<div class="version vid3055 iso6393gux" data-vid="3055" data-iso6393="gux">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="p"> 1Li Miali Diedo den yedi Nowe: &#171;&#330;an kua ku biagu nni, fini leni a diegu nni yaaba kuli, kelima n laa ke a tiegi mini U Tienu nintuali mi naa nifiima yaaba yaa siiga. 2&#330;an taa ki kubi a kani yaa yandi n &#331;ani kuli yaa siiga yantonga leni yansiaga, bondi lielie yeni hali taalima lele yanbuolu kuli po. Yaa yandi n ki &#331;ani yaa siiga a baa taa bondi lielie yantonga leni yansiaga yanbuolu kuli po.</div><div class="p"> 3A go baa taa tanpoli yaa bonyugiditi, bontonga leni bonsiaga bondi lielie yeni hali taalima lele, ke bi yaa buolu mo n yaa ye ki da bodi ki tinga nni.</div><div class="p"> 4Li sieni dana lele ke n baa teni ki tabolinkaaga n mii dana piinaa leni &#241;adi piinaa n baa bolini min den tagi yaala ke li fo ki tinga nni kuli.&#187; 5Nowe den tieni Li Miali Diedo n den puogi o yaala kuli.</div><div class="s">Ki tabolinkaaga</div><div class="p"> 6Ki tabolinkaaga n mini yaa binli ki tinga nni, Nowe den pia bina kobiluoba. 7Nowe den kua ku &#241;inbiagu nni leni o bijaba, leni o pua, leni o bijaba puoba ke ban ciadi ki tabolinkaaga &#241;incianma n da bolini ba.#Mat 24.38-39; Luk 17.27 8Yaa yandi n &#331;ani leni yaa yandi n ki &#331;ani kuli yaa siiga leni ti bonyugiditi, leni yaa bonfuoda n balini ki tinga nni kuli yaa siiga 9den kua ku &#241;inbiagu nni Nowe kani, buolu kuli bondi lielie, bontonga leni bonsiaga nani U Tienu n den puogi Nowe maama yeni. 10Dana lele n den pendi ki tabolinkaaga den mini ki tinga nni.</div><div class="p"> 11Li den tie Nowe binkobiluobidili cilie yaa piiga n da leleeli. Li den tie laa daale ke u *kulu &#241;inbuna den pudi boncianla, tanpoli bona kuli mo den luodi.#2Pie 3.6 12Ki taaga den mini ki tinga nni dana piinaa leni &#241;adi piinaa ki naa yandi. 13Laa daali Nowe den kua ku &#241;inbiagu nni, wani leni o bijaba Sema, Kama leni Jafeta. O pua leni o bijaba yaa puoba moko den yegi leni ba ki kua. 14Bani leni ti moayandi kuli den kua nani bi buoli n tie maama, leni ti denyandi kuli nani bi buoli n tie maama, leni yaa bonbalinkaala n balini ki tinga nni kuli nani bi buoli n tie maama, leni ti bonyugiditi kuli nani bi buolu n tie maama, baa i nuani leni yaala n pia i fiabi kuli nani li buolu n tie maama, bikuli den cua. 15Bikuli den kua ku &#241;inbiagu nni Nowe kani bondi lielie, yaala n tie gbanandi ki pia li miali fuoma kuli. 16Yaala n fuo ki pia gbanandi kuli bontonga leni bonsiaga kuli den kua ku &#241;inbiagu nni nani U Tienu n den puogi Nowe maama. Lanwani Li Miali Diedo den luoni opo bu buli&#241;oabu.</div><div class="p"> 17Ki tabolinkaaga yeni den mini hali dana piinaa. Mi &#241;ima den pugidi ki yugidi ku &#241;inbiagu ke gu den yugidi ki fii ki tinga tanpoli. 18Mi &#241;ima den pugidi ki yabidi boncianla ki tinga nni hali ke ku &#241;inbiagu den fii ki puugi u &#241;ingbanu po. 19Mi &#241;ima go den pugidi ki go pugidi hali ke a joaciama ya n ye ki tinga nni kuli yula den bodi. 20Mi &#241;ima go den pugidi hali ke mi den pendi a juana yula ki go kpedi piiga n nukpanduna muu. 21Yaala n den fo ki tinga nni kuli, ti bonyugiditi kuli leni ti denyandi leni ti moayandi, yaala n balini ki tinga nni kuli leni bi niba kuli den kpe. 22Yaala n den fo kuli, yaala n den pia li miali yaa fuoma li miani nni ki ye yaa tinga n kuodi yaa niinni kuli den kpe. 23U Tienu den bolini yaala n ye ki tinga nni ki fo ki cili bi niba ki yaa caa hali ti yandi leni li bonbalinkaala, leni tanpoli bonyugiditi bikuli den bodi ki tinga nni cain. Nowe leni yaaba n den ye leni o ku &#241;inbiagu nni yaaka, laa den sieni niloba kuli goga.</div><div class="s">Nowe &#241;ani ku &#241;inbiagu nni</div><div class="p"> 24Mi &#241;ima den baa yaba ki tinga po hali dana kobiga n piimuu.</div>
 </div>
 </div>
</div>

Gulmancema Bible © Bible Society of Burkina Faso, 2003.

