Riang

<div class="version vid3263 iso6393ril" data-vid="3263" data-iso6393="ril">
 <div class="book bkMRK">
 <div class="chapter ch10" data-usfm="MRK.10">
 <div class="label">10</div><div class="s">Sawnz lawng tahz yah teur thengz</div><div class="r">(Matthe 19:1-12, Lukas 16:18)</div><div class="p"> 1Waaiz an diz, Yesuhz lae lan thaz weng Kapernaum phraeoz thaz tui omz Yordan, naeh orz prih Yio ne leun. Ihz keui mial truz cu Hnhz rae sawnz aez ihz nahz ceun Hnhz kai sawnz klawhz pawk ne leun.</div><div class="p"> 2Pharise teur ka sunz caam yawt Hnhz rae maanyz, &#8220;Tuhz traz ne anz daz ihz ehz caang thengz yah?&#8221;</div><div class="p"> 3Yesuhz mial maanyz keuh, &#8220;Moses lao mok pehz nahz seu naez da?&#8221;</div><div class="p"> 4Keuh tawpz daz, &#8220;Moses lao mok daz, keur meh bawnz taemz aez keun nyah nahz lik khwaangz caang kai thengz.&#8221;</div><div class="p"> 5Yesuhz kaw daz, &#8220;Kawp pehz lao kreuk, Moses taemz mok ceun ni. 6Keuiz daz, thaz meuz seun teungz Phraz Pen Caoh phaan cih ne cih keur meh boh keun nyah. 7Kawp ceun diz keur meh ne praasz mah paz, moh kawmz keun nyah. 8Kaar kaar ni naeh hawkz kawmz. Kawp ceun diz kaar nam anz keu aarz leui, naeh ihz hawkz pan. 9An Phraz Pen Caoh kopz ku ne, yak aez ihz leh teuk praasz.&#8221;</div><div class="p"> 10Meuz keuh a wa kut naeh tuhz kaang ne teu paez Hnhz keui maanyz Hnhz lawng an ni. 11Yesuhz kaw daz, &#8220;Ihz an thengz yah daehz, leh thaengz hawkz ne, naeh hnhz pleung kamesuhz kaai yah daehz. 12Keun nyah kaw naeh ceun diz, thengz tahz daehz leh thaengz hawkz ne kawi pleung tahz daehz.&#8221;</div><div class="s">Yesuhz aez reung dengz rak kuanz ihz</div><div class="r">(Matthe 19:13-15, Lukas 18:15-17)</div><div class="p"> 13Ihz teur ka leh kuanz ihz truz cu Yesuhz, cao Yesuhz mok tihz lang kol keuh, aez reung dengz rak kaai keuh. Keuiz daz teu paez Hnhz keui nae keuh. 14Meuz Yesuhz awlz ne sunz ca, daz teu paez daehz keui nahz, &#8220;Aez kuanz ihz keui truz cu Ohz raez, yak kan keuh. Prih Phraz Pen Caoh ne naeh prih ceun keuh. 15Ohz daz mawn pehz nahz, ihz an nam saanyz rap prih Phraz Pen Caoh ceun kuanz ihz ne, te nam bawnz kut.&#8221; 16Yesuhz pumz leh tang kuanz ihz, mok tihz lang kol keuh, aez keuh nahz reung dengz rak.</div><div class="s">Lawng ihz maang</div><div class="r">(Matthe 19:16-30, Lukas 18:18-30)</div><div class="p"> 17Meuz Yesuhz lan tawiz reung dengz weng Yerusalem ne, maang ihz hawkz wang truz seuk deumz maanyz, &#8220;Tahz Sra Rak, ohz bawnz cih naehz aez ohz bawnz phawmz cen cen a?&#8221;</div><div class="p"> 18Yesuhz kaw daz hnhz nahz, &#8220;Kawp naehz, raak Ohz Tahz Sra Rak a? Neuz lak Phraz Pen Caoh taw daehz pan nam maang yaeh rak. 19Mih mas boh sinz nam anz haz? Yak piamz phawmz ihz, yak kawi pleung kuanz yah ihz, yak rah, yak cih saak se meoz nam anz, yak upz suamz ihz, ro se mah paz.&#8221;</div><div class="p"> 20Ihz an diz kaw daz, &#8220;Tahz Sra, sinz keu ni ohz a wa cih tawiz thaz meuz ohz kyehz.