<div class="version vid2685 iso6393tll" data-vid="2685" data-iso6393="tll">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s1">Wambumbula Jesu Dia Wulu Andi</div><div class="r">(Mat. 21:23-27; Mak. 11:27-33)</div><div class="p"> 1Lushi lomotshi, lam&#700;aketshaka Jesu ante lu etemwelo ndu lam&#700;akandasambishaka lukumu l&#700;ololo, elombedi a waki la afundji la dikumanyi wakutumbela. 2Vo wakawumbula vati: Ututeli, uma lu wulu akona watuyutshaka akambu ane? Akakusha wulu one na? 3Ndi ak&#226;kaluya diui ati: Ndu dimi layunyumbula umbula omotshi, keli kanyukadimweli. 4Batiza ka Joani akayi uma l&#700;ulungu kana uma le antu? 5Vo wakakaui yimba vati: Naka shu tayuta shati: Uma l&#700;ulungu, ndi ayuta ati: Okoko wana akinyu kumbetawo? 6Keli naka shu tayuta shati: Uma le antu, antu tshe wayutuka ave, ne dia vo mbetawoka vati: Umvutshi mbakindi. 7Ku vo wak&#251;kaluya diui vati: Hateyi uma lene akito. 8Jesu akawatela ati: Ndu dimi, halanyutela uma lu wulu akona watshami akambu ane.</div><div class="s1">Wela w&#700;Ekambi w&#700;Ekambo</div><div class="r">(Mat. 21:33-46; Mak. 12:1-12)</div><div class="p"> 9Jesu akatatela mbuka antu wela one ati: Untu akakambi ekambo k&#700;elua,#20:9 Is. 5:1. akakitshikela ekambi, akatshu lu kete kina la ntudjase edja. 10Lam&#700;akakuki eleku k&#700;elua, ndi akatumi ukambi andi omotshi le ekambi w&#700;ekambo, dia vo mbusha elua uma l&#700;ekambo. Keli ekambi w&#700;ekambo wakokomola, wakiikaluya anyanya. 11Ku ndi akatumi ukambi andi ukina. Vo wakokomola ndu ndi, wakotenge, wak&#251;kaluya anyanya. 12Ndi akatumi ndu la satu. Vo wakokote puta ndu ndi, wakawutshanya. 13Ku kanga ekambo akati ati: Kayumutsha na? Dimi layutuma on&#700;ami la ngandji, kana vo wayolemia, undu. 14Keli lam&#700;akawenyi ekambi w&#700;ekambo, vo wakatanela vati: Ukito uku. Nyeso tudiaki, sangu diayali diasu. 15Ku vo wakusukula uma l&#700;ekambo, wakudiaki. Wuhu akona wayatshela kanga ekambo? 16Ndi ayuyulanya ekambi ako, ayusha akina ekambo kandi. Lam&#700;akawuki diui so, vo wakati vati: Unyashungu ashimbi dikambu dia wuhu oso! 17Keli ndi akawaendi tee, akawambula ati: Na kitshimudi ka diui ne, diakafundama ati:</div><div class="q1">Dive diakatuni ambiki wa luudu,</div><div class="q1">Diakayala ote wa tshuku?#20:17 Esam. 118:22.</div><div class="m"> 18One tshe layoko lu dive so, ayuhimbohimbo tenyi, keli untu layudiokwela, diayuhandjula uku ditshu.</div><div class="s1">Wambumbula Jesu Dia Munda lu Lulimi: Kana Ololo Nambula Kayisa</div><div class="r">(Mat. 22:15-22; Mak. 12:13-17)</div><div class="p"> 19Afundji la elombedi a waki wakeyi vati: Jesu, shu mbukedindi wela oso. Vo wakayangi mbunda lu unya ako, keli vo wakuki antu woma. 20Vo wakokeshanya, wakatumi atopi dia vo ndjafanya uku antu w&#700;ololo, dia mbosa aui andi la mbukimo le umbuledi, kanga diulelu. 