Li Miali Diedo den yedi Nowe: «Ŋan kua ku biagu nni, fini leni a diegu nni yaaba kuli, kelima n laa ke a tiegi mini U Tienu nintuali mi naa nifiima yaaba yaa siiga. Ŋan taa ki kubi a kani yaa yandi n ŋani kuli yaa siiga yantonga leni yansiaga, bondi lielie yeni hali taalima lele yanbuolu kuli po. Yaa yandi n ki ŋani yaa siiga a baa taa bondi lielie yantonga leni yansiaga yanbuolu kuli po.
A go baa taa tanpoli yaa bonyugiditi, bontonga leni bonsiaga bondi lielie yeni hali taalima lele, ke bi yaa buolu mo n yaa ye ki da bodi ki tinga nni.
Li sieni dana lele ke n baa teni ki tabolinkaaga n mii dana piinaa leni ñadi piinaa n baa bolini min den tagi yaala ke li fo ki tinga nni kuli.» Nowe den tieni Li Miali Diedo n den puogi o yaala kuli.

Ki tabolinkaaga n mini yaa binli ki tinga nni, Nowe den pia bina kobiluoba. Nowe den kua ku ñinbiagu nni leni o bijaba, leni o pua, leni o bijaba puoba ke ban ciadi ki tabolinkaaga ñincianma n da bolini ba. Yaa yandi n ŋani leni yaa yandi n ki ŋani kuli yaa siiga leni ti bonyugiditi, leni yaa bonfuoda n balini ki tinga nni kuli yaa siiga den kua ku ñinbiagu nni Nowe kani, buolu kuli bondi lielie, bontonga leni bonsiaga nani U Tienu n den puogi Nowe maama yeni. Dana lele n den pendi ki tabolinkaaga den mini ki tinga nni.
Li den tie Nowe binkobiluobidili cilie yaa piiga n da leleeli. Li den tie laa daale ke u * kulu ñinbuna den pudi boncianla, tanpoli bona kuli mo den luodi. Ki taaga den mini ki tinga nni dana piinaa leni ñadi piinaa ki naa yandi. Laa daali Nowe den kua ku ñinbiagu nni, wani leni o bijaba Sema, Kama leni Jafeta. O pua leni o bijaba yaa puoba moko den yegi leni ba ki kua. Bani leni ti moayandi kuli den kua nani bi buoli n tie maama, leni ti denyandi kuli nani bi buoli n tie maama, leni yaa bonbalinkaala n balini ki tinga nni kuli nani bi buoli n tie maama, leni ti bonyugiditi kuli nani bi buolu n tie maama, baa i nuani leni yaala n pia i fiabi kuli nani li buolu n tie maama, bikuli den cua. Bikuli den kua ku ñinbiagu nni Nowe kani bondi lielie, yaala n tie gbanandi ki pia li miali fuoma kuli. Yaala n fuo ki pia gbanandi kuli bontonga leni bonsiaga kuli den kua ku ñinbiagu nni nani U Tienu n den puogi Nowe maama. Lanwani Li Miali Diedo den luoni opo bu buliñoabu.
Ki tabolinkaaga yeni den mini hali dana piinaa. Mi ñima den pugidi ki yugidi ku ñinbiagu ke gu den yugidi ki fii ki tinga tanpoli. Mi ñima den pugidi ki yabidi boncianla ki tinga nni hali ke ku ñinbiagu den fii ki puugi u ñingbanu po. Mi ñima go den pugidi ki go pugidi hali ke a joaciama ya n ye ki tinga nni kuli yula den bodi. Mi ñima go den pugidi hali ke mi den pendi a juana yula ki go kpedi piiga n nukpanduna muu. Yaala n den fo ki tinga nni kuli, ti bonyugiditi kuli leni ti denyandi leni ti moayandi, yaala n balini ki tinga nni kuli leni bi niba kuli den kpe. Yaala n den fo kuli, yaala n den pia li miali yaa fuoma li miani nni ki ye yaa tinga n kuodi yaa niinni kuli den kpe. U Tienu den bolini yaala n ye ki tinga nni ki fo ki cili bi niba ki yaa caa hali ti yandi leni li bonbalinkaala, leni tanpoli bonyugiditi bikuli den bodi ki tinga nni cain. Nowe leni yaaba n den ye leni o ku ñinbiagu nni yaaka, laa den sieni niloba kuli goga.

Mi ñima den baa yaba ki tinga po hali dana kobiga n piimuu.

Listen to MI CILIMA 7