<div class="version vid338 iso6393njm" data-vid="338" data-iso6393="njm">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s">Abram mu Lot Unie Kekhoketa</div><div class="p"> 1Abram-e puo kimia mu puo vie pete se di Ijipt nunu tuo Negeb nu vota, mu Lot puo ze vota.</div><div class="p"> 2Abram-e kic&#252;kiri siro suna mu raka nyi se. 3Puoe s&#252;nunu tuo Bethel tsa vota. Sidi puo thiedz&#252; puo pfheki bakec&#252; Bethel mu Ai-nie donu thech&#252;u nu volie, 4puo thiedz&#252; ruosuoba puo ch&#252;pie keba thech&#252;u nu; sidi puo s&#252;nunu Jihova za kie. 5Abram ze ketuo Lot rei tekuo, temv&#252; tsiu peri kroko mu pfhekiko nyi. 6Mu unie vieko krathorketa la, unie kenienie la kij&#252;u mereta di kepeza lhou balie reta. 7S&#252;la Abram thupfheko mu Lot thupfheko kegeita. S&#252;ki Kananmia mu Perizmia kij&#252; s&#252;nu lhou tuo zo.</div><div class="p"> 8S&#252;la Abram-e Lot ki, &#8220;Avu s&#252; siezedz&#252;rie ze, siro avu mu avu themiako bu kegei tuo hiecie. 9Kij&#252; pete n mhodz&#252;ki zh&#252; mo &#252;me? N thuo a kinu krei pratacie. No thevitsa vata ro a thezatsa vatatuo, no thezatsa ro a thevitsa votatuo.&#8221;</div><div class="p"> 10Sitse Lot-e kij&#252;u mehosh&#252; ru Jordan razhau pete, Jihova zieu, mu Ijipt kij&#252; s&#252;u Zoar kevatsa mhiei dz&#252; vi sekec&#252; ngulie. Hau Jihova Sodom mu Gomora pekakewa mhodz&#252;. 11S&#252;la Lot-e puo thuo Jordan razhau pete kedalie di niathutsa vata. S&#252;mhie di unie kekhota. 12Abram-e Kanan kij&#252; nu bata mu Lot vo Sodom kepenuoki Razhau nadiko donu lhouta. 13Ru Sodom nu themiako lhou r&#252;zh&#252; mu Jihova gei phouma pezha seta.</div><div class="p"> 14Lot tuoketa sie Jihovae Abram ki, &#8220;No n tha nunu tosie pesotsa, pekhrotsa, niathutsa mu niakratsa mehosh&#252;cie; 15ae n bu n mhipie kengu kij&#252; pete pie no mu n nuosenuoyieko ts&#252;tuo, tsiu s&#252;u kechachie n vie ch&#252;tuo. 16A n nuosenuoyie#13:16 Ibri nu Tsia. ch&#252; pekrapie nyophe mhiesh&#252;tuo, sidi mia puoe nyopheko phr&#252; hulie vi liro, n nuosenuoyieko rei phr&#252;lietatuo. 17Sielie di tuo kij&#252;u puochapuochie meho vocie, ae s&#252;u pie n ts&#252;ketuo la.&#8221; 18S&#252;la Abram-e puo pfheki rhuose Hebron nu phriebo keba Mamre nu vota, di s&#252;nu rei puoe ruosuoba puo ch&#252;pie Jihova ts&#252;.</div>
 </div>
 </div>
</div>

Abram-e puo kimia mu puo vie pete se di Ijipt nunu tuo Negeb nu vota, mu Lot puo ze vota.
Abram-e kicükiri siro suna mu raka nyi se. Puoe sünunu tuo Bethel tsa vota. Sidi puo thiedzü puo pfheki bakecü Bethel mu Ai-nie donu thechüu nu volie, puo thiedzü ruosuoba puo chüpie keba thechüu nu; sidi puo sünunu Jihova za kie. Abram ze ketuo Lot rei tekuo, temvü tsiu peri kroko mu pfhekiko nyi. Mu unie vieko krathorketa la, unie kenienie la kijüu mereta di kepeza lhou balie reta. Süla Abram thupfheko mu Lot thupfheko kegeita. Süki Kananmia mu Perizmia kijü sünu lhou tuo zo.
Süla Abram-e Lot ki, “Avu sü siezedzürie ze, siro avu mu avu themiako bu kegei tuo hiecie. Kijü pete n mhodzüki zhü mo üme? N thuo a kinu krei pratacie. No thevitsa vata ro a thezatsa vatatuo, no thezatsa ro a thevitsa votatuo.”
Sitse Lot-e kijüu mehoshü ru Jordan razhau pete, Jihova zieu, mu Ijipt kijü süu Zoar kevatsa mhiei dzü vi sekecü ngulie. Hau Jihova Sodom mu Gomora pekakewa mhodzü. Süla Lot-e puo thuo Jordan razhau pete kedalie di niathutsa vata. Sümhie di unie kekhota. Abram-e Kanan kijü nu bata mu Lot vo Sodom kepenuoki Razhau nadiko donu lhouta. Ru Sodom nu themiako lhou rüzhü mu Jihova gei phouma pezha seta.
Lot tuoketa sie Jihovae Abram ki, “No n tha nunu tosie pesotsa, pekhrotsa, niathutsa mu niakratsa mehoshücie; ae n bu n mhipie kengu kijü pete pie no mu n nuosenuoyieko tsütuo, tsiu süu kechachie n vie chütuo. A n nuosenuoyie chü pekrapie nyophe mhieshütuo, sidi mia puoe nyopheko phrü hulie vi liro, n nuosenuoyieko rei phrülietatuo. Sielie di tuo kijüu puochapuochie meho vocie, ae süu pie n tsüketuo la.” Süla Abram-e puo pfheki rhuose Hebron nu phriebo keba Mamre nu vota, di sünu rei puoe ruosuoba puo chüpie Jihova tsü.

Listen to Keriekitho 13