<div class="version vid3684 iso6393mgs" data-vid="3684" data-iso6393="mgs">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="p"> 1Leka akayili mundu mFarisayo, lihina lyake Nikodemo, nkulungu wa waYehudi: 2uyu akamhichili yombe kilo, nakajowiti kwa yombe, Rabbi, timanya kukita uyii mwalimu kuhumila pa Mulungu: pakuya nakuya mundu ahotola kufikita fiwalalilo ifi ufikita wenga, wona alemiti Mulungu kutama nuyombe. 3Yesu akahigiti nakajowiti kwa yombe, Chakaka, chakaka, nikujowela, Mundu wona alemiti kuhogoleka kawili, ahotola lepa kuuwona utwa wa Mulungu. 4Nikodemo anjowela, Ahotola wuli mundu kuhogoleka pakuya ngogolo? ahotola kawili ati kuyingila mu luleme lwa nyina, ni kuhogoleka? 5Yesu akahigiti, Chakaka, chakaka, nikujowela, Mundu wona alemiti kuhogoleka na machi ni Roho, ahotola lepe kuyingila mu utwa wa Mulungu. 6Iki kihogoliki ni nyama kiyii nyama; ni iki kihogoliki ni Roho kiyii roho. 7Usiganagana ndawa nikajowiti kwa wenga, Ulinganila kuhogoleka kawili. 8Mbepo yipupuma uku yilonda, ni muyufwana njwawila yake, leka umanya lepa uku yihuma, haka uku yibita: wiwila na ayi yoha yuahogoliki nu Roho. 9Nikodemo akahigiti nakajowiti kwa yombe, Ifi fihotoleka wuli? 10Yesu akahigiti nakajowiti kwa yombe, Wenga uyii mwalimu wa Israel ati, ni uwalalila lepa ifi? 11Chakaka, chakaka, nikujowela, Tijowa ifi timanya, na ifi tiweni tilasa ulungamakiso; nu ulungamakiso witu muyupa lepa. 12Wona nijowiti fya pa ndima, na mukela lepa, yamukele wuli, wona nitawila kwa mwenga fya kunani? 13Na pa waka mundu akweliti kunani, lema uyu aselili wa kunani, yuyu Mwana wa adam, uyu ayii kunani. 14Na umu Musa akakwesili liyoka mu dasi, wiwila Mwana wa adam alinganila kukweseka: 15nausi ayi yoha yuakela pa yombe aye ni kulama kwa miaka.</div><div class="p"> 16Pakuya wiwila Mulungu akauganiti ndima, mpaka akampeliki Mwana mundu wakuhogoleka wakapekape, nausi ayi yoha yuakela pa yombe akotoke kutagika, koma apate kulama kwa miaka. 17Pakuya Mulungu akatumiti lepa Mwana mundu mu ndima kuupaula ndima; koma nausi ndima uyokoleke mwa yombe. 18Wa kunkela yombe apawulika lepa: uyu ankela lepa apawuliki hino, ndawa alikeliti lepa lihina lya Mwana wakuhogoleka wakapekape wa Mulungu. 19Leka kupaula kuku uku, kukita lulangalila luchiti mu ndima, na wandu wakaganiti lwisi kulutila lulangalila lula; pakuya mahengo gawe gakayili mawifu. 20Pakuya ayi yoha yuakita fiwifu aluwipila lulangalila, na aluhichila lepa lulangalila, nausi gasipelewa mhalo makitiko gake. 21Leka wakukita chakaka aluchila lulangalila, nausi makitiko gake galasike pa lulanga, kukita gahengiki pa Mulungu.</div><div class="p"> 22Panyuma pa aga Yesu akachiti ni wanafunsi wake ku ndima wa Yudaya; na kukulakula akahweliti nawo, ni akayili mu kubatisa. 23Leka Yohana kawili akayili mu kubatisa mu Enon kuwandamila pa Salim, ndawa gakayili machi mingi kukulakula: na wakahichiti, ni kubatasika. 24Pakuya Yohana akona nukutagika pa kukungika. 25Wiwila gakawoniki mapindikano ga wanafunsi wa Yohana pamonga na mYehudi ga fya kuguyulika. 