 If you would like a copy of this version please contact info@davaraudiobibles.org

Kuranko Old Testament

<div class="version vid2947 iso6393knk" data-vid="2947" data-iso6393="knk">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="p"> 1 # 
 Lank&#603;nimay&#603; 12.9; 20.2 Mari Alla ya nima-fan min b&#603;&#603;si dan nun, duguma-fan#3.1 Duguma-fan: Setan&#603; le ya a y&#603;l&#603;ma duguma-fan wo la. halli wo b&#603;&#603; ko. Duguma-fan nara ka musi manyinika ko, &#8220;Alla le ya a f&#596; wo ye nun ko wo kana k&#596;l&#596;ma-gb&#596;&#603; d&#596;n nak&#596;&#603; k&#603; r&#596;, wa? Ile lara wo la?&#8221;</div><div class="p"> 2Musi wo ya a f&#596; duguma-fan wo ye ko, &#8220;Ma si k&#596;l&#596;ma-gb&#596;&#603; b&#603;&#603;si d&#596;n de nak&#596;&#603; k&#603; r&#596; 3f&#596; k&#596;l&#596;ma min bi nak&#596;&#603; t&#603;ma. Alla ko ma kana wo gb&#596;&#603; d&#596;n, hali ka ma bole tugu a la. Ni ma ya wo ma, ma si faga.&#8221;</div><div class="p"> 4K&#596;n&#596; duguma-fan wo ya kum&#603; wo mas&#596;s&#596;, a ko, &#8220;Foniny&#603; le wo la. Wo ti faga muk! 5Alla ya wo f&#596; kamas&#596;r&#596;n a ya a l&#596;n ko wo wa a d&#596;n tum&#603; min, wo si h&#603;nkili s&#596;r&#596;n iko ale Alla ya ko-nyim&#603; anub&#603; ko-yogom&#603; dan-nafar&#603; l&#596;n nya min.&#8221;</div><div class="p"> 6Wolet&#596; musi wo ya b&#596;ra k&#596;l&#596;ma-gb&#596;&#603; wo la bawo a kin. A d&#596;n-s&#596;g&#603; ya a bira. A ya a l&#596;n ko ni a ya a d&#596;n, a si h&#603;nkili s&#596;r&#596;n. A ya wo gb&#596;&#603; do keri ka a d&#596;n ka do di ala kei ma. Wo fanan ya do d&#596;n. 7Anu banta a d&#596;nna nya min wo, anu ya h&#603;nkili s&#596;r&#596;n anu ny&#603;r&#603; wara-koe ma. Anu nara to a l&#596;nna ko anu nakol&#596;n le. Anu ya toro-yanb&#603; do keri ka wonu tugun anu ny&#596;g&#596;n na. Wo k&#596;ma, anu ya wonu kiri anu na.</div><div class="p"> 8Wur&#603; wo la, anu ya Mari Alla na-kan lam&#596;&#603;n nak&#596;&#603; r&#596;. Wolet&#596; anu ya anu buri Mari Alla k&#596;r&#596; ka ta anu dogon k&#596;l&#596;ma-kurinu k&#596;ma. 9Mari Alla ya kei rakele, a ko, &#8220;I ye mi?&#8221;</div><div class="p"> 10Kei ko, &#8220;N ya i na-kan le lam&#596;&#603;n, ado n bara a l&#596;n ko n nakol&#596;n le, wolet&#596; n kilanta ka ta n dogon.&#8221;</div><div class="p"> 11Alla ko, &#8220;Yon ya a f&#596; i ye ko i lakol&#596;n le? N ya i makawandi k&#596;l&#596;ma-gb&#596;&#603; min bara-koe ma, i wara wo le d&#596;n, wa?&#8221;</div><div class="p"> 12Kei wo ko, &#8220;I ya musi min di n ma, wo le ya k&#596;l&#596;ma-gb&#596;&#603; wo di n ma. N ya a d&#596;n.&#8221;</div><div class="p"> 13 # 
