Tawbuid, Eastern by OMF International, Philippines Non-Drama (NT)

Tawbuid, Eastern by OMF International, Philippines Drama (NT)

<div class="version vid3617 iso6393bnj" data-vid="3617" data-iso6393="bnj">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Isus ay Nikudemu</div><div class="p"> 1Ebi e sik taw Parisiyu at ngayan Nikudemu. Kanya taw Udyu at tagmagurang at sadi. 2Sik yabi kanya nananlag sas Isus, ay iglong te, &#8220;Takamoyung, nasaful wami te, Diyus tuwa at nasugu emu laman nanfamoyung o. Teway we taw at mafafagbulun kata am ngay nafagbulun at madulawan, Diyus nu dway gufud anya.&#8221; 3Ay Isus nabalus te, &#8220;Matuyan iglong aw emu te, sik taw wa ban umful sas Diyus at fagmagurangan taw nu dway gdog umsalug.&#8221; 4Ay Nikudemu ginto te, &#8220;Setain ro nu kin sik taw nu gdog nangasalug nu magurang wan? Go gdog yay ban fiya sat tina basad ungdan laman gdog yay fiya umsalug?&#8221; 5Ay Isus gbalus te, &#8220;Matuyan iglong aw emu te, sik taw wa umful sas Diyus at fagmagurangan taw nu dway umsalug sa at Masine fag Falad, at tagfasine anya. 6At kinsalug siginan sik taw, at leleg tagste way swa daga. Ay at kinsalug sat Masine fag Falad, e fanfalad tuwa fag leleg. 7Lag gadulawan ku nalong emu aro te, dogi yap fiya asalugi. 8At tagmara nu kadasug nus ngandaginan. Dewa o nadungug nu gfus wo gsaful te, daginan ay dada ro nu mdasug. Katanya yangay fiya fiya sik taw at kinsalug sa at Masine fag Falad.&#8221; 9Ay Nikudemu ginto yangay te, &#8220;Tain ro nu mgurungan katanya?&#8221; 10Ay Isus gbalus te, &#8220;O wan at sadik takamoyung sis Israel, taw am fagyudun gsaful katanya ku longan? 11Matuyan iglong aw emu te, gfoyung ami sa emu em nasaful, ay gfatuyan ami sa emu em nalag, ay dewa katanya wam gafanud. 12Nu dway am gafanud ku foyungan ayu sa baliwa ste swa daga, setain ya ro nu gafanud ban am sa ku foyungan ayu tagsa baliwas banwa? 13We taw batang gsakbo sas banwa dasday aw, Taw at Baguwama, teway aw way tagsanya ginan.&#8221;</div><div class="p"> 14Ay Isus glong yay te, &#8220;Nus nga setaw Muisis nu gfaabat sik ubyanun tansu sas talun at yud e taw, e faabat yangay ban fiya angku, Taw at Baguwama, 15laman nus nga sinu tagafanud sa angku faggugat gleleg tuwa.&#8221;</div><div class="p"> 16Matvngvd tuwa Diyus nu kesug taw ste swa daga, at fagnafonun at mafilian fag baguwama, laman nus nga sinu ban at tagafanud sa anya di ban kate ay faggugat gleleg tuwa. 17Diyus at fagnasuguun at baguwama ste swa daga, di nanfegan ngay taw antuwa nanfalangfe ngay taw. 18Nus nga sinu tagafanud sa anya, di ban umfaurianan. Ay nus nga sinu at yud gafanud, umfaurianan wa ban fiya, anway kanya wa gafanud sas Diyus at mafilian fag baguwama. 19E faurianan wa ban fiya anya teway sik fagmayamagun indasug wa ste swa daga, ay roro ngay taw at fakaumsigun sad marum way, ay wa kaumsig sat mayamag, anway mauri way at ngay fagbulun. 20Kayu tagfagbulun mauri kalimata way sa ka fag fagmayamagun. Ay wa kaumsig kakbang sa anya, laman at fagmauriun wa msure. 21Ay sik taw tagfagbulun matuyan, nangakbang tuwa sa ka fag salung, laman gfasaful sa tiba te, at fagbulun gfaning tuwa Diyus.</div><div class="s">Isus Tiba Tungud ay Uan Tiba Daga</div><div class="p"> 22Rodi Isus ay at ngay tagadal nalo wan sa tibak fulan sis Udiya. Ay kaduge sanya gsurung yay sanya fag ngay taw. 23Ay Uan igsurung yangay taw sas fulan Enun, makbang sas fulan Salim, anway sanya tagbvt at safa. Ay at ngay taw glo sanya sas Uan Tagfasurung laman nangasurung. 24(Ginanya Uan ya masungsungan.)</div><div class="p"> 25Ay Uan at ngay tagadal igfabadbaboan sik taw Udyu sa baliwa nu gfasurung. 26Nu katanya, kanya fag ngay taw inkakbang sas Uan ay nalong te, &#8220;Em Takamoyung, am ufud ebi sis dife Safa Urdan, am nafoyung ebi sa sangay taw, kanya katsi gsurung yangay, ay arvs fagayu taw sanya wan.&#8221; 27Ay Uan gbalus te, &#8220;Sik taw we fagmafabulun nus nge wain, nu dway Diyus fakaumsigun. 28Am wan at tagfatuyanan ku longan ebi te, bunwa aw Diyus at nafili fag Fun. Diyus fagnasuguun angku, laman nan-guna akway sat nafili fag Fun. 29Ay Uan nafafaskudanan te, &#8216;Sik mangama nabul sik baguyna ay indaduwa. Ay at fagwes gina malindug guseganan dawdaw nu nadungug ka fag mangama nu gelongan. Ay aw, katvngvd akyangay kanya fag fagwes nu guseganan aw dawdaw, gina aw nadungug Isus at fagbulun.&#8217; 30At masine Isus tuwa at kumdungug laman ngayu tuwa tagfaning anya. Ay aw long, dewa aw tiba daga fag taw.&#8221;</div><div class="s">Isus way Tagsiginans Banwa</div><div class="p"> 31Ay Uan nalong yangay te, &#8220;Tagsiginan ku tungud, kanya wan at tagtiba tungud. Ay itam tagste swa daga, tam foyungan ste ginan yangay swa daga. Kanya tagsiginans banwa, kanya long tagtiba tungud. 32Kanya gfoyung at nalag ay at nadungug sas banwa, ay dewa katanya, kabayan e gafanud tuwa at longan. 33Ay at ngay tagafanud nalong te, gafanud yangay ami te, Diyus at ngay longan matuyan wa fiya. 34Teway tam Fun Isus, Diyus at nasugu, gfoyung at longan, ay nafatsi wa anya at Masine fag Falad. 35Ay at Tama kesug at baguwama ay nafon wa sa anya fagayu. 36Nus nga sinu tagafanud sat Baguwama, e leleg tuwa faggugat. Ay nus nga sinu at yud gafanud sat Baguwama wa ban leleg faggugat, fangkabat, Diyus kalimata way ban gugat anya.&#8221;</div>
 </div>
 </div>
</div>

