ababo Jesu abana lyanga mu ndoo ya Mateu, atelisi no kupula na sikutenda eibi sebeli aingena ni kulya ni Jesu bamweya naa iyetwa aye. Afalisi aba ana kumona ngeeso, sebeli aibanguta aiyetwa aye nji, “Iikene omwiyeti wenu abalya naanu no ngeesi?” Jesu aba ana ku yupa ngeeso sebeli otambula nji, “Awo nokwa kolo kasaele onganga, kono onganga kame asaeliwa kwa asikukola. Mute muka kwiyete eyo litalusa elin̄olo eli nji, ‘Kame ni singa esishemo kasa esitabelo no iyamana.’ Kana siiya mu kwisanena ano kuluka ku kubaka, kono asikutenda eibi.”


Cwale aiyetwa a Jowani omukolobezi sebeli aiya kwa Jesu ni kwamba nji, “Aci na Afalisi kame tukuyumenanga eilya mu nako injili. Cwale ngasibine aiyetwa owe aba kaakuyumene eilya?” Mi Jesu sebeli wamba kwa yonyene nji, “Ninji alikani no mukwati kame satwese okulila, omukwati yo sili kwa onyene? Kono eliywaa kame liiya, elyo omukwati aba sa tundisiwe kwa onyene. bokame abo saa kuyumene eilya.” “Ka kwisa omunu woyo so beeka esimanahani no ubya ba sikumango no kukulubala, kakuli esimanahani eso kame sasi kaule esikumango eso, kame sekeza abo no ku kauka.” Kame aanu ka itele ewaine no ubya mu singumbuli no kupangiwa ba itumba no kale, kakuli eyitumba mbei kauka. Mi cwale ewaine mba iitekele banji, mi sonyene esingumbui no kupanga ba itumba mbasi kauka. Kono ewaine no ubya kame iitelwa mu singumbuli no kupanga ba itumba no ubya, mi einu yiili kame ibabalelwa.


Cwale Jesu yosamba eyambo eyi, sebeli kukeela onduna nikumu kubamena nji, “Mwanange no mukatana okubinda afe abano, kono wiiye, mu ku beeka elyoko lyowe beulu yaye mi mba yoyo kame.”
Jesu na iyetwa aye sebeli aimana ni kumu kon̄a. Ababo omukati onaku katazeha ku weeti no mweeya emyaka no kukwana likumi ni yiili (12), sebeli oiya mu nyima ni kulema ku mungundo no mukanjo waye. Omukati sebeli okwambisa yonyene nji, “Aba sanileme feela ba mukanjo waye mbibala.” Jesu sebeli oku setuka, ni kumumona, mi sebeli wamba kwa yonyene nji, “Oongote omucima mwanange, etumelo yowe nai kuyoyisa.” Mi ababo ba nako eyo, omukati sebeli obala.
Cwale Jesu aba ana kwingena mu ndoo no nduna, sebeli omona aa alemine okupeta etipala, naanu no kupula alemine okulila onene, sebeli waambela nji, “Komu tunde, kakuli omukatana ka sifa, kono kame alanganine feela.” Mi aanu sebeli a musheka. Cwale ababo aanu aba ana kubanena bandee, sebeli oingena ni kumu lema ku lyooko, mi omukatana sebeli oinguka. Cwale etaba eyo ana kutenda Jesu sebeli ita elibubo mu naha yonje.

Jesu aba nasiya esibaka eso, eibofu yiili sebeli imukon̄a eyikuwa nji, “Mwanaye Dabida otu yupele amakeke.” Aba ana kwingena mu ndoo, eibofu eyo sebeli iiya kwa yonyene, mi Jesu sebeli oiibanguta nji, “Kame mupumena nji kame ni twesa okumi balisa?”Eibofu sebeli itambula nji, “Ee Mbumu.” Cwale Jesu sebeli walema ba miyo ni kwamba nji, “Ku tendwe okuta mu tumelo yenu!” Mi amiyo oo sebeli amona. Cwale Jesu sebeli waa laela onene nji, “Mu mamele nji mulese okwamba etaba eyi kwaanu.” Kono sebeli ata nu kambela aanu eyo ana tende mu naha yonje.

Cwale awo alume ayiili asita feela, aanu sebeli alita kwa Jesu omulume. Mi neli esimumu kakuli kame ana kwikalanga ni mebo no kwiiba. Ababo emebo no kwiiba aba ina kutundisiwa, omulume sebeli otangisa okwamba, mi aanu onje sebeli akomoka. Sebeli amba nji, “Katwa simona kale esinu kanyi esi mu Isilaele.” Kono Afalisi sebeli amba nji, “Kame acita amadimona mu libaka no Mbumu no madimona.”

Cwale Jesu sebeli ota yo enda mu milenen̄i ni mu mindi yonje. Sebeli oiyetanga aanu mu tindoo too no milapelo, yo amba eliywi no mubuso, yo lemine oku balisa aanu awo ana kwikalanga ni meeti onje. Aba ana kumona aanu no kupula sebeli waa yupela amakeke, kakuli nakuyanda onene okuulwa etuso kanyi emikoko nambulwa omulisani Ababo sebeli wambela aiyetwa aye nji, “Ekutulo niyaku neneba, kono asiku kutula acana. Cwale abo mu lapele kwa Mbumu no kutulo nji atume abeleki nji awaneke ekutulo yaye.”

Listen to Mateu 9