 2 K&#596;r&#603;nti 11.3; 1 Timoti 2.14 Mari Alla ya a f&#596; musi wo ye ko, &#8220;I ya k&#603; t&#603;g&#603; nfen ma?&#8221;</div><div class="p">Musi ko, &#8220;Duguma-fan le ya n yanfa wolet&#596; n ya gb&#596;&#603; wo d&#596;n.&#8221;</div><div class="s">M&#596;g&#603;nu Danka-Koe Alla Bolo</div><div class="p"> 14Wolet&#596; Mari Alla ya a f&#596; duguma-fan wo ye ko, &#8220;Bawo i wara ko-yogom&#603; k&#603; min k&#603;, i wara ma dankatoe la gb&#603; ka tenbi nima-fan b&#603;&#603;si la. I si i sagan i bu-gbole la. I ti fenfen d&#596;n i siyi-tele-b&#603;&#603; k&#596;r&#596; ni b&#596;nk&#603; sa min ma. 15#Lank&#603;nimay&#603; 12.17 N si k&#603;l&#603;-ny&#596;g&#596;ny&#603; ladon wob&#603; musi k&#603; t&#603;ma. Wo b&#596;ns&#596;nnu si to k&#603;l&#603;-ny&#596;g&#596;ny&#603; wo r&#596;. Ile si a tanban boloko-yogom&#603;-k&#603; k&#596;n&#596; a b&#596;ns&#596;n-m&#596;g&#603; do si i kuny&#603; rat&#603;r&#603;gb&#603;n.&#8221;</div><div class="p"> 16Alla ya a f&#596; musi wo ye ko, &#8220;N si a lagb&#603;l&#603;ya i kuma den s&#596;r&#596;n tin&#603;. Hali wo, ila kei-s&#596;g&#603; si taran i la, ado a si kun-tigiy&#603; k&#603; i kuma.&#8221;</div><div class="p"> 17 # 
 Hiburunu 6.8
 Alla ya a f&#596; kei fanan ye ko, &#8220;N ya a f&#596; i ye ko i kana k&#596;l&#596;ma-gb&#596;&#603; wo d&#596;n k&#596;n&#596; i wara ila musita kum&#603; bira min k&#603; ka a d&#596;n, wolet&#596; n si t&#596;r&#596;y&#603; layigi dugi ma ilela ko la. I si i beli-fan s&#596;r&#596;n t&#596;r&#596;y&#603; r&#596; i siyi-tele-b&#603;&#603; r&#596;. 18W&#596;n&#603; anub&#603; biny&#603; si f&#603;r&#603;n dugi r&#596; i kan ma. F&#596; i wa i beli-fan nyini fir&#603; r&#596;. 19I ti i beli-fan s&#596;r&#596;n ni i ma wusi tirindi. I si to wusi tirindila ha i ni s&#603;gi b&#596;nk&#603; r&#596; tun bawo i b&#596;ra b&#596;nk&#603; le t&#596;, ado i ye s&#603;gila b&#596;nk&#603; le t&#596; tun.&#8221;</div><div class="p"> 20Kei wo min t&#596;g&#603; Hadama, a ya ala musi t&#596;g&#596; sa Hawa#3.20 Hawa: Hiburu-kan r&#596;, ka a f&#596; &#8220;Hawa&#8221; anub&#603; &#8220;Niyi,&#8221; wo t&#596;g&#603; gb&#603;r&#603;nta anu ny&#596;g&#596;n ma. kamas&#596;r&#596;n m&#596;g&#596; nim&#603; b&#603;&#603;si na le ale la. 21Wo k&#596;ma, Mari ya Hadama anub&#603; ala musi f&#603;r&#603;ya b&#596; gbole la.</div><div class="p"> 22 # 
 Lank&#603;nimay&#603; 22.14
 Wo k&#596;ma Mari Alla ko, &#8220;Wo ara a yen, kei ara ma iko male. A ara ko-nyim&#603; anub&#603; ko-yogom&#603; dan-nafar&#603; l&#596;n. Awa, a kana a bole lay&#603;l&#603; ka nimaya-k&#596;l&#596;ma-gb&#596;&#603; k&#603; do keri. Ni a ya a d&#596;n, a k&#603;nd&#603; si to dank&#603; k&#603; k&#596;r&#596; burubukai!&#8221; 23Wolet&#596; Mari Alla ya a gben ka a lab&#596; Id&#603;n nak&#596;&#603; r&#596; alako a ni w&#596;li dugi r&#596; a b&#596;ra kan min. 24Wo k&#596;ma, fan minnub&#603; melika#3.24 Melika: Nima-fan le wonu na. Kanban fila ye anu na. Anu t&#596;g&#603; Hiburu-kan r&#596; ko, &#8220;K&#603;ribinu.&#8221; munta, Alla ya wonu nana Id&#603;n nak&#596;&#603; wo makandan tin&#603; tele-b&#596;&#603; wara la. K&#603;l&#603;-k&#603;-faan min bi malanna iko ta-m&#603;lan, wo ye firifirila nimaya-k&#596;l&#596;ma warata-kil&#603; la.</div>
 </div>
 </div>
</div>