&#8221;</div><div class="p"> 21Yesuhz kaw yawt hnhz, teur yawng hnhz rae daz, &#8220;Mih yeung lo cih thaengz boh seu meoz, lan saz phrihz phrahz mih hacz aamz aez ihz phaanz keui nahz. Beuk mih cih ceun diz ngaz bawnz phan ta tuhz kaang raaoz. Beuk a wa cih ceun diz, baekz keun rang klawngz klaengz, truz tawiz puatz Ohz.&#8221; 22Ihz an diz kaw ngaai peukz, phawmz kyehz lae lan, kawp daz hnhz naeh ihz maang.</div><div class="p"> 23Yesuhz kaw waaiz yawt tang teu paez Daehz keui daz, &#8220;Ihz maang ne kut kreuk baaiz tuhz prih Phraz Pen Caoh.&#8221;</div><div class="p"> 24Meuz teu paez keui ngarz mony reu ma an diz ne, keuh meun lan. Yesuhz daz keuh nahz, &#8220;Kuanz Ohz keui aez, kut kreuk baaiz prih Phraz Pen Caoh. 25Meu rang maang soz kut tuhz bawngz peun lac ne yoh lak ihz maang kut prih Phraz Pen Caoh eu.&#8221;</div><div class="p"> 26Teu paez keui kaw baaiz meun lan thaengz boh, teur daz daehz nahz, &#8220;Beuk naeh ceun diz, yaeh ngaz bawnz reung dengz khyawt hoh?&#8221;</div><div class="p"> 27Yesuhz kaw yiang yawt keuh daz, &#8220;An ni ihz cih nam penz bawnz kaw Phraz Pen Caoh cih penz bawnz boh. Phraz Pen Caoh cih penz bawnz klawhz meoz.&#8221;</div><div class="p"> 28Meuz ceun diz, Petros daz Yesuhz nahz, &#8220;Ehz cunz hacz aamz, lan tawiz Tahz ehz.&#8221;</div><div class="p"> 29Yesuhz kaw daz mawn keuh nahz, &#8220;Ihz an cunz thengz kaang, sraakz maar, kuanz mai, mah paz, kuanz yah, seu meoz meoz kawp Ohz boh kawp reu oiz rak ne, 30bawnz reung dengz rak peur ya pun an naeh kaai kaang, kuanz mai, mah, kuanz, sraakz maar, tang ihz pae suamz daehz, caat ni boh caat te truz kaw bawnz phawmz cen cen. 31Keuiz daz, ihz an trawng seu ni keui, waaiz an ni ngaz klaez daelz. Ihz an klaez daelz seu ni samz, waaiz an ni ngaz moh trawng.&#8221;</div><div class="s">Yesuhz lao thaengz lawng daehz ngaz yam</div><div class="r">(Matthe 20:17-19, Lukas 18:31-34)</div><div class="p"> 32Meuz Yesuhz boh teu paez keui lan tawiz reung dengz weng Yerusalem ne, Yesuhz lan aacz ngaai keuh, teu paez Hnhz keui kaw sangz, ihz tawiz puatz keui kaw doz doz. Yesuhz raak leh teu paez seu kawlz aarz aez thatz Daehz, daz plaez lawng an ngaz naeh kaai Daehz. 33&#8220;Teuk ngarz raez, seu ni ehz lan weng Yerusalem. A diz, Kuanz Ihz ne ngaz klaez kaai tihz beunz caangz boh ihz mawz kyaamz keui. Keuh tatz traz aez Hnhz yam, aapz thengz Hnhz tawz ihz an nam anz kheuz Yio keui nahz. 34Keuh saehz keulz Hnhz, tiz Hnhz, teuk chuz sapz Hnhz nahz omz nyaangz, piamz thengz tang Hnhz. Keuiz daz moh waiz seu ngihz, Hnhz meu rae imz boh.&#8221;</div><div class="s">Yakop kaar Yohn maanyz penz an mawh</div><div class="r">(Matthe 20:20-28)</div><div class="p"> 35Waaiz an diz, Yakop kaar Yohn an naeh kuanz Sebede ne, lan cu Yesuhz maanyz, &#8220;Tahz Sra, sunz aez Mih cih aez, an aaiz maanyz ne.&#8221;</div><div class="p"> 36Yesuhz kaw maanyz kaar, &#8220;Sunz aez Ohz cih aez paarz nahz naehz?&#8221;</div><div class="p"> 37Kaar kaw daz, &#8220;Aez aaiz bawnz keu dez kaai bunz Mih plaakz takz kaaiz hawkz, takz dahz hawkz.