<div class="version vid298 iso6393miq" data-vid="298" data-iso6393="miq">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s1">Ken Abel wal</div><div class="p"> 1Bara upla ba ai maya t&#226;nka kaikan, mairin ba kwihra tiwan bara ai luhpia Ken#4.1 Hibru ra, Ken. Baha b&#238;la t&#226;nka ba baha briaia Hibru aisinka talia sa. baikan, bara win: &#8220;Dawan kupia l&#226;ka ba mita yang luhpi waitna kum briri.&#8221; 2Baha ningkara ai muihnika Abel baikan. Bara Abel lika s&#238;p nani sahwi kan, Ken ba lika insla dadaukra takan.</div><div class="p"> 3Bara baku takan piua nani impaki kan ba ra, Ken tasba m&#226; nani ba wina ai prisantka kumi Dawan ra bri balan, 4bara Abel sin baku ai prisantka bri balan, s&#238;p nani tawahkia ba wina kau batana nani ba. Bara Dawan bui Abel prisantka ba kanra yamni kaikan,#Hib 11.4. 5sakuna Ken prisantka ra witin yamni kaikras kan. Bara Ken kupia baiwan pali takan, bara ai mawan sin s&#226;t aihka pali takan. 6Bara Dawan bila Ken ra win: &#8220;&#191;D&#238;a t&#226;wan man ban baku pali kupiam baikisma, d&#238;a muni mamwan aihka takan ba? 7Yamni daukram kaka, man purara mai bukan kaia kan. Sakuna man yamni daukras kapram bamna, saurka ba durkam kat b&#226;ra sa. Saura l&#226;ka ba puram luaia munisa, ban sakuna man mita baha ba sip muni pura luaia sma.&#8221;</div><div class="p"> 8Yu kum Ken ai muihni Abel ra win: &#8220;Kaisa yawan impaki waia.&#8221; Bara baku takan. Witin nani twi ra kan ba ra, Ken ai muihni Abel mapara buan, bara ai muihni ba ikan.#Mt 23.35; Lk 11.51; 1 Jn 3.12. 9Bara Dawan bila Ken ra win:</div><div class="p">&#8212;&#191;Muihkam Abel ba anira sa?</div><div class="p">Bara witin pana win:</div><div class="p">&#8212;Yang kaikras, &#191;d&#238;a yang na muihki aihwaki kakairika sna ki?</div><div class="p"> 10Bara Dawan bui witin ra win:</div><div class="p">&#8212;&#191;Man d&#238;a daukram? &#161;Tasba wina man muihkam t&#226;lia b&#238;la baikra ba, yang ra ai winisa!#Hib 12.24. 11Baha mita, lamhtubi tasba wina mai saki mai lulkan kabia, man muihkam ikram t&#226;lia tasba ba din bamna. 12Man tasba ra insla daukma sin, witin ai karnika kli maikbia apia. Man plis kum ra sin iwaikam &#226;pu, ban tringsar baku tasba ra yukuwi plapi baman watauki kama.</div><div class="p"> 13Bara Ken Dawan ra win:</div><div class="p">&#8212;Yang klailka na tara pali sa, yang twilkaia praiski kat apia sa, puri luan sa. 14Kaiks n&#226;ra man naiwa tasba wina saki ai lulkram sa, bamna man lama wina sin. Yang yukuwamna, bara tasba ra tringsar ban yukuwi laihura baman watauki kamna, bara ya yang ra ai s&#226;kbia ba ai ikbia.</div><div class="p"> 15Sakuna Dawan pana witin ra win:</div><div class="p">&#8212;Kasak pali, ya mita kra Ken, mai ikbia sa kaka, aima 7 witin ra pana munan kabia.</div><div class="p">Bara Dawan mita Ken ra tukin kum mangkan, ya kabia witin wal prawbia ba, witin ra ikaia apia ba tukinka. 16Bamna baku, Ken Dawan mawan wina taki wan, bara witin Nod#4.16 Hibru ra, Nod. Baha b&#238;la t&#226;nka ba bahki taukaia Hibru aisi ba binka talia. tasbaya ra wih iwan, Eden lalmika ra.