ZEKARIAH 6
6
Losei-Ahemkonglong Humphli Kethek-Long
1Lapen puthot ingphun chingthursi neli thek-long-lo, lapen chininon, inglong kangtui hini angbong pen ron kechedan-i losei ahemkonglong humni nangbarlo; lapen la inglong kangtui hini angbong, lake bitoi anglong. 2Aphrangsi ahemkonglong ke losei ke-ang, lapen hini ahemkonglong ke losei morok hei hei.#Kepa 6.4,5 3Kethom abang ke losei kelok ahemkonglong, lapen phli abang ke atokbor kedo alosei ahemkonglong,#Kepa 6.2 4Ansi neli pen kechingki apherangke aphan arju-lo, “Akehai, lahei ron-ahemkonglong ke kopi aphan lo. 5Lapen pherangke nephan thaksi pulo, lake pirthe adang a-Hemphu angno arjapsi sining atomon phli anat damlo.#Kepa 7.1 6Losei ke-ik ahemkonglong ke Nirep adet anat dampo, lapen losei kelok ahemkonglong ke Nijang adet anat lapen losei morok ahemkonglong ke Nitur adet anat si dampo.” 7Losei ke-ang ahemkonglong nangkebar ahut, halatum pirthe kelang damjisi dothekthedet-lo. Lapen Alangli pulo, “Damnon, pirthe lang damnon.” Ansi halatum pirthe langdamlo. 8Ansi Alangli neliphan hangserlo, chininon, hala Nirep adet anat kedam atum Ne karjong Nirep adet anat pasanglong-lo.
Joshua Aphan Phutup Kekupji Ahukum Kepi
9Lapen Hemphu alam nelilong vang-lo: 10“Ban kepontang atum angbong pen Heldai, Tobijah lapen Jedaiah, latum Bebilon pen nangkeletang atumlo, lapen latum aphan ponra halabangso arni amat Jephaniah asopo Josiah ahem damra, 11halatum pen ser-rup enra lapen Recho aphutup selamra Jehozadak asopo Joshua kurusarpo aphuthak la kupnon;” 12lapen alangliphan punon, “Lasonsi muluk a-Hemphu pulo, ‘Chininon, bangso abang amen Aro: Pima alangli methang adim pen chingjokji, lapen alangli Hemphu kardomhemthepi kimthupo.#Jer 23.5; 33.15; Zeka 3.8 13Alangli helo Hemphu kardomhemthepi kekimthuji abang-lo lapen recho aman dopo, lapen recho anghoi chingnisi recho chopo. Lapen alangli recho anghoi adung inut akurusar dopo lapen halatum banghini angbong ningkangsam kechechini-thek dopo.’” 14Lapen recho aphuthak ke Hemphu kardomhemthepi arlo dosi Heldai,#Heldai: Ibri atum ke Helem putapudet Tobijah lapen Jephaniah asopo Josiah#Josiah: Ibri atum ke Hen putapudet atum aphan isi pachekimo angthek-lo.
15Lapen kehelo kedo atum Hemphu kardomhemthepi kekim kerapjisi vangpo; lapen muluk a-Hemphu si nangtum along netoilo pu nangtum chinipo. Lapen nangtum jongsi ning aklong pen nang Arnam Hemphu alam kroipame lote la plangvekji.
Currently Selected:
ZEKARIAH 6: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
