Aukaans - 1999 Edition (NT)

<div class="version vid243 iso6393djk" data-vid="243" data-iso6393="djk">
   <div class="book bkMAT">
      <div class="chapter ch3" data-usfm="MAT.3">
         <div class="label">3</div><div class="s"><span class="heading">A pisi toli di Johanisi be e dopu sama</span></div><div class="r"><span class="heading">Mk 1:1-8; Lk 3:1-18; Jn 1:19-28</span></div><div class="p"><span class="content">  </span><span class="verse v1" data-usfm="MAT.3.1"><span class="label">1</span><span class="content">Na a seefi pisiten de Johanisi a Dopuman be de a ini a gaan sabana fu Judeja Kondee e bali a bosikopu fu Masaa Gadu </span></span><span class="verse v2" data-usfm="MAT.3.2"><span class="label">2</span><span class="content">taki: &#8220;Daai libi! Bika a Nyun Tii fu Masaa Gadu de koosube tuutuu.&#8221; </span></span><span class="verse v3" data-usfm="MAT.3.3"><span class="label">3</span><span class="content">A sani ya waka leti enke fa Masaa Gadu be piki Jesaja enke wan apaiti takiman fu taki, fi en:</span></span></div><div class="q"><span class="verse v3" data-usfm="MAT.3.3"><span class="content">&#8220;A tongo fu wan bosikopuman o bali a ini a gaan sabana taki:</span></span></div><div class="q"><span class="verse v3" data-usfm="MAT.3.3"><span class="content">&#8216;U seeka pasi gi a Masaa,</span></span></div><div class="q2"><span class="verse v3" data-usfm="MAT.3.3"><span class="content">meke a pasi sa kon taampu letiopu tollo.&#8217; &#8221;</span></span></div><div class="p"><span class="verse v3" data-usfm="MAT.3.3"><span class="content">  </span></span><span class="verse v4" data-usfm="MAT.3.4"><span class="label">4</span><span class="content">We, den koosi fu Johanisi di a be e wei be meke anga a uwii fu wan meti den e kai kameili. Da a be e banti en mindii anga wan leli buba. Da na makonkon anga busi oniki a be e nyan. </span></span><span class="verse v5" data-usfm="MAT.3.5"><span class="label">5</span><span class="content">Namo den sama fu Jelusalem Foto anga a pisiwataa fu Judeja yee a bosikopu fu Masaa Gadu di ai bali. Soseefi sama di e tan na a pisi fu Joodani Liba seefi yee tu. Ne ala den booko kon aliki san ai taki. </span></span><span class="verse v6" data-usfm="MAT.3.6"><span class="label">6</span><span class="content">Namo Johanisi dopu somen fu den sama a ini Joodani Liba. Ma fosi a dopu den, da den be mu puu ala ogii, di den be du taki fosi.</span></span></div><div class="p"><span class="verse v6" data-usfm="MAT.3.6"><span class="content">  </span></span><span class="verse v7" data-usfm="MAT.3.7"><span class="label">7</span><span class="content">Ma Johanisi kon si taki, somen Faliseiman anga Saduseiman de a ini den sama di kon fu teke dopu de. Namo a bali kosi den taki: &#8220;U takuu tetei sineki! Fa u du sabi taki, u mu lon kibii gi a gaan atiboon fu Masaa Gadu di de a pasi e kon?&#8221; </span></span><span class="verse v8" data-usfm="MAT.3.8"><span class="label">8</span><span class="content">Soseefi a taki go doo taki: &#8220;Ma u sabi san? Daai libi sowan fasi taki, u libi e puu bun, di e soi taki, u libi daai tuu. </span></span><span class="verse v9" data-usfm="MAT.3.9"><span class="label">9</span><span class="content">Ma u &#225; mu pakisei taki, di u na baka bakaten pikin fu Abalaham paansu, da u anga Masaa Gadu de mati. Kweti kweti! Bika mi e taigi u taki, Masaa Gadu abi makiti fu meke den siton di u e si ya kon toon libisama fu de enke pikin fu Abalaham. </span></span><span class="verse v10" data-usfm="MAT.3.10"><span class="label">10</span><span class="content">Bika luku ya, a akisi de na a lutu fu a bon kaba. Da iniiwan bon di n&#225;i meke bun nyanyan, den sa faa en towe, iti go boon a ini faya.&#8221;</span></span></div><div class="p"><span class="verse v10" data-usfm="MAT.3.10"><span class="content">  </span></span><span class="verse v11" data-usfm="MAT.3.11"><span class="label">11</span><span class="content">Soseefi Johanisi taki go doo taki: &#8220;U si! Mi e dopu u anga wataa, fu u daai libi. Ma u luku Awan di makiti bigi moo mi, a o kon a mi baka! Ma mi &#225; dyendee sai fu bendi sibi en susu gi en seefi. En dati o dopu sama anga a Apaiti Jeje anga faya.</span></span></div><div class="p"><span class="verse v11" data-usfm="MAT.3.11"><span class="content">  </span></span><span class="verse v12" data-usfm="MAT.3.12"><span class="label">12</span><span class="content">&#8220;We, Masaa Gadu o wai den bun ati sama poti a wanse. Da a wai den takuu ati wan poti na a taase. A de leti enke fa den e wai alisi puu buba. Da den e teke a alisi seefi tyai go kibii a magisin. Ma a buba dati de, e towe a dyiko fu boon a ini gaan ati faya. We da, na letiso den takuu ati sama o pina fu tego a ini a gaan ati faya. Bika sama n&#225; o de fu kii a faya de noiti wan ten.&#8221;</span></span></div><div class="s"><span class="heading">Masaa Jesesi teke dopu</span></div><div class="r"><span class="heading">Mk 1:9-11; Lk 3:21,22</span></div><div class="p"><span class="verse v12" data-usfm="MAT.3.12"><span class="content">  </span></span><span class="verse v13" data-usfm="MAT.3.13"><span class="label">13</span><span class="content">Masaa Jesesi seefi be komoto na a pisiwataa fu Galileya kon a Joodani Liba, fu meke Johanisi dopu enseefi tu. </span></span><span class="verse v14" data-usfm="MAT.3.14"><span class="label">14</span><span class="content">Ma, di Johanisi si en, ne a &#225; wani dopu en. A taigi Masaa Jesesi taki: &#8220;Mi n&#225; o dopu yu! Bika na yu mu dopu mi.&#8221; </span></span><span class="verse v15" data-usfm="MAT.3.15"><span class="label">15</span><span class="content">Ma Masaa Jesesi piki en taki: &#8220;Nono! I mu dopu mi. Bika wi ya seefi mu du ala letiopu sani di fiti du.&#8221; We, di a taki so, ne Johanisi dopu en.</span></span></div><div class="p"><span class="verse v15" data-usfm="MAT.3.15"><span class="content">  </span></span><span class="verse v16" data-usfm="MAT.3.16"><span class="label">16</span><span class="content">Ma namo, fa i si Masaa Jesesi dopu komoto a ini a wataa go a soo, ne tapu anda piiti opo waa. Ne a Apaiti Jeje fu Masaa Gadu saka komoto a tapu anda wanten, kon enke wan doifi a Masaa Jesesi tapu. </span></span><span class="verse v17" data-usfm="MAT.3.17"><span class="label">17</span><span class="content">Ne wan Tongo taki a tapu anda taki: &#8220;Disi na mi Manpikin di mi lobi. Mi hii ati e piisii anga en.&#8221;</span></span></div>
      </div>
   </div>
</div>

