Jenɨzɨzɨ 18:1-15 Evɨraamɨ Maamɨre yɨ'daryawɨ mwaaidɨ'nyɨ Gotɨyai bwangana'. Evɨraamɨ gannya tɨkuryaba mwaalaka a'mwe daraai dalyaraavɨ wanganaka walyuna yaka ata bwa'nyɨna yaka wɨdɨna “Nɨmɨjɨ dava dalamwaalyɨla! Wapaa | Yipma (BYR)

Jenɨzɨzɨ 18:1-15 BYR

Evɨraamɨ Maamɨre yɨ'daryawɨ mwaaidɨ'nyɨ Gotɨyai bwangana'. Evɨraamɨ gannya tɨkuryaba mwaalaka a'mwe daraai dalyaraavɨ wanganaka walyuna yaka ata bwa'nyɨna yaka wɨdɨna “Nɨmɨjɨ dava dalamwaalyɨla! Wapaaya aalya sarɨmɨnyɨne maarɨdeinyɨ. Aalya yɨnapɨjɨ wapaajɨ napɨjɨ dɨwideihɨlyɨra.” Kumɨ “Yo,” sara kude' Evɨraamɨ gannya angevɨ yarai wɨlɨna, Seraavɨ wɨdaka “Wapaaya yɨdɨka ja!” kaanyɨve'na wawaka jɨlɨkyaawarya maalɨka dɨwɨnyai maarɨna. Maarɨna kya' wɨdaayadei gurya davɨna yɨdɨka yɨna yake' Evɨraamɨ wapaaya kumaarya' kumɨ nyɨna. Mi'na nyɨna yeva a'mwera Evɨraamɨmɨ wɨde' “Gɨmɨre balaange' Seraa' gawɨ mwaalɨka?” Sara kude' Evɨraamɨ wɨda' “Angevɨ wɨlarɨ'.” Kuda' pwai wɨdɨna “Kwarame mudɨke' kwavɨlavojɨ nɨmɨ yagalaawɨdehaa' Seraa' kaimɨraayarɨ mɨladesɨra.” Mi'na kuda' Seraa' yagaala davɨ wɨ'naka yɨmunna jɨka gyaka dɨna “Naarɨmɨ sayoinaai a'mwe neyoinaalyɨra. Kaimɨraayai gara mɨlɨde'nanaka! Nɨmɨ a'mwe ne'nyɨra.” Sara yawɨ'na kya' Gotɨyai Evɨraamɨmɨ wɨda' “Seraa' jɨka baa'na gyɨwaka? Gotɨyainyɨ yuyangɨ yɨdeinyɨra. Gamɨ sa' dɨwɨja' kwarame pɨrɨ' kwavɨlavojɨ kaimɨraayarɨ mɨladesɨ.” Mi'na kuda' Seraa' lɨka yaka “Ai, nɨmɨ jɨka magyɨwa.” Sara kuda' Gotɨyai wɨda' “Gɨmɨ jɨka gyɨwaano.”

Read Jenɨzɨzɨ 18