&#8221;</div><div class="p"> 38Yesuhz daz kaar nahz, &#8220;Paarz nam mas tang daehz maanyz naehz lawh. Anz paarz tiangz bawnz klakz an Ohz ngaz tiangz? Anz paarz leh bawnz teuk sruz an Ohz ngaz leh?&#8221;</div><div class="p"> 39Kaar kaw daz, &#8220;Aaiz penz bawnz boh.&#8221;</div><div class="p">Yesuhz kaw daz, &#8220;Klakz an Ohz ngaz tiangz ne paarz ngaz bawnz tiangz, teuk sruz an Ohz ngaz leh ne paarz ngaz bawnz leh. 40Keuiz daz, an ngaz keu dez plaakz takz kaaiz boh takz dahz ne, Ohz nam caang aez. Phraz Pen Caoh raenz aez yaeh nahz kaw Ohz ngaz aez ihz an diz nahz.&#8221;</div><div class="p"> 41Meuz teu paez seu kawlz ngarz lawng an ni ne, keuh sunz ca Yakop kaar Yohn nahz. 42Yesuhz kaw raak leh keuh daz, &#8220;Pehz mas boh ihz peur aacz keui upz peung ihz prih. Ihz mawh keui leh a na daehz pae suamz ihz. 43Pehz yak cih ceun diz. Ihz sunz penz an mawh ne lo cih peur cao ihz. 44Ihz sunz penz peur aacz ne lo penz peur cao ihz hacz aamz. 45Kawp daz, Kuanz Ihz truz ta cao ihz nam anz, truz ta cih peur cao ihz, cunz phawmz Daehz ta ras leh ihz.&#8221;</div><div class="s">Yesuhz seuk neum Bartimaeus ngaai lapz</div><div class="r">(Matthe 20:29-34, Lukas 18:35-43)</div><div class="p"> 46Meuz Yesuhz boh teu paez Hnhz keui phraeoz weng Yerikho, meuz keuh mial lae truz ne wungz ihz keui lae truz tawiz puatz keuh, maang ihz yawn hawkz, ngaai lapz, mus hnhz daz Bartimaeus, kuanz Timaeus khahz yawn suamz tawiz reung dengz. 47Meuz hnhz ngarz reu oiz Yesuhz ihz weng Nasaraet naeh a diz ne seun teungz raak daz, &#8220;Yesuhz, kuanz Khunz Dawit, teur yawng ohz raez.&#8221;</div><div class="p"> 48Sangz daz, ihz keui nal hnhz, cao hnhz moh pras pras kaw hnhz baaiz yeung raak daz, &#8220;Yesuhz, kuanz Khunz Dawit, teur yawng ohz raez.&#8221;</div><div class="p"> 49Yesuhz kaw deukz lao keuh, &#8220;Raak ihz an diz truz raez.&#8221;</div><div class="p">Keuh kaw raak ihz ngaai lapz daz, &#8220;Yak phawmz kyehz. Ceng raez! Hnhz a wa raak mih.&#8221;</div><div class="p"> 50Hnhz kaw pucz thengz cung cui daehz, ceng teuk dawtz lan cu Yesuhz.</div><div class="p"> 51Yesuhz maanyz hnhz daz, &#8220;Sunz aez Ohz cih aez mih nahz naehz?&#8221;</div><div class="p">Ihz ngaai lapz kaw daz, &#8220;Tahz Sra, cih aez ngaai ohz awlz.&#8221;</div><div class="p"> 52Yesuhz daz hnhz nahz, &#8220;Lan raez, reung dengz yum mih ne a wa cih aez mih rak.&#8221;</div><div class="p">Moh seu co, ngaai hnhz kaw a wa awlz rae lan tawiz Yesuhz tawiz reung dengz.</div>
 </div>
 </div>
</div>

Waaiz an diz, Yesuhz lae lan thaz weng Kapernaum phraeoz thaz tui omz Yordan, naeh orz prih Yio ne leun. Ihz keui mial truz cu Hnhz rae sawnz aez ihz nahz ceun Hnhz kai sawnz klawhz pawk ne leun.
Pharise teur ka sunz caam yawt Hnhz rae maanyz, “Tuhz traz ne anz daz ihz ehz caang thengz yah?”
Yesuhz mial maanyz keuh, “Moses lao mok pehz nahz seu naez da?”
Keuh tawpz daz, “Moses lao mok daz, keur meh bawnz taemz aez keun nyah nahz lik khwaangz caang kai thengz.”