21Vo wakawumbula vati: Umbetsha, shu mbeyaka shati: We atutaka ndu atetshaka antu ololo; we kema la shonodi, keli we atetshaka antu mbuka ka Unyashungu lu mete. 22Eko ekila shu nambula Kayisa, kana kema? 23Keli ndi akeyi lukesu lawo, akawatela ati: 24Uhunyumenya denariyo. Kanga efanelu la efundelu keli loko? Vo wakati vati: Ka Kayisa. 25Ndi akawatela ati: Okone nyusha Kayisa diango dia Kayisa. Nyusha Unyashungu diango dia Unyashungu. 26Ku vo kumbeya munda Jesu lu aui andi la ntundu k&#700;antu. Vo wakambi dia diui diakandakaluya, ku wakalembohala ki.</div><div class="s1">Kana Eulwelu k&#700;Uma lu Nyoi Keko</div><div class="r">(Mat. 22:23-33; Mak. 12:18-27)</div><div class="p"> 27Asaduke, wane watutaka vati: Eulwelu k&#700;uma lu nyoi kemako,#20:27 Etsh. 23:8. wakayi le Jesu. 28Vo wakawumbula vati: Umbetsha, Mose akatufundela ati: Naka untu ambuvo, ambutshika wadendi, aha la ona, onangu kakitani la ndi, kawulweli luhanga.#20:28 Euh. 25:5. 29Anangu esambeli wakiko. L&#700;enundu akatshuki wadi, akavu, kuntshika ona. 30La hendi akakitana la wadendi, akavu kuntshika ona. 31Ndu la satu akakitana la ndi. Okone vo tshe esambeli wakavu, kuntshika ana. 32L&#700;okongo awo, vo tshe, ndu umuntu akayuvo. 33Okone lu eulwelu k&#700;uma lu nyoi, ndi ayuyala wadi a na! ne dia ndi aki wadewo vo esambeli. 34Jesu akawatela ati: Ana wa l&#700;etena kene watutshukaka, ndu watutshukamaka. 35Wane weli ololo, wayukuma l&#700;etena kako la lu eulwelu k&#700;uma lu nyoi, vo hawutshuki kuyanga ntshukama. 36Vo haweyi mvo ntu, ne dia vo wambedima la andjelo. Vo weli ana wa Unyashungu, ne dia vo weko ana w&#700;eulwelu k&#700;uma lu nyoi. 37Keli wavo watulwamaka, ndu Mose akatenya dikambu diako lu ahuli wata dikambu dia dikumbu, lene akandeti Khumadiondjo ati: Unyashungu a Abarahama, Unyashungu a Isaka, Unyashungu a Jakoba.#20:37 Etum. 3:6. 38Ndi kema Unyashungu a wavo, keli ndi eko Unyashungu a wasena, ne dia tshe weko la lumu le ndi. 39Afundji amotshi wak&#226;kaluya diui vati: Umbetsha, ololo mbutshiye. 40L&#700;okongo wa akambu aso, vo kundjala la dihunga dia mbumbula akambu akina ntu.</div><div class="s1">Jesu Ambumbula Afundji Dia Kristu</div><div class="r">(Mat. 22:41-46; Mak. 12:35-37)</div><div class="p"> 41Jesu akawambula ati: Ukundi watawo vati Kristu eko kanula ya Davidi? 42Ne dia Davidi ndame akati lu Buku di&#700;Esambu ati:</div><div class="q1">Khumadiondjo akatela Khumemi ati:</div><div class="q1">Udjase lu lunya lami la pami,</div><div class="m"> 43Edja ndu lam&#700;ayumete atunyi aye kihuna k&#700;ekulu aye.#20:43 Esam. 110:1. 44Davidi ndame mbetaka ati: Khumadiondjo; ya ukundi wendi kanula yandi na?</div><div class="s1">Jesu Ambewula Antu Dia Afundji</div><div class="r">(Mat. 23:1-36; Mak. 12:38-40; Luk. 11:37-54)</div><div class="p"> 45Antu tshe wakuki lam&#700;akatela Jesu ambeki andi ati: 46Nyewo afundji! Vo watulangaka nkendakenda l&#700;ekutu w&#700;etali; watulangaka antu mbaemula lu tuka, la mbasha die diuleki ame ta lu temwelo, ndu ahuli wa nemo lu alambu; 47vo watohotolaka wadi waki edu mvudu, ku dia vo nkesa antu, mbatuwolombaka alombelo w&#700;etali. Vo mbayuleka manyema!</div>
 </div>
 </div>
</div>