Ebi e sik taw Parisiyu at ngayan Nikudemu. Kanya taw Udyu at tagmagurang at sadi. Sik yabi kanya nananlag sas Isus, ay iglong te, “Takamoyung, nasaful wami te, Diyus tuwa at nasugu emu laman nanfamoyung o. Teway we taw at mafafagbulun kata am ngay nafagbulun at madulawan, Diyus nu dway gufud anya.” Ay Isus nabalus te, “Matuyan iglong aw emu te, sik taw wa ban umful sas Diyus at fagmagurangan taw nu dway gdog umsalug.” Ay Nikudemu ginto te, “Setain ro nu kin sik taw nu gdog nangasalug nu magurang wan? Go gdog yay ban fiya sat tina basad ungdan laman gdog yay fiya umsalug?” Ay Isus gbalus te, “Matuyan iglong aw emu te, sik taw wa umful sas Diyus at fagmagurangan taw nu dway umsalug sa at Masine fag Falad, at tagfasine anya. At kinsalug siginan sik taw, at leleg tagste way swa daga. Ay at kinsalug sat Masine fag Falad, e fanfalad tuwa fag leleg. Lag gadulawan ku nalong emu aro te, dogi yap fiya asalugi. At tagmara nu kadasug nus ngandaginan. Dewa o nadungug nu gfus wo gsaful te, daginan ay dada ro nu mdasug. Katanya yangay fiya fiya sik taw at kinsalug sa at Masine fag Falad.” Ay Nikudemu ginto yangay te, “Tain ro nu mgurungan katanya?” Ay Isus gbalus te, “O wan at sadik takamoyung sis Israel, taw am fagyudun gsaful katanya ku longan? Matuyan iglong aw emu te, gfoyung ami sa emu em nasaful, ay gfatuyan ami sa emu em nalag, ay dewa katanya wam gafanud. Nu dway am gafanud ku foyungan ayu sa baliwa ste swa daga, setain ya ro nu gafanud ban am sa ku foyungan ayu tagsa baliwas banwa? We taw batang gsakbo sas banwa dasday aw, Taw at Baguwama, teway aw way tagsanya ginan.”
Ay Isus glong yay te, “Nus nga setaw Muisis nu gfaabat sik ubyanun tansu sas talun at yud e taw, e faabat yangay ban fiya angku, Taw at Baguwama, laman nus nga sinu tagafanud sa angku faggugat gleleg tuwa.”
Matvngvd tuwa Diyus nu kesug taw ste swa daga, at fagnafonun at mafilian fag baguwama, laman nus nga sinu ban at tagafanud sa anya di ban kate ay faggugat gleleg tuwa. Diyus at fagnasuguun at baguwama ste swa daga, di nanfegan ngay taw antuwa nanfalangfe ngay taw. Nus nga sinu tagafanud sa anya, di ban umfaurianan. Ay nus nga sinu at yud gafanud, umfaurianan wa ban fiya, anway kanya wa gafanud sas Diyus at mafilian fag baguwama. E faurianan wa ban fiya anya teway sik fagmayamagun indasug wa ste swa daga, ay roro ngay taw at fakaumsigun sad marum way, ay wa kaumsig sat mayamag, anway mauri way at ngay fagbulun. Kayu tagfagbulun mauri kalimata way sa ka fag fagmayamagun. Ay wa kaumsig kakbang sa anya, laman at fagmauriun wa msure. Ay sik taw tagfagbulun matuyan, nangakbang tuwa sa ka fag salung, laman gfasaful sa tiba te, at fagbulun gfaning tuwa Diyus.