26Na wakamhichili Yohana, na wakajowiti kwa yombe, Rabbi, uyu akayili pamonga nu wenga lisi lila lya Yordani, uyu wenga undasiti ulungamakiso, lola, yuyu abatisa, ni woha wamhichila yombe. 27Yohana akahigiti nakajowiti, Nakuhotola mundu kuyupa kindu, wona kilemiti kupelewa kwake kuhumila kunani. 28Mwenga mwawene mulasa ulungamakiso pa nenga, kukita nikajowiti, Nenga nakuya lepa Kristo, koma, kukita nitumiki palongolo pa yombe. 29Uyu ayii ni ndala ayii ntuwusi: leka nkosi mundu ntuwusi, uyu ayima ni kunjufwana, ahekalela ndawa ya njowelo ya ntuwusi: mumu luheko lwangu ulu lumemasiki. 30Yombe alinganila kuyonjekaseka, leka nenga kupunguka.</div><div class="p"> 31Uyu ahicha kuhumila kunani ayii panani pa fyoha: uyu wa pa ndima wa ndima ayii, ni fya ndima alongela: uyu ayicha kuhumila kunani ayii panani pa fyoha. 32Iki akiweni ni akiyufwini, kiki alasa ulungamakiso; ni ulungamakiso wake mundu ayupa lepa. 33Wa kuyupa ulungamakiso wake akomalili kiwalalilo kukita Mulungu ayii wa chakaka. 34Pakuya uyu Mulungu antumiti alongela malowe gake Mulungu: pakuya apeleka lepa Roho kwa ndingo. 35Dadi angana Mwana, na ampili fyoha mu kiwoko kyake. 36Wa kunkela Mwana ayii nako kulama kwa miaka; leka uyu anjufwana lepa Mwana yakuwone lepa kulama, koma kufyoma kwake Mulungu kuhwela panani pa yombe.</div>
 </div>
 </div>
</div>

First published by the British and Foreign Bible Society in 1937.

Leka akayili mundu mFarisayo, lihina lyake Nikodemo, nkulungu wa waYehudi: uyu akamhichili yombe kilo, nakajowiti kwa yombe, Rabbi, timanya kukita uyii mwalimu kuhumila pa Mulungu: pakuya nakuya mundu ahotola kufikita fiwalalilo ifi ufikita wenga, wona alemiti Mulungu kutama nuyombe. Yesu akahigiti nakajowiti kwa yombe, Chakaka, chakaka, nikujowela, Mundu wona alemiti kuhogoleka kawili, ahotola lepa kuuwona utwa wa Mulungu. Nikodemo anjowela, Ahotola wuli mundu kuhogoleka pakuya ngogolo? ahotola kawili ati kuyingila mu luleme lwa nyina, ni kuhogoleka? Yesu akahigiti, Chakaka, chakaka, nikujowela, Mundu wona alemiti kuhogoleka na machi ni Roho, ahotola lepe kuyingila mu utwa wa Mulungu. Iki kihogoliki ni nyama kiyii nyama; ni iki kihogoliki ni Roho kiyii roho. Usiganagana ndawa nikajowiti kwa wenga, Ulinganila kuhogoleka kawili. Mbepo yipupuma uku yilonda, ni muyufwana njwawila yake, leka umanya lepa uku yihuma, haka uku yibita: wiwila na ayi yoha yuahogoliki nu Roho. Nikodemo akahigiti nakajowiti kwa yombe, Ifi fihotoleka wuli? Yesu akahigiti nakajowiti kwa yombe, Wenga uyii mwalimu wa Israel ati, ni uwalalila lepa ifi? Chakaka, chakaka, nikujowela, Tijowa ifi timanya, na ifi tiweni tilasa ulungamakiso; nu ulungamakiso witu muyupa lepa. Wona nijowiti fya pa ndima, na mukela lepa, yamukele wuli, wona nitawila kwa mwenga fya kunani? Na pa waka mundu akweliti kunani, lema uyu aselili wa kunani, yuyu Mwana wa adam, uyu ayii kunani. Na umu Musa akakwesili liyoka mu dasi, wiwila Mwana wa adam alinganila kukweseka: nausi ayi yoha yuakela pa yombe aye ni kulama kwa miaka.