Yesuhz kaw daz, “Kawp pehz lao kreuk, Moses taemz mok ceun ni. Keuiz daz, thaz meuz seun teungz Phraz Pen Caoh phaan cih ne cih keur meh boh keun nyah. Kawp ceun diz keur meh ne praasz mah paz, moh kawmz keun nyah. Kaar kaar ni naeh hawkz kawmz. Kawp ceun diz kaar nam anz keu aarz leui, naeh ihz hawkz pan. An Phraz Pen Caoh kopz ku ne, yak aez ihz leh teuk praasz.”
Meuz keuh a wa kut naeh tuhz kaang ne teu paez Hnhz keui maanyz Hnhz lawng an ni. Yesuhz kaw daz, “Ihz an thengz yah daehz, leh thaengz hawkz ne, naeh hnhz pleung kamesuhz kaai yah daehz. Keun nyah kaw naeh ceun diz, thengz tahz daehz leh thaengz hawkz ne kawi pleung tahz daehz.”


Ihz teur ka leh kuanz ihz truz cu Yesuhz, cao Yesuhz mok tihz lang kol keuh, aez reung dengz rak kaai keuh. Keuiz daz teu paez Hnhz keui nae keuh. Meuz Yesuhz awlz ne sunz ca, daz teu paez daehz keui nahz, “Aez kuanz ihz keui truz cu Ohz raez, yak kan keuh. Prih Phraz Pen Caoh ne naeh prih ceun keuh. Ohz daz mawn pehz nahz, ihz an nam saanyz rap prih Phraz Pen Caoh ceun kuanz ihz ne, te nam bawnz kut.” Yesuhz pumz leh tang kuanz ihz, mok tihz lang kol keuh, aez keuh nahz reung dengz rak.


Meuz Yesuhz lan tawiz reung dengz weng Yerusalem ne, maang ihz hawkz wang truz seuk deumz maanyz, “Tahz Sra Rak, ohz bawnz cih naehz aez ohz bawnz phawmz cen cen a?”
Yesuhz kaw daz hnhz nahz, “Kawp naehz, raak Ohz Tahz Sra Rak a? Neuz lak Phraz Pen Caoh taw daehz pan nam maang yaeh rak. Mih mas boh sinz nam anz haz? Yak piamz phawmz ihz, yak kawi pleung kuanz yah ihz, yak rah, yak cih saak se meoz nam anz, yak upz suamz ihz, ro se mah paz.”
Ihz an diz kaw daz, “Tahz Sra, sinz keu ni ohz a wa cih tawiz thaz meuz ohz kyehz.”
Yesuhz kaw yawt hnhz, teur yawng hnhz rae daz, “Mih yeung lo cih thaengz boh seu meoz, lan saz phrihz phrahz mih hacz aamz aez ihz phaanz keui nahz. Beuk mih cih ceun diz ngaz bawnz phan ta tuhz kaang raaoz. Beuk a wa cih ceun diz, baekz keun rang klawngz klaengz, truz tawiz puatz Ohz.” Ihz an diz kaw ngaai peukz, phawmz kyehz lae lan, kawp daz hnhz naeh ihz maang.
Yesuhz kaw waaiz yawt tang teu paez Daehz keui daz, “Ihz maang ne kut kreuk baaiz tuhz prih Phraz Pen Caoh.”
Meuz teu paez keui ngarz mony reu ma an diz ne, keuh meun lan. Yesuhz daz keuh nahz, “Kuanz Ohz keui aez, kut kreuk baaiz prih Phraz Pen Caoh. Meu rang maang soz kut tuhz bawngz peun lac ne yoh lak ihz maang kut prih Phraz Pen Caoh eu.”
Teu paez keui kaw baaiz meun lan thaengz boh, teur daz daehz nahz, “Beuk naeh ceun diz, yaeh ngaz bawnz reung dengz khyawt hoh?”
Yesuhz kaw yiang yawt keuh daz, “An ni ihz cih nam penz bawnz kaw Phraz Pen Caoh cih penz bawnz boh. Phraz Pen Caoh cih penz bawnz klawhz meoz.”
Meuz ceun diz, Petros daz Yesuhz nahz, “Ehz cunz hacz aamz, lan tawiz Tahz ehz.”
Yesuhz kaw daz mawn keuh nahz, “Ihz an cunz thengz kaang, sraakz maar, kuanz mai, mah paz, kuanz yah, seu meoz meoz kawp Ohz boh kawp reu oiz rak ne, bawnz reung dengz rak peur ya pun an naeh kaai kaang, kuanz mai, mah, kuanz, sraakz maar, tang ihz pae suamz daehz, caat ni boh caat te truz kaw bawnz phawmz cen cen. Keuiz daz, ihz an trawng seu ni keui, waaiz an ni ngaz klaez daelz. Ihz an klaez daelz seu ni samz, waaiz an ni ngaz moh trawng.”