Na a seefi pisiten de Johanisi a Dopuman be de a ini a gaan sabana fu Judeja Kondee e bali a bosikopu fu Masaa Gadu taki: “Daai libi! Bika a Nyun Tii fu Masaa Gadu de koosube tuutuu.” A sani ya waka leti enke fa Masaa Gadu be piki Jesaja enke wan apaiti takiman fu taki, fi en:
“A tongo fu wan bosikopuman o bali a ini a gaan sabana taki:
‘U seeka pasi gi a Masaa,
meke a pasi sa kon taampu letiopu tollo.’ ”
We, den koosi fu Johanisi di a be e wei be meke anga a uwii fu wan meti den e kai kameili. Da a be e banti en mindii anga wan leli buba. Da na makonkon anga busi oniki a be e nyan. Namo den sama fu Jelusalem Foto anga a pisiwataa fu Judeja yee a bosikopu fu Masaa Gadu di ai bali. Soseefi sama di e tan na a pisi fu Joodani Liba seefi yee tu. Ne ala den booko kon aliki san ai taki. Namo Johanisi dopu somen fu den sama a ini Joodani Liba. Ma fosi a dopu den, da den be mu puu ala ogii, di den be du taki fosi.
Ma Johanisi kon si taki, somen Faliseiman anga Saduseiman de a ini den sama di kon fu teke dopu de. Namo a bali kosi den taki: “U takuu tetei sineki! Fa u du sabi taki, u mu lon kibii gi a gaan atiboon fu Masaa Gadu di de a pasi e kon?” Soseefi a taki go doo taki: “Ma u sabi san? Daai libi sowan fasi taki, u libi e puu bun, di e soi taki, u libi daai tuu. Ma u á mu pakisei taki, di u na baka bakaten pikin fu Abalaham paansu, da u anga Masaa Gadu de mati. Kweti kweti! Bika mi e taigi u taki, Masaa Gadu abi makiti fu meke den siton di u e si ya kon toon libisama fu de enke pikin fu Abalaham. Bika luku ya, a akisi de na a lutu fu a bon kaba. Da iniiwan bon di nái meke bun nyanyan, den sa faa en towe, iti go boon a ini faya.”
Soseefi Johanisi taki go doo taki: “U si! Mi e dopu u anga wataa, fu u daai libi. Ma u luku Awan di makiti bigi moo mi, a o kon a mi baka! Ma mi á dyendee sai fu bendi sibi en susu gi en seefi. En dati o dopu sama anga a Apaiti Jeje anga faya.
“We, Masaa Gadu o wai den bun ati sama poti a wanse. Da a wai den takuu ati wan poti na a taase. A de leti enke fa den e wai alisi puu buba. Da den e teke a alisi seefi tyai go kibii a magisin. Ma a buba dati de, e towe a dyiko fu boon a ini gaan ati faya. We da, na letiso den takuu ati sama o pina fu tego a ini a gaan ati faya. Bika sama ná o de fu kii a faya de noiti wan ten.”


Masaa Jesesi seefi be komoto na a pisiwataa fu Galileya kon a Joodani Liba, fu meke Johanisi dopu enseefi tu. Ma, di Johanisi si en, ne a á wani dopu en. A taigi Masaa Jesesi taki: “Mi ná o dopu yu! Bika na yu mu dopu mi.” Ma Masaa Jesesi piki en taki: “Nono! I mu dopu mi. Bika wi ya seefi mu du ala letiopu sani di fiti du.” We, di a taki so, ne Johanisi dopu en.
Ma namo, fa i si Masaa Jesesi dopu komoto a ini a wataa go a soo, ne tapu anda piiti opo waa. Ne a Apaiti Jeje fu Masaa Gadu saka komoto a tapu anda wanten, kon enke wan doifi a Masaa Jesesi tapu. Ne wan Tongo taki a tapu anda taki: “Disi na mi Manpikin di mi lobi. Mi hii ati e piisii anga en.”

Listen to Matheo 3