ຕໍ່ໄປນີ້​ແມ່ນ​ເຊື້ອສາຍ​ຂອງ​ພວກ​ລູກຊາຍ​ໂນອາ ມີ​ດັ່ງນີ້: ເຊມ, ຮາມ ແລະ​ຢາເຟດ. ສາມ​ຄົນ​ນີ້​ຫລັງຈາກ​ນໍ້າ​ໄດ້​ຖ້ວມ​ແຜ່ນດິນ​ໂລກ ພວກເຂົາ​ກໍໄດ້​ລູກຊາຍ​ຫລາຍ​ຄົນ.
ລູກຊາຍ​ຂອງ​ຢາເຟດ​ມີ​ດັ່ງນີ້: ໂກເມ, ມາກົກ, ມາດາຍ, ຢາວານ, ຕູບານ, ເມເຊັກ ແລະ​ຕີຣາດ ຜູ້​ທີ່​ເປັນ​ປູ່ຍ່າຕາຍາຍ​ຂອງ​ຊົນຊາດ ຊຶ່ງ​ໃສ່​ຊື່​ດັ່ງ​ກ່າວ​ນັ້ນ​ຕໍ່ໆ​ມາ. ເຊື້ອສາຍ​ຂອງ​ໂກເມ​ແມ່ນ​ຊາວ​ອັດຊະເກນາດ, ຣີຟາດ ແລະ​ໂຕກາມາ. ເຊື້ອສາຍ​ຂອງ​ຢາວານ​ແມ່ນ​ຊາວ​ເອລີຊາ, ສະເປນ, ໄຊປຣັດ ແລະ​ໂຣເດັດ; ພວກເຂົາ​ເປັນ​ປູ່ຍາຕາຍາຍ​ຂອງ​ປະຊາຊົນ ທີ່​ອາໄສ​ຢູ່​ຕາມ​ຝັ່ງ​ທະເລ ແລະ​ເກາະ​ດອນ​ຕ່າງໆ. ພວກ​ເຫຼົ່ານີ້​ເປັນ​ເຊື້ອສາຍ​ຂອງ​ຢາເຟດ ທີ່​ອາໄສ​ຢູ່​ໃນ​ເຜົ່າ ແລະ​ໃນ​ປະເທດ​ທີ່​ແຕກຕ່າງ​ກັນ ຊຶ່ງ​ແຕ່ລະ​ໝວດ​ໝູ່​ປາກ​ເວົ້າ​ພາສາ​ຂອງ​ຕົນເອງ.
ລູກຊາຍ​ຂອງ​ຮາມ​ມີ​ດັ່ງນີ້: ກູເຊ, ເອຢິບ, ລີເບຍ ແລະ​ການາອານ, ຜູ້​ທີ່​ເປັນ​ບັນພະບຸລຸດ​ຂອງ​ຊົນຊາດ ທີ່​ໃສ່​ຊື່​ດັ່ງ​ກ່າວ​ນັ້ນ​ຕໍ່ໆ​ມາ. ເຊື້ອສາຍ​ຂອງ​ກູເຊ​ແມ່ນ​ຊາວ​ເຊບາ, ຮາວິລາ, ສັບຕາ, ຣາອາມາ ແລະ​ສັບເຕກາ. ເຊື້ອສາຍ​ຂອງ​ຣາອາມາ​ແມ່ນ​ຊາວ​ເຊບາ ແລະ​ຊາວ​ເດດານ. ກູເຊ​ໄດ້​ມີ​ລູກຊາຍ​ຢູ່​ອີກ​ຜູ້ໜຶ່ງ​ຊື່​ວ່າ, ນິມໂຣດ ເປັນ​ຜູ້​ມີ​ອຳນາດ ທີ່​ຍິ່ງໃຫຍ່​ຄົນ​ທຳອິດ​ຢູ່​ໃນ​ໂລກ. ດ້ວຍ​ກຳລັງ​ຄວາມ​ກ້າຫານ​ທີ່​ມາ​ຈາກ​ພຣະເຈົ້າຢາເວ ລາວ​ຈຶ່ງ​ເປັນ​ນາຍພານ​ຜູ້​ຍິ່ງໃຫຍ່. ສະນັ້ນ ຄົນ​ຈຶ່ງ​ມັກ​ອວຍພອນ​ກັນແລະກັນ​ວ່າ, “ຂໍ​ພຣະເຈົ້າຢາເວ​ບັນດານ​ໃຫ້​ເຈົ້າ​ເປັນ​ນາຍພານ​ຜູ້​ຍິ່ງໃຫຍ່​ເໝືອນ​ດັ່ງ​ນິມໂຣດ.” ອານາຈັກ​ທຳອິດ​ທີ່​ນິມໂຣດ​ໄດ້​ປົກຄອງ​ມີ: ບາບີໂລນ, ເອເຣັກ ແລະ​ອັກກາດ. ເມືອງ​ທັງ​ສາມ​ນີ້​ຢູ່​ໃນ​ບາບີໂລນ. ເມື່ອ​ນິມໂຣດ​ໜີ​ຈາກ​ດິນແດນ​ນີ້​ໄປ ເພິ່ນ​ຈຶ່ງ​ໄປ​ທີ່​ປະເທດ​ອັດຊີເຣຍ ແລະ​ສ້າງ​ເມືອງ​ຕ່າງໆ​ຂຶ້ນ​ອີກ​ດັ່ງນີ້: ນີເນເວ, ເຣໂຮໂບດ​ອີເຣ, ກາລາ, ແລະ​ເຣເສັນ ຊຶ່ງ​ຢູ່​ລະຫວ່າງ​ນີເນເວ​ແລະ​ເມືອງ​ໃຫຍ່​ກາລາ.
ເຊື້ອສາຍ​ຂອງ​ເອຢິບ​ແມ່ນ​ປະຊາຊົນ​ຊາວ​ລີເດຍ, ອານາມ, ເລຮາບ, ນັບຕູ, ປາທະຣູ, ກັດສະລູ ແລະ ກະເຣເຕ ຊຶ່ງ​ພວກ​ນີ້​ໄດ້​ສືບ​ເຊື້ອສາຍ​ໃຫ້​ຊາວ​ຟີລິດສະຕິນ.
ລູກຊາຍກົກ​ຂອງ​ການາອານ​ຊື່​ວ່າ ຊີໂດນ ແລະ​ຜູ້​ຕໍ່ມາ​ຊື່​ວ່າ ເຫັດ. ສອງ​ຄົນ​ນີ້​ເປັນ​ປູ່ຍ່າຕາຍາຍ​ຂອງ​ຊົນຊາດ ທີ່​ໃສ່​ຊື່​ດັ່ງ​ກ່າວ​ນີ້​ຕໍ່ໆ​ມາ. ການາອານ​ຍັງ​ເປັນ​ບັນພະບຸລຸດ​ຂອງ​ຊາວ​ເຢບຸດ, ອາໂມ, ກີກາຊີ, ຮີວີ, ອາກກີ, ສີນີ, ອາກວາດີ, ເຊມາຣີ ແລະ​ຮາມັດ. ພາຍລຸນ​ມາ ເຜົ່າ​ຕ່າງໆ​ຂອງ​ເຊື້ອສາຍ​ການາອານ​ກໍ​ແຜ່ຜາຍ​ອອກ​ໄປ ຈົນ​ເຂດແດນ​ຂອງ​ພວກເຂົາ ແຕ່​ຊີໂດນ​ທາງ​ພາກ​ໃຕ້​ໄປ​ເຖິງ​ເມືອງ​ເກຣາກ, ກາຊາ; ແລະ​ໃນ​ພາກ​ຕາເວັນອອກ​ໄປ​ຈົນເຖິງ​ເມືອງ​ໂຊໂດມ, ໂກໂມຣາ, ອັດມາ ແລະ​ເມືອງ​ເຊບົວອິມ ທີ່​ຢູ່​ໃກ້​ກັບ​ເມືອງ​ລາຊາ. ຄົນ​ເຫຼົ່ານີ້​ແມ່ນ​ເຊື້ອສາຍ​ຂອງ​ຮາມ ທີ່​ອາໄສ​ຢູ່​ຕາມ​ເຜົ່າ ແລະ​ໃນ​ປະເທດ​ທີ່​ແຕກຕ່າງ​ກັນ ຊຶ່ງ​ແຕ່ລະ​ໝວດ​ໝູ່​ເວົ້າ​ພາສາ​ຂອງ​ຕົນເອງ.