</div><div class="s1">Ken kiamka nani</div><div class="p"> 17Bara Ken ai maya ba t&#226;nka kaikan, witin kwihra tiwan, bara ai luhpia Henoc baikan. Baku witin tawan kum paskan, bara tawanka nina ba ai luhpia nina wal m&#226;kan, Henoc. 18Bara Henoc luhpia aisubi takan ba Irad, bara Irad Mehujael baikan, bara Mehujael Metusael baikan, bara Metusael L&#225;mec baikan. 19Bara L&#225;mec witin ai maya w&#226;l brin, kumi ba nina Ad&#225;, wala ba nina Sil&#225;. 20Bara Ad&#225; bui Jabal baikan, witin sika twilki taukaia watla nani ra iwi kan bara daiwan nani sahwi ba aisika takan. 21Bara ai muihni nina Jubal m&#226;kan, witin sika baha nani sut arp kangbi bara bra puhbi nani ba aisika takan. 22Bara Sil&#225; sin Tubal-ca&#237;n baikan, bara witin lika bras bara ayan nani wina diara sut papaskra takan. Bara Tubal-ca&#237;n lakrika nina ba Naam&#225; m&#226;kan.</div><div class="p"> 23Yu kum L&#225;mec ai maya nani Ad&#225; bara Sil&#225; ra win:</div><div class="q">&#8220;Man nani, yang aisisna na pain wals,</div><div class="q">yang waitna kum ikri, ai klakan ba t&#226;wan,</div><div class="q">bara wahma kum sin ikri, ai prukan ba t&#226;wan.</div><div class="q"> 24Bamna Ken t&#226;wan aima 7 pana munaia kan ba,</div><div class="q">kasak pali, ya L&#225;mec ra ikbia ba</div><div class="q">lika kau aima 77 taim pana tawi munbia.&#8221;</div><div class="s1">Set En&#243;s wal</div><div class="p"> 25Bara Adam#4.25 Kaiks Adam nina m&#226;yara ulban ba 2.7 ra. kli ai maya ba t&#226;nka kaikan bara witin ai luhpia waitna kum baikan, bara ai nina Set#4.25 Hibru ra Set. Baha b&#238;la t&#226;nka ba witin wina aikan Hibru aisi ba binka talia sa. m&#226;kata. Kan yaptika aisin: &#8220;G&#226;d wina luhpi waitna wala aikan Abel watlika ra, Ken mita witin ra ikata ba.&#8221;</div><div class="p"> 26Bara Set luhpa kum baikan, ai nina ba En&#243;s m&#226;kan. Bara upla nani ba mahka Dawan ra ai pura sunaia l&#226;ka ba t&#226; krikan.</div>
 </div>
 </div>
</div>

Bara upla ba ai maya tânka kaikan, mairin ba kwihra tiwan bara ai luhpia Ken baikan, bara win: “Dawan kupia lâka ba mita yang luhpi waitna kum briri.” Baha ningkara ai muihnika Abel baikan. Bara Abel lika sîp nani sahwi kan, Ken ba lika insla dadaukra takan.
Bara baku takan piua nani impaki kan ba ra, Ken tasba mâ nani ba wina ai prisantka kumi Dawan ra bri balan, bara Abel sin baku ai prisantka bri balan, sîp nani tawahkia ba wina kau batana nani ba. Bara Dawan bui Abel prisantka ba kanra yamni kaikan, sakuna Ken prisantka ra witin yamni kaikras kan. Bara Ken kupia baiwan pali takan, bara ai mawan sin sât aihka pali takan. Bara Dawan bila Ken ra win: “¿Dîa tâwan man ban baku pali kupiam baikisma, dîa muni mamwan aihka takan ba? Yamni daukram kaka, man purara mai bukan kaia kan. Sakuna man yamni daukras kapram bamna, saurka ba durkam kat bâra sa. Saura lâka ba puram luaia munisa, ban sakuna man mita baha ba sip muni pura luaia sma.”