Kuranko Common Language Bible © The Bible Society in Sierra Leone, 2006.

Mari Alla ya nima-fan min bɛɛsi dan nun, duguma-fan halli wo bɛɛ ko. Duguma-fan nara ka musi manyinika ko, “Alla le ya a fɔ wo ye nun ko wo kana kɔlɔma-gbɔɛ dɔn nakɔɛ kɛ rɔ, wa? Ile lara wo la?”
Musi wo ya a fɔ duguma-fan wo ye ko, “Ma si kɔlɔma-gbɔɛ bɛɛsi dɔn de nakɔɛ kɛ rɔ fɔ kɔlɔma min bi nakɔɛ tɛma. Alla ko ma kana wo gbɔɛ dɔn, hali ka ma bole tugu a la. Ni ma ya wo ma, ma si faga.”
Kɔnɔ duguma-fan wo ya kumɛ wo masɔsɔ, a ko, “Foninyɛ le wo la. Wo ti faga muk! Alla ya wo fɔ kamasɔrɔn a ya a lɔn ko wo wa a dɔn tumɛ min, wo si hɛnkili sɔrɔn iko ale Alla ya ko-nyimɛ anubɛ ko-yogomɛ dan-nafarɛ lɔn nya min.”
Woletɔ musi wo ya bɔra kɔlɔma-gbɔɛ wo la bawo a kin. A dɔn-sɔgɛ ya a bira. A ya a lɔn ko ni a ya a dɔn, a si hɛnkili sɔrɔn. A ya wo gbɔɛ do keri ka a dɔn ka do di ala kei ma. Wo fanan ya do dɔn. Anu banta a dɔnna nya min wo, anu ya hɛnkili sɔrɔn anu nyɛrɛ wara-koe ma. Anu nara to a lɔnna ko anu nakolɔn le. Anu ya toro-yanbɛ do keri ka wonu tugun anu nyɔgɔn na. Wo kɔma, anu ya wonu kiri anu na.
Wurɛ wo la, anu ya Mari Alla na-kan lamɔɛn nakɔɛ rɔ. Woletɔ anu ya anu buri Mari Alla kɔrɔ ka ta anu dogon kɔlɔma-kurinu kɔma. Mari Alla ya kei rakele, a ko, “I ye mi?”
Kei ko, “N ya i na-kan le lamɔɛn, ado n bara a lɔn ko n nakolɔn le, woletɔ n kilanta ka ta n dogon.”
Alla ko, “Yon ya a fɔ i ye ko i lakolɔn le? N ya i makawandi kɔlɔma-gbɔɛ min bara-koe ma, i wara wo le dɔn, wa?”
Kei wo ko, “I ya musi min di n ma, wo le ya kɔlɔma-gbɔɛ wo di n ma. N ya a dɔn.”
Mari Alla ya a fɔ musi wo ye ko, “I ya kɛ tɛgɛ nfen ma?”
Musi ko, “Duguma-fan le ya n yanfa woletɔ n ya gbɔɛ wo dɔn.”

Woletɔ Mari Alla ya a fɔ duguma-fan wo ye ko, “Bawo i wara ko-yogomɛ kɛ min kɛ, i wara ma dankatoe la gbɛ ka tenbi nima-fan bɛɛsi la. I si i sagan i bu-gbole la. I ti fenfen dɔn i siyi-tele-bɛɛ kɔrɔ ni bɔnkɛ sa min ma. N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”
Alla ya a fɔ musi wo ye ko, “N si a lagbɛlɛya i kuma den sɔrɔn tinɛ. Hali wo, ila kei-sɔgɛ si taran i la, ado a si kun-tigiyɛ kɛ i kuma.”
Alla ya a fɔ kei fanan ye ko, “N ya a fɔ i ye ko i kana kɔlɔma-gbɔɛ wo dɔn kɔnɔ i wara ila musita kumɛ bira min kɛ ka a dɔn, woletɔ n si tɔrɔyɛ layigi dugi ma ilela ko la. I si i beli-fan sɔrɔn tɔrɔyɛ rɔ i siyi-tele-bɛɛ rɔ. Wɔnɛ anubɛ binyɛ si fɛrɛn dugi rɔ i kan ma. Fɔ i wa i beli-fan nyini firɛ rɔ. I ti i beli-fan sɔrɔn ni i ma wusi tirindi. I si to wusi tirindila ha i ni sɛgi bɔnkɛ rɔ tun bawo i bɔra bɔnkɛ le tɔ, ado i ye sɛgila bɔnkɛ le tɔ tun.”
Kei wo min tɔgɛ Hadama, a ya ala musi tɔgɔ sa Hawa kamasɔrɔn mɔgɔ nimɛ bɛɛsi na le ale la. Wo kɔma, Mari ya Hadama anubɛ ala musi fɛrɛya bɔ gbole la.
Wo kɔma Mari Alla ko, “Wo ara a yen, kei ara ma iko male. A ara ko-nyimɛ anubɛ ko-yogomɛ dan-nafarɛ lɔn. Awa, a kana a bole layɛlɛ ka nimaya-kɔlɔma-gbɔɛ kɛ do keri. Ni a ya a dɔn, a kɛndɛ si to dankɛ kɛ kɔrɔ burubukai!” Woletɔ Mari Alla ya a gben ka a labɔ Idɛn nakɔɛ rɔ alako a ni wɔli dugi rɔ a bɔra kan min. Wo kɔma, fan minnubɛ melika munta, Alla ya wonu nana Idɛn nakɔɛ wo makandan tinɛ tele-bɔɛ wara la. Kɛlɛ-kɛ-faan min bi malanna iko ta-mɛlan, wo ye firifirila nimaya-kɔlɔma warata-kilɛ la.

Listen to Ko-Dabirɛnu 3