Zekariya 12
12
Jehova mbwayoovuna Jerusalemu
1 #
Heb 12:9
Ngaaya makani Jehova ngaamba aa-Israyeli. Mbuboobu mbwaamba Jehova, nguwe wakatandabika ijulu akubika intalisyo yaluwa akulenga muuya wamuntu mulinguwe. 2Bona! Ndacita kuti Jerusalemu ube inkumeki yakupapalisya misyobo yoonse yabantu beengelede. Acalo cisi coonse ca-Juda ciyooba amapenzi kuciindi eco Jerusalemu noti zyungulukwe. 3#Mt 21:44Nkabela mubuzuba obo njoocita kuti Jerusalemu ube ibbwe idemu kubantu boonse. Boonse basoleka kulikulika balasyondwa loko. Nkabela zisi zyoonse zyaluwa ziyoosika kuzoolilwisya. 4#Int 76:6Lino mubuzuba obo, mbwaamba Jehova, njooumya imbizi zyoonse buyoofu, abasikuzitanta njoobaumya cinko. Pele luzubo lwa-Juda njoobabbanwida meso, ciindi eco ncinjoofwaazya imbizi zyoonse zyabamasi. 5Mpawo mikowa yaba-Juda iyooambwa mumyoyo yayo kuti, Bantu bakede mu-Jerusalemu balijisi inguzu nkaambo ka-Jehova wamakamu Leza wabo.
6Mubuzuba obo njoocita kuti mikowa ya-Juda ibe mbuli lukaye lwamulilo akati kankuni, ambuli musunge akati kamisunta yamaila. Iyoolidikizya bantu boonse beengelede kululyo akulumwensi koonse. Pele Jerusalemu ucinookedwe mpoonya awo mpoubede.
7 #
1 Kor 1:27-31
Elyo Jehova uyootaanguna kufutula zilao zya-Juda, kuti bulemu bwaluzubo lwa-Davida abulemu bwabantu bakede mu-Jerusalemu butakomeni kwiinda ibwa-Juda, 8#Joel 3:10Mubuzuba obo Jehova uyoobikila bantu bakede mu-Jerusalemu intobo, aboobo amuntu muniini akati kabo boonse uyooba mbuli Davida, aluzubo lwa-Davida luyooba mbuli Leza, mbuli angelo waJehova, kubusyu bwabo. 9Nkabela mubuzuba obo njooyandaula kunyonyoona bantu bamasi oonse beza kuzoolwisya Jerusalemu.
10 #
Joel 2:28; Int 22:16; Lk 2:35; Joh 19:37; Ciy 1:7 #
Mt 24:30
Alimwi njootilila luzubo lwa-Davida abantu bamu-Jerusalemu muuya waluzyalo alwakukumbila, kuti nibayoomulanga oyo ngubayaside bakamulile