Yu kum Ken ai muihni Abel ra win: “Kaisa yawan impaki waia.” Bara baku takan. Witin nani twi ra kan ba ra, Ken ai muihni Abel mapara buan, bara ai muihni ba ikan. Bara Dawan bila Ken ra win:
—¿Muihkam Abel ba anira sa?
Bara witin pana win:
—Yang kaikras, ¿dîa yang na muihki aihwaki kakairika sna ki?
Bara Dawan bui witin ra win:
—¿Man dîa daukram? ¡Tasba wina man muihkam tâlia bîla baikra ba, yang ra ai winisa! Baha mita, lamhtubi tasba wina mai saki mai lulkan kabia, man muihkam ikram tâlia tasba ba din bamna. Man tasba ra insla daukma sin, witin ai karnika kli maikbia apia. Man plis kum ra sin iwaikam âpu, ban tringsar baku tasba ra yukuwi plapi baman watauki kama.
Bara Ken Dawan ra win:
—Yang klailka na tara pali sa, yang twilkaia praiski kat apia sa, puri luan sa. Kaiks nâra man naiwa tasba wina saki ai lulkram sa, bamna man lama wina sin. Yang yukuwamna, bara tasba ra tringsar ban yukuwi laihura baman watauki kamna, bara ya yang ra ai sâkbia ba ai ikbia.
Sakuna Dawan pana witin ra win:
—Kasak pali, ya mita kra Ken, mai ikbia sa kaka, aima 7 witin ra pana munan kabia.
Bara Dawan mita Ken ra tukin kum mangkan, ya kabia witin wal prawbia ba, witin ra ikaia apia ba tukinka. Bamna baku, Ken Dawan mawan wina taki wan, bara witin Nod tasbaya ra wih iwan, Eden lalmika ra.

Bara Ken ai maya ba tânka kaikan, witin kwihra tiwan, bara ai luhpia Henoc baikan. Baku witin tawan kum paskan, bara tawanka nina ba ai luhpia nina wal mâkan, Henoc. Bara Henoc luhpia aisubi takan ba Irad, bara Irad Mehujael baikan, bara Mehujael Metusael baikan, bara Metusael Lámec baikan. Bara Lámec witin ai maya wâl brin, kumi ba nina Adá, wala ba nina Silá. Bara Adá bui Jabal baikan, witin sika twilki taukaia watla nani ra iwi kan bara daiwan nani sahwi ba aisika takan. Bara ai muihni nina Jubal mâkan, witin sika baha nani sut arp kangbi bara bra puhbi nani ba aisika takan. Bara Silá sin Tubal-caín baikan, bara witin lika bras bara ayan nani wina diara sut papaskra takan. Bara Tubal-caín lakrika nina ba Naamá mâkan.
Yu kum Lámec ai maya nani Adá bara Silá ra win:
“Man nani, yang aisisna na pain wals,
yang waitna kum ikri, ai klakan ba tâwan,
bara wahma kum sin ikri, ai prukan ba tâwan.
Bamna Ken tâwan aima 7 pana munaia kan ba,
kasak pali, ya Lámec ra ikbia ba
lika kau aima 77 taim pana tawi munbia.”

Bara Adam kli ai maya ba tânka kaikan bara witin ai luhpia waitna kum baikan, bara ai nina Set mâkata. Kan yaptika aisin: “Gâd wina luhpi waitna wala aikan Abel watlika ra, Ken mita witin ra ikata ba.”
Bara Set luhpa kum baikan, ai nina ba Enós mâkan. Bara upla nani ba mahka Dawan ra ai pura sunaia lâka ba tâ krikan.

Listen to Blasi Sturka 4