Pakuya wiwila Mulungu akauganiti ndima, mpaka akampeliki Mwana mundu wakuhogoleka wakapekape, nausi ayi yoha yuakela pa yombe akotoke kutagika, koma apate kulama kwa miaka. Pakuya Mulungu akatumiti lepa Mwana mundu mu ndima kuupaula ndima; koma nausi ndima uyokoleke mwa yombe. Wa kunkela yombe apawulika lepa: uyu ankela lepa apawuliki hino, ndawa alikeliti lepa lihina lya Mwana wakuhogoleka wakapekape wa Mulungu. Leka kupaula kuku uku, kukita lulangalila luchiti mu ndima, na wandu wakaganiti lwisi kulutila lulangalila lula; pakuya mahengo gawe gakayili mawifu. Pakuya ayi yoha yuakita fiwifu aluwipila lulangalila, na aluhichila lepa lulangalila, nausi gasipelewa mhalo makitiko gake. Leka wakukita chakaka aluchila lulangalila, nausi makitiko gake galasike pa lulanga, kukita gahengiki pa Mulungu.
Panyuma pa aga Yesu akachiti ni wanafunsi wake ku ndima wa Yudaya; na kukulakula akahweliti nawo, ni akayili mu kubatisa. Leka Yohana kawili akayili mu kubatisa mu Enon kuwandamila pa Salim, ndawa gakayili machi mingi kukulakula: na wakahichiti, ni kubatasika. Pakuya Yohana akona nukutagika pa kukungika. Wiwila gakawoniki mapindikano ga wanafunsi wa Yohana pamonga na mYehudi ga fya kuguyulika. Na wakamhichili Yohana, na wakajowiti kwa yombe, Rabbi, uyu akayili pamonga nu wenga lisi lila lya Yordani, uyu wenga undasiti ulungamakiso, lola, yuyu abatisa, ni woha wamhichila yombe. Yohana akahigiti nakajowiti, Nakuhotola mundu kuyupa kindu, wona kilemiti kupelewa kwake kuhumila kunani. Mwenga mwawene mulasa ulungamakiso pa nenga, kukita nikajowiti, Nenga nakuya lepa Kristo, koma, kukita nitumiki palongolo pa yombe. Uyu ayii ni ndala ayii ntuwusi: leka nkosi mundu ntuwusi, uyu ayima ni kunjufwana, ahekalela ndawa ya njowelo ya ntuwusi: mumu luheko lwangu ulu lumemasiki. Yombe alinganila kuyonjekaseka, leka nenga kupunguka.
Uyu ahicha kuhumila kunani ayii panani pa fyoha: uyu wa pa ndima wa ndima ayii, ni fya ndima alongela: uyu ayicha kuhumila kunani ayii panani pa fyoha. Iki akiweni ni akiyufwini, kiki alasa ulungamakiso; ni ulungamakiso wake mundu ayupa lepa. Wa kuyupa ulungamakiso wake akomalili kiwalalilo kukita Mulungu ayii wa chakaka. Pakuya uyu Mulungu antumiti alongela malowe gake Mulungu: pakuya apeleka lepa Roho kwa ndingo. Dadi angana Mwana, na ampili fyoha mu kiwoko kyake. Wa kunkela Mwana ayii nako kulama kwa miaka; leka uyu anjufwana lepa Mwana yakuwone lepa kulama, koma kufyoma kwake Mulungu kuhwela panani pa yombe.

Listen to Yohana 3