Lukɨ 14:28-30

Sare' da'dare'nesɨ. Sarɨmɨjɨya pwai ‘Anga saamɨnaanga ke'mwewɨnya pɨrɨ' madɨma!’ dozɨyai yɨ sai kave kwaamu' mwaalojɨ anga dazavɨne nɨgwia'na sɨmunya nayaa yawɨradelyɨ. Sai yawɨrade ‘Nɨgwia anga savɨne' yɨnɨga wi'na majɨ'mwannya'ne' dɨngaka?’ Nabaai yune'na sasara mi yaja', yɨ dɨvidaa'nyɨ simɨnye' mena laabozɨya kɨrɨvɨ anga sa' yunebanna majɨ'mwannade' mɨ'. Sarevɨ a'mwe yuyara tɨnna wanganna yɨna yapɨjɨ a'mwe dazarɨ yagaaibɨraizɨka buthangamuna nyɨpɨdɨka! Dara wɨdɨna ‘A'mwe dazai anga daza' madɨthaakuna yɨna yaka nɨgwia'na majɨ'mwannya'nei mi yannelyɨra.’