Rodi Isus ay at ngay tagadal nalo wan sa tibak fulan sis Udiya. Ay kaduge sanya gsurung yay sanya fag ngay taw. Ay Uan igsurung yangay taw sas fulan Enun, makbang sas fulan Salim, anway sanya tagbvt at safa. Ay at ngay taw glo sanya sas Uan Tagfasurung laman nangasurung. (Ginanya Uan ya masungsungan.)
Ay Uan at ngay tagadal igfabadbaboan sik taw Udyu sa baliwa nu gfasurung. Nu katanya, kanya fag ngay taw inkakbang sas Uan ay nalong te, “Em Takamoyung, am ufud ebi sis dife Safa Urdan, am nafoyung ebi sa sangay taw, kanya katsi gsurung yangay, ay arvs fagayu taw sanya wan.” Ay Uan gbalus te, “Sik taw we fagmafabulun nus nge wain, nu dway Diyus fakaumsigun. Am wan at tagfatuyanan ku longan ebi te, bunwa aw Diyus at nafili fag Fun. Diyus fagnasuguun angku, laman nan-guna akway sat nafili fag Fun. Ay Uan nafafaskudanan te, ‘Sik mangama nabul sik baguyna ay indaduwa. Ay at fagwes gina malindug guseganan dawdaw nu nadungug ka fag mangama nu gelongan. Ay aw, katvngvd akyangay kanya fag fagwes nu guseganan aw dawdaw, gina aw nadungug Isus at fagbulun.’ At masine Isus tuwa at kumdungug laman ngayu tuwa tagfaning anya. Ay aw long, dewa aw tiba daga fag taw.”

Ay Uan nalong yangay te, “Tagsiginan ku tungud, kanya wan at tagtiba tungud. Ay itam tagste swa daga, tam foyungan ste ginan yangay swa daga. Kanya tagsiginans banwa, kanya long tagtiba tungud. Kanya gfoyung at nalag ay at nadungug sas banwa, ay dewa katanya, kabayan e gafanud tuwa at longan. Ay at ngay tagafanud nalong te, gafanud yangay ami te, Diyus at ngay longan matuyan wa fiya. Teway tam Fun Isus, Diyus at nasugu, gfoyung at longan, ay nafatsi wa anya at Masine fag Falad. Ay at Tama kesug at baguwama ay nafon wa sa anya fagayu. Nus nga sinu tagafanud sat Baguwama, e leleg tuwa faggugat. Ay nus nga sinu at yud gafanud sat Baguwama wa ban leleg faggugat, fangkabat, Diyus kalimata way ban gugat anya.”

Listen to Uan 3