ເຊມ​ຜູ້​ທີ່​ເປັນ​ອ້າຍ​ກົກ​ຂອງ​ຢາເຟດ, ເປັນ​ພໍ່​ຂອງ​ລູກ​ທັງຫລາຍ​ຂອງ​ເອເບ. ລູກຊາຍ​ຂອງ​ເຊມ​ມີ​ດັ່ງນີ້: ເອລາມ, ອັດຊູຣະ, ອາກປັກຊາດ, ລູດ ແລະ​ອາຣາມ; ພວກ​ນີ້​ເປັນ​ປູ່ຍ່າຕາຍາຍ​ຂອງ​ຊົນຊາດ ທີ່​ໃສ່​ຊື່​ດັ່ງ​ກ່າວ​ນີ້​ຕໍ່ໆ​ມາ. ເຊື້ອສາຍ​ຂອງ​ອາຣາມ​ແມ່ນ​ຊາວ​ອູເຊ, ຮຸນ, ເກເທ ແລະ​ເມເຊັກ. ອາກປັກຊາດ​ນັ້ນ​ເປັນ​ພໍ່​ຂອງ​ເຊລາ ແລະ​ເຊລາ​ເປັນ​ພໍ່​ຂອງ​ເອເບ. ເອເບມີ​ລູກຊາຍ​ສອງ​ຄົນ​ຄື: ຜູ້​ອ້າຍ​ຊື່​ວ່າ, “ເປເລັກ” ເພາະ​ໃນ​ສະໄໝ​ຂອງ​ເພິ່ນ​ນັ້ນ ຄົນ​ໃນ​ໂລກ​ໄດ້​ແບ່ງ​ແຍກ​ກັນ; ນ້ອງຊາຍ​ຂອງ​ລາວ​ຊື່​ວ່າ, “ໂຢກທານ”. ເຊື້ອສາຍ​ຂອງ​ໂຢກທານ​ແມ່ນ​ຊາວ​ອານໂມດາດ, ເຊເລັບ, ຮາຊາມາເວດ, ເຢຣາ, ຮາໂດຣາມ, ອູຊານ, ດີກະລາ, ໂອບານ, ອາບີມາເອນ, ເຊບາ, ໂອຟີ, ຮາວີລາ ແລະ​ໂຢບັບ. ພວກເຂົາ​ທັງໝົດ​ແມ່ນ​ເຊື້ອສາຍ​ຂອງ​ໂຢກທານ. ດິນແດນ​ທີ່​ເຂົາ​ອາໄສ​ມີ​ຕັ້ງແຕ່​ເມືອງ​ເມຊາ ຈົນ​ຮອດ​ເມືອງ​ເສຟາ ທີ່​ເນີນພູ​ທາງທິດ​ຕາເວັນອອກ. ຄົນ​ເຫຼົ່ານີ້​ແມ່ນ​ເຊື້ອສາຍ​ຂອງ​ເຊມ ທີ່​ອາໄສ​ຢູ່​ໃນ​ເຜົ່າ ແລະ​ໃນ​ປະເທດ​ທີ່​ແຕກຕ່າງ​ກັນ ຊຶ່ງ​ແຕ່ລະ​ໝວດ​ໝູ່​ເວົ້າ​ພາສາ​ຂອງ​ຕົນເອງ.
ຄົນ​ເຫຼົ່ານີ້​ແມ່ນ​ເຊື້ອສາຍ​ຂອງ​ໂນອາ ທີ່​ແຍກ​ອອກ​ເປັນ​ຊົນຊາດ​ທີ່​ແຕກຕ່າງ​ກັນ​ໃນ​ໂລກ. ຫລັງຈາກ​ນໍ້າ​ຖ້ວມ​ໂລກ​ແລ້ວ ຊົນຊາດ​ທັງໝົດ​ທີ່​ຢູ່​ເທິງ​ແຜ່ນດິນ​ໂລກ ແມ່ນ​ສືບ​ເຊື້ອສາຍ​ມາ​ຈາກ​ໂນອາ​ແລະ​ລູກຊາຍ.

Listen to ປະຖົມມະການ 10