<div class="version vid1343 iso6393sbl" data-vid="1343" data-iso6393="sbl">
   <div class="book bkPSA">
      <div class="chapter ch5" data-usfm="PSA.5">
         <div class="label">5</div><div class="d"><span class="content">(Kanta ni Dabid)</span></div><div class="s"><span class="heading">Panalangin nin an-omasa ha Pangino-on</span></div><div class="p"><span class="content">  </span><span class="verse v1" data-usfm="PSA.5.1"><span class="label">1</span><span class="content">Pangino-on, leng-en moy panalangin ko, boy dayi ma-intindiyan mo ya labay kon totolen ya agko makwan halita-en. </span></span><span class="verse v2" data-usfm="PSA.5.2"><span class="label">2</span><span class="content">Ar&#236; ko ya Diyos ko, leng-en mo dayi ya an-ida-ing kon an-ipanalangin komo ya tambay.</span></span></div><div class="p"><span class="verse v2" data-usfm="PSA.5.2"><span class="content">  </span></span><span class="verse v3" data-usfm="PSA.5.3"><span class="label">3</span><span class="content">No bayombokah ay angkaleng&#232; mo ya bosis koy ampanalangin komo; no anhomil&#224; anay allo ay an-anti-en koy tobay mo ha panalangin ko komo.</span></span></div><div class="p"><span class="verse v3" data-usfm="PSA.5.3"><span class="content">  </span></span><span class="verse v4" data-usfm="PSA.5.4"><span class="label">4</span><span class="content">Hika ya Diyos ay ah&#232; angkatow&#224; ha kala-etan, boy agmo ampayagan nin makapakarani komo ya mangala-et. </span></span><span class="verse v5" data-usfm="PSA.5.5"><span class="label">5</span><span class="content">Agmo simpri ampayagan nin makapaki-arap komo ya mangahambog, boy angka-inakitan moy kaganawan ampipanggaw&#224; nin kala-etan. </span></span><span class="verse v6" data-usfm="PSA.5.6"><span class="label">6</span><span class="content">Amparosawan mon apo-en ya ampipagbongkok kateng manga-ilig mamatin tawo boy mangaha-ol.</span></span></div><div class="p"><span class="verse v6" data-usfm="PSA.5.6"><span class="content">  </span></span><span class="verse v7" data-usfm="PSA.5.7"><span class="label">7</span><span class="content">Piro hiko, ban&#224; ha masyadoy ingangalo moy ma-in panlalabi ay lomo-ob ako ha masagradoy bali mo ta homamba ko komo nin ma-in panggogomalang. </span></span><span class="verse v8" data-usfm="PSA.5.8"><span class="label">8</span><span class="content">Pangino-on, ban&#224; ta ma-in akon kawka-away ay pangonawan mo ko nin kompormi ha kahampatan mo, boy ipatnag mo kongko no anyay labay mon gaw-en ko.</span></span></div><div class="p"><span class="verse v8" data-usfm="PSA.5.8"><span class="content">  </span></span><span class="verse v9" data-usfm="PSA.5.9"><span class="label">9</span><span class="content">Hay anhalita-en nin kawka-away ko ay ah&#232; mapahimala-an, ta hay labay lan bongat ay kahira-an. Hay bebey la ay emen ha abirtoy tinabon ya anhomngaw, ta hay aw-ilgo la ay poro panloloko. </span></span><span class="verse v10" data-usfm="PSA.5.10"><span class="label">10</span><span class="content">Diyos ko, sintinsyawan mo hilan parosawan. Dayi, hay pawplano lay mangala-et ay mipabira konla. Agmo hila payagan nin makapaki-arap komo, ta hila ay masyadon makasalanan boy angkomontra komo.</span></span></div><div class="p"><span class="verse v10" data-usfm="PSA.5.10"><span class="content">  </span></span><span class="verse v11" data-usfm="PSA.5.11"><span class="label">11</span><span class="content">Piro kaganawan dayi nin ampahimal&#224; nin hika ya mangi-atap konla ay paligawen mo; hila dayi ay ayin tegen ha pagkanta ban&#224; ha katowa-an la. I-atap mo hila emen lomiga ya ampipanlabi komo. </span></span><span class="verse v12" data-usfm="PSA.5.12"><span class="label">12</span><span class="content">Hika, Pangino-on ay ampamolalag ha tawtawoy mangahampat; hay ingangalo mo ay ampambi konlan protiksyon ta habaytoy pinagkahalangg&#224; la.</span></span></div>
      </div>
   </div>
</div>

Pangino-on, leng-en moy panalangin ko, boy dayi ma-intindiyan mo ya labay kon totolen ya agko makwan halita-en. Arì ko ya Diyos ko, leng-en mo dayi ya an-ida-ing kon an-ipanalangin komo ya tambay.
No bayombokah ay angkalengè mo ya bosis koy ampanalangin komo; no anhomilà anay allo ay an-anti-en koy tobay mo ha panalangin ko komo.
Hika ya Diyos ay ahè angkatowà ha kala-etan, boy agmo ampayagan nin makapakarani komo ya mangala-et. Agmo simpri ampayagan nin makapaki-arap komo ya mangahambog, boy angka-inakitan moy kaganawan ampipanggawà nin kala-etan. Amparosawan mon apo-en ya ampipagbongkok kateng manga-ilig mamatin tawo boy mangaha-ol.
Piro hiko, banà ha masyadoy ingangalo moy ma-in panlalabi ay lomo-ob ako ha masagradoy bali mo ta homamba ko komo nin ma-in panggogomalang. Pangino-on, banà ta ma-in akon kawka-away ay pangonawan mo ko nin kompormi ha kahampatan mo, boy ipatnag mo kongko no anyay labay mon gaw-en ko.
Hay anhalita-en nin kawka-away ko ay ahè mapahimala-an, ta hay labay lan bongat ay kahira-an. Hay bebey la ay emen ha abirtoy tinabon ya anhomngaw, ta hay aw-ilgo la ay poro panloloko. Diyos ko, sintinsyawan mo hilan parosawan. Dayi, hay pawplano lay mangala-et ay mipabira konla. Agmo hila payagan nin makapaki-arap komo, ta hila ay masyadon makasalanan boy angkomontra komo.
Piro kaganawan dayi nin ampahimalà nin hika ya mangi-atap konla ay paligawen mo; hila dayi ay ayin tegen ha pagkanta banà ha katowa-an la. I-atap mo hila emen lomiga ya ampipanlabi komo. Hika, Pangino-on ay ampamolalag ha tawtawoy mangahampat; hay ingangalo mo ay ampambi konlan protiksyon ta habaytoy pinagkahalanggà la.

Listen to Kawkanta 5