ZEKARIAH 5
5
Kangjar Alohthui Kethek-Long
1Neli puthot ingphun chingthursi lang-lo lapen chini iktha kangjar alohthui! 2Lapen neliphan alangli pulo, “Nang kopi thek-long-lo?” Neli thak-lo, “Neli kangjar alohthui thek-long-lo, la arjon ingrup 20 lapen arpan ingrup 10.” 3Ansi neliphan alangli pulo, “Lake det adang aphuthak kedam ahirjunolo, pima kechonghu abangphutin aphan la atengsi pavedetpo lapen seme chobei kedeng atum an aphanta la atengsi pavedetpo. 4Muluk a-Hemphu pulo, Ne la toipo, lapen la kanghu abang ahem lapen Nemen pen seme chobei kedeng abang ahem lutsi dokokpo lapen akapat lapen arlong-heihei cho-etpo.”
Pe-Marjong Arlo Arloso Kethek-Long
5Ansi neliphan kechingki aphe-rangke vangsi neliphan pulo, “Nang ingphun chingthur-ra langtha, la kopisi kedamma?” 6Lapen neli pulo, “La kopilo?” Alangli pulo, “La kedamvoi ke kethap-i amarjong-lo.” Lapen alangli pulo, “Lake det adang an halatum apap-lo.”#Pap: Ibri atum ke pap aphan ke mek alar mek puta pudet 7Lapen langtha, hi angchin adip ingpulo, lapen hadak inut arloso pe-marjong arlo kangnilun dolo! 8Lapen alangli pulo, “La ke kehingno akam.” Lapen alangli pe-marjong arlo dailapsi amangho along adip kardik kupthip-lo. 9Ansi neli ingphun chingthursi lang-lo lapen thek-long-lo, lapen chininon, banghini arloso vang-lo! Lapen halatum avengkong tomon do; halatum avengkong ke vochokang avengkong ason, lapen halatum sining pen longle adak pemarjong rungtang-lo. 10Lapen neli pen kechingki apherangke aphan neli pulo, “Halatum pe-marjong konatsi keponlo?” 11Alangli neliphan pulo, “lake ha Shinar adet anatsi keponlo, ahem kekimpiji aphan, lapen la patangdetsi la hadak amethang ahemthur athak laso ape-marjong pangnidetpo.”
Currently Selected:
ZEKARIAH 5: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
