Jenɨzɨzɨ 45

Jozepɨyai gya'mweraavɨ “Jozepɨyainyɨra,” wɨjaa'.

(45:1-28)

1-15Juthai sara kuda' Jozepɨyai kale naanga wiadaa'nyɨ wɨdaayadɨvɨsara yuyaraavɨ mwasawɨnna wɨdasaawɨna. Wɨdasaawɨna yaka kɨnna naanga maredakerɨ Yɨzɨpɨ mwaalyara wɨ'nyɨna. Kadɨka wɨ'nyɨna kye' Jozepɨyai gya'mweraavɨ wɨdɨna “Jozepɨyainyɨ. Nɨmaamaangei nayaa kuna damwaalɨ'?” Sara wɨdɨna kya' gya'mwera atɨka maru'na'na yeva yagaala majara navɨka yɨna. Navɨka yɨna kye' wɨdɨna “Mithɨyanɨ mwaalyaraavɨ kanyɨmube' kumɨzara Yɨzɨpɨna nyɨmakwawe'. Sarɨmɨ sara nyesaihi dahaa' kave dɨmwaalyi! ‘Nemɨ kayaa'na naangeina,’ majɨ jide'na Gotɨyai ‘Kumɨ nabalapɨdɨka!’ daka sarɨmɨnyɨna waasɨna nya'. Waasɨna nyaka ‘Kwaaka Yɨzɨpɨ yuyaba dɨmaremwaaideigɨnyɨra,’ nyɨdɨnɨkeinyɨra. Wapaa kunegaa' kwarame pɨrɨwaai kwavɨlava' kwarame dawaai dawaai da' wavɨlavadengɨ. Nɨmaamaangeryawɨnna yarai dɨwila! Dara duzi! ‘Nɨmwai gɨmɨnyɨ kɨnɨdakaavihɨrɨjɨ gɨmɨre gɨlyɨvɨsajɨ Yɨzɨpɨna dɨmakwona!’ sara duzi! Wapaaya kunegaa' maremwaaina yɨhyɨdeinyɨra. ‘Gamɨ Jozepɨyalyɨra,’ mi'na yawɨ'mwaava. Naange' yɨhɨthɨwana.” Mi'na wɨdɨna yaka Bejaminɨmɨ galamujɨ'na yaka kɨnna maredɨna yaka gya'mwe pwaraavɨ galamujɨ'na, kɨnna maredɨna ya'.

16-28Yɨzɨpɨya a'mwe naangei Peroyai “Jozepɨyarɨ gya'mwera mena bɨna yɨwaa',” wɨ'naka yɨlaaya yɨna ya'. Yɨlaaya yɨna yaka Jozepɨyarɨ wɨda' “Ja'mweraavɨ dara dutha! ‘Kaarɨzɨya (kaare'bɨsa) dɨmaaryi! Kwaaka Kainanɨna ayahi dɨwila! Sabadaasɨ sɨrɨnɨmaangelyɨ sarɨmɨrejɨ sangɨ nɨmɨnyawɨnna dava dɨmakabyidengɨra,’ dutha!” Pero sara kuda' Jozepɨyai kwaabɨhannya baazɨ'ma'nya wapaaya tusavɨ nɨgwɨya'ne wɨmaarina yaka Bejaminɨmɨne nɨgwia naanga baazɨ'ma'nya pɨjaakuna wɨmaarina. Wɨmaarina yaka nabaai wapaaya jɨlɨkyaawarya ganɨmaangarɨne yaasɨna. Yaasɨna kya' gya'mwera Kainanɨna ayɨna wɨna yeva Jaikopɨmɨ Jozepɨyarɨna wɨde'. Jozepɨyarɨna kude' Jaikopɨ balyengɨ'na'. Balyengɨ'naka wɨda' “Sa' nebwina mɨka.” Kaarɨzɨya Jozepɨyai yasaabɨna yake wanganaka wɨda' “Nebulyasɨra. Jozepɨyai kwaihwaainakei mwaalɨ'. Nɨmɨ wanganaawɨma! Mi'na wangana'mujɨ dɨvi balɨdeinyɨra,” wɨda' Jaikopɨ.

Currently Selected:

Jenɨzɨzɨ 45: byr

Highlight

Copy