<div class="version vid3231 iso6393mwn" data-vid="3231" data-iso6393="mwn">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Abramu awapawunkana nu Loti</div><div class="p"> 1Achaleka Abramu apita afuma munsi ya Ijeputi nu muchi na wonsi wano walinji nawo apaliponga nu Loti awaya ku Negevu.</div><div class="p"> 2Abramu walinji a muchindame nkaninye, walinji ni vikwato vivule nkaninye, nu silivara nu golide. 3Abramu alandalila nu musinzo wakwe uwakufuma ku Negevu ukuya ku Betele ku masyo kuno wazenzile imitanda yakwe pakutalika pakasi-kasi kakwe Betele nu Ayi. 4Akuli kuno wazenzile akavuwa pakutalika, kuno Abramu wapefile Leza. 5Loti-nye wino walinji nu Abramu walinji nu wufyo ni vikwato ni mitanda, 6achaleka penepo patalinji amasyo ya wantu wonsi: muno walinji ni nsawo mvule. 7Achaleka kwalinji impokoto ku wachemi wakwe Abramu nu Loti. Pa mpindi-nye vovo awina Kenani na wina-Perezi wikalanga munsi nye yoyo.</div><div class="p"> 8Achaleka Abramu anena Loti ati, Utaleka tuwapokota swensi, nant i awachemi wako na wachemi wane, amuno swe luko longa. 9Insi a nkulu. Leka tupawunkane. Ndi waya kwi kasa lyakwe kamani, nani nandi inje kwe ndilo; pamwi ndi waya kwi kasa lyakwe ndilo, nani nandi inje kwe kamani. 10Loti alola, kuno mu mupata wakwe Yordani wulunga nu Zoara kwalinji aminzi mavule konsinye ngati a mu ehalo cha Mfumu e Leza, swinya ngati a munsi ya Ijeputi. Imfumu e Leza wachilinji ukonona Sodomu nu Gomora. 11Achaleka Loti wayisolezile ukwikala mu mupata wakwe Yordani, Loti akatuka alema umusinzo wakwe alungama kapela; apawunkana nu Abramu. 12Abramu aya ayikala munsi ya Kenani lelo Loti wayile ayikala mukasi mutwaya twa mwisika asenjelezya imitanda yakwe kupipi na ku Sodomu. 13Awantu wa mu Sodomu walinji awawipe, swinya walinji awawembu nkaninye pa minso ya Mfumu e Leza,</div><div class="s1">Abramu asenjelela ku Hebroni</div><div class="p"> 14Pano Loti wapisile Leza anena Abramu ali, Talangania ulole ku kambazwa na kambazwa, kapela na kasika; 15muno wala insi yonsi yino walola ayino ndikupa wewe na wanako ukwiza fika na kumpelelechezya. 16Ndileka awanaako wavule ndivino itukumbu lya munsi, chino ndi umuntu angaliwazya fwandi angawazya ni kwata lyako-nye. 17Katuka upite insi yonsi, yoyo-nye ayino ndikupa. 18Achaleka Abramu amongola imitanda yakwe aya awakwikala mu musitu wakwe Mamre wuno wuli mwe Hebroni azenga na kavuwa kweneko aka Mfumu e Leza.</div>
 </div>
 </div>
</div>

Chinamwanga Bible © United Bible Societies, 1981.

Achaleka Abramu apita afuma munsi ya Ijeputi nu muchi na wonsi wano walinji nawo apaliponga nu Loti awaya ku Negevu.
Abramu walinji a muchindame nkaninye, walinji ni vikwato vivule nkaninye, nu silivara nu golide. Abramu alandalila nu musinzo wakwe uwakufuma ku Negevu ukuya ku Betele ku masyo kuno wazenzile imitanda yakwe pakutalika pakasi-kasi kakwe Betele nu Ayi. Akuli kuno wazenzile akavuwa pakutalika, kuno Abramu wapefile Leza. Loti-nye wino walinji nu Abramu walinji nu wufyo ni vikwato ni mitanda, achaleka penepo patalinji amasyo ya wantu wonsi: muno walinji ni nsawo mvule. Achaleka kwalinji impokoto ku wachemi wakwe Abramu nu Loti. Pa mpindi-nye vovo awina Kenani na wina-Perezi wikalanga munsi nye yoyo.
Achaleka Abramu anena Loti ati, Utaleka tuwapokota swensi, nant i awachemi wako na wachemi wane, amuno swe luko longa. Insi a nkulu. Leka tupawunkane. Ndi waya kwi kasa lyakwe kamani, nani nandi inje kwe ndilo; pamwi ndi waya kwi kasa lyakwe ndilo, nani nandi inje kwe kamani. Loti alola, kuno mu mupata wakwe Yordani wulunga nu Zoara kwalinji aminzi mavule konsinye ngati a mu ehalo cha Mfumu e Leza, swinya ngati a munsi ya Ijeputi. Imfumu e Leza wachilinji ukonona Sodomu nu Gomora. Achaleka Loti wayisolezile ukwikala mu mupata wakwe Yordani, Loti akatuka alema umusinzo wakwe alungama kapela; apawunkana nu Abramu. Abramu aya ayikala munsi ya Kenani lelo Loti wayile ayikala mukasi mutwaya twa mwisika asenjelezya imitanda yakwe kupipi na ku Sodomu. Awantu wa mu Sodomu walinji awawipe, swinya walinji awawembu nkaninye pa minso ya Mfumu e Leza,

Pano Loti wapisile Leza anena Abramu ali, Talangania ulole ku kambazwa na kambazwa, kapela na kasika; muno wala insi yonsi yino walola ayino ndikupa wewe na wanako ukwiza fika na kumpelelechezya. Ndileka awanaako wavule ndivino itukumbu lya munsi, chino ndi umuntu angaliwazya fwandi angawazya ni kwata lyako-nye. Katuka upite insi yonsi, yoyo-nye ayino ndikupa. Achaleka Abramu amongola imitanda yakwe aya awakwikala mu musitu wakwe Mamre wuno wuli mwe Hebroni azenga na kavuwa kweneko aka Mfumu e Leza.

Listen to Intaliko 13