Meuz Yesuhz boh teu paez keui lan tawiz reung dengz weng Yerusalem ne, Yesuhz lan aacz ngaai keuh, teu paez Hnhz keui kaw sangz, ihz tawiz puatz keui kaw doz doz. Yesuhz raak leh teu paez seu kawlz aarz aez thatz Daehz, daz plaez lawng an ngaz naeh kaai Daehz. “Teuk ngarz raez, seu ni ehz lan weng Yerusalem. A diz, Kuanz Ihz ne ngaz klaez kaai tihz beunz caangz boh ihz mawz kyaamz keui. Keuh tatz traz aez Hnhz yam, aapz thengz Hnhz tawz ihz an nam anz kheuz Yio keui nahz. Keuh saehz keulz Hnhz, tiz Hnhz, teuk chuz sapz Hnhz nahz omz nyaangz, piamz thengz tang Hnhz. Keuiz daz moh waiz seu ngihz, Hnhz meu rae imz boh.”


Waaiz an diz, Yakop kaar Yohn an naeh kuanz Sebede ne, lan cu Yesuhz maanyz, “Tahz Sra, sunz aez Mih cih aez, an aaiz maanyz ne.”
Yesuhz kaw maanyz kaar, “Sunz aez Ohz cih aez paarz nahz naehz?”
Kaar kaw daz, “Aez aaiz bawnz keu dez kaai bunz Mih plaakz takz kaaiz hawkz, takz dahz hawkz.”
Yesuhz daz kaar nahz, “Paarz nam mas tang daehz maanyz naehz lawh. Anz paarz tiangz bawnz klakz an Ohz ngaz tiangz? Anz paarz leh bawnz teuk sruz an Ohz ngaz leh?”
Kaar kaw daz, “Aaiz penz bawnz boh.”
Yesuhz kaw daz, “Klakz an Ohz ngaz tiangz ne paarz ngaz bawnz tiangz, teuk sruz an Ohz ngaz leh ne paarz ngaz bawnz leh. Keuiz daz, an ngaz keu dez plaakz takz kaaiz boh takz dahz ne, Ohz nam caang aez. Phraz Pen Caoh raenz aez yaeh nahz kaw Ohz ngaz aez ihz an diz nahz.”
Meuz teu paez seu kawlz ngarz lawng an ni ne, keuh sunz ca Yakop kaar Yohn nahz. Yesuhz kaw raak leh keuh daz, “Pehz mas boh ihz peur aacz keui upz peung ihz prih. Ihz mawh keui leh a na daehz pae suamz ihz. Pehz yak cih ceun diz. Ihz sunz penz an mawh ne lo cih peur cao ihz. Ihz sunz penz peur aacz ne lo penz peur cao ihz hacz aamz. Kawp daz, Kuanz Ihz truz ta cao ihz nam anz, truz ta cih peur cao ihz, cunz phawmz Daehz ta ras leh ihz.”


Meuz Yesuhz boh teu paez Hnhz keui phraeoz weng Yerikho, meuz keuh mial lae truz ne wungz ihz keui lae truz tawiz puatz keuh, maang ihz yawn hawkz, ngaai lapz, mus hnhz daz Bartimaeus, kuanz Timaeus khahz yawn suamz tawiz reung dengz. Meuz hnhz ngarz reu oiz Yesuhz ihz weng Nasaraet naeh a diz ne seun teungz raak daz, “Yesuhz, kuanz Khunz Dawit, teur yawng ohz raez.”
Sangz daz, ihz keui nal hnhz, cao hnhz moh pras pras kaw hnhz baaiz yeung raak daz, “Yesuhz, kuanz Khunz Dawit, teur yawng ohz raez.”
Yesuhz kaw deukz lao keuh, “Raak ihz an diz truz raez.”
Keuh kaw raak ihz ngaai lapz daz, “Yak phawmz kyehz. Ceng raez! Hnhz a wa raak mih.”
Hnhz kaw pucz thengz cung cui daehz, ceng teuk dawtz lan cu Yesuhz.
Yesuhz maanyz hnhz daz, “Sunz aez Ohz cih aez mih nahz naehz?”
Ihz ngaai lapz kaw daz, “Tahz Sra, cih aez ngaai ohz awlz.”
Yesuhz daz hnhz nahz, “Lan raez, reung dengz yum mih ne a wa cih aez mih rak.”
Moh seu co, ngaai hnhz kaw a wa awlz rae lan tawiz Yesuhz tawiz reung dengz.

Listen to Markus 10