La Bible en Otetela © Allianee Biblique de la Republique Democratique du Congo, 1991 

Lushi lomotshi, lamʼaketshaka Jesu ante lu etemwelo ndu lamʼakandasambishaka lukumu lʼololo, elombedi a waki la afundji la dikumanyi wakutumbela. Vo wakawumbula vati: Ututeli, uma lu wulu akona watuyutshaka akambu ane? Akakusha wulu one na? Ndi akâkaluya diui ati: Ndu dimi layunyumbula umbula omotshi, keli kanyukadimweli. Batiza ka Joani akayi uma lʼulungu kana uma le antu? Vo wakakaui yimba vati: Naka shu tayuta shati: Uma lʼulungu, ndi ayuta ati: Okoko wana akinyu kumbetawo? Keli naka shu tayuta shati: Uma le antu, antu tshe wayutuka ave, ne dia vo mbetawoka vati: Umvutshi mbakindi. Ku vo wakûkaluya diui vati: Hateyi uma lene akito. Jesu akawatela ati: Ndu dimi, halanyutela uma lu wulu akona watshami akambu ane.


Jesu akatatela mbuka antu wela one ati: Untu akakambi ekambo kʼelua, akakitshikela ekambi, akatshu lu kete kina la ntudjase edja. Lamʼakakuki eleku kʼelua, ndi akatumi ukambi andi omotshi le ekambi wʼekambo, dia vo mbusha elua uma lʼekambo. Keli ekambi wʼekambo wakokomola, wakiikaluya anyanya. Ku ndi akatumi ukambi andi ukina. Vo wakokomola ndu ndi, wakotenge, wakûkaluya anyanya. Ndi akatumi ndu la satu. Vo wakokote puta ndu ndi, wakawutshanya. Ku kanga ekambo akati ati: Kayumutsha na? Dimi layutuma onʼami la ngandji, kana vo wayolemia, undu. Keli lamʼakawenyi ekambi wʼekambo, vo wakatanela vati: Ukito uku. Nyeso tudiaki, sangu diayali diasu. Ku vo wakusukula uma lʼekambo, wakudiaki. Wuhu akona wayatshela kanga ekambo? Ndi ayuyulanya ekambi ako, ayusha akina ekambo kandi. Lamʼakawuki diui so, vo wakati vati: Unyashungu ashimbi dikambu dia wuhu oso! Keli ndi akawaendi tee, akawambula ati: Na kitshimudi ka diui ne, diakafundama ati:
Dive diakatuni ambiki wa luudu,
Diakayala ote wa tshuku?
One tshe layoko lu dive so, ayuhimbohimbo tenyi, keli untu layudiokwela, diayuhandjula uku ditshu.


Afundji la elombedi a waki wakeyi vati: Jesu, shu mbukedindi wela oso. Vo wakayangi mbunda lu unya ako, keli vo wakuki antu woma. Vo wakokeshanya, wakatumi atopi dia vo ndjafanya uku antu wʼololo, dia mbosa aui andi la mbukimo le umbuledi, kanga diulelu. Vo wakawumbula vati: Umbetsha, shu mbeyaka shati: We atutaka ndu atetshaka antu ololo; we kema la shonodi, keli we atetshaka antu mbuka ka Unyashungu lu mete. Eko ekila shu nambula Kayisa, kana kema? Keli ndi akeyi lukesu lawo, akawatela ati: Uhunyumenya denariyo. Kanga efanelu la efundelu keli loko? Vo wakati vati: Ka Kayisa. Ndi akawatela ati: Okone nyusha Kayisa diango dia Kayisa. Nyusha Unyashungu diango dia Unyashungu. Ku vo kumbeya munda Jesu lu aui andi la ntundu kʼantu. Vo wakambi dia diui diakandakaluya, ku wakalembohala ki.


Asaduke, wane watutaka vati: Eulwelu kʼuma lu nyoi kemako, wakayi le Jesu. Vo wakawumbula vati: Umbetsha, Mose akatufundela ati: Naka untu ambuvo, ambutshika wadendi, aha la ona, onangu kakitani la ndi, kawulweli luhanga. Anangu esambeli wakiko. Lʼenundu akatshuki wadi, akavu, kuntshika ona. La hendi akakitana la wadendi, akavu kuntshika ona. Ndu la satu akakitana la ndi. Okone vo tshe esambeli wakavu, kuntshika ana. Lʼokongo awo, vo tshe, ndu umuntu akayuvo. Okone lu eulwelu kʼuma lu nyoi, ndi ayuyala wadi a na! ne dia ndi aki wadewo vo esambeli. Jesu akawatela ati: Ana wa lʼetena kene watutshukaka, ndu watutshukamaka. Wane weli ololo, wayukuma lʼetena kako la lu eulwelu kʼuma lu nyoi, vo hawutshuki kuyanga ntshukama. Vo haweyi mvo ntu, ne dia vo wambedima la andjelo. Vo weli ana wa Unyashungu, ne dia vo weko ana wʼeulwelu kʼuma lu nyoi. Keli wavo watulwamaka, ndu Mose akatenya dikambu diako lu ahuli wata dikambu dia dikumbu, lene akandeti Khumadiondjo ati: Unyashungu a Abarahama, Unyashungu a Isaka, Unyashungu a Jakoba. Ndi kema Unyashungu a wavo, keli ndi eko Unyashungu a wasena, ne dia tshe weko la lumu le ndi. Afundji amotshi wakâkaluya diui vati: Umbetsha, ololo mbutshiye. Lʼokongo wa akambu aso, vo kundjala la dihunga dia mbumbula akambu akina ntu.


Jesu akawambula ati: Ukundi watawo vati Kristu eko kanula ya Davidi? Ne dia Davidi ndame akati lu Buku diʼEsambu ati:
Khumadiondjo akatela Khumemi ati:
Udjase lu lunya lami la pami,
Edja ndu lamʼayumete atunyi aye kihuna kʼekulu aye. Davidi ndame mbetaka ati: Khumadiondjo; ya ukundi wendi kanula yandi na?


Antu tshe wakuki lamʼakatela Jesu ambeki andi ati: Nyewo afundji! Vo watulangaka nkendakenda lʼekutu wʼetali; watulangaka antu mbaemula lu tuka, la mbasha die diuleki ame ta lu temwelo, ndu ahuli wa nemo lu alambu; vo watohotolaka wadi waki edu mvudu, ku dia vo nkesa antu, mbatuwolombaka alombelo wʼetali. Vo mbayuleka manyema!

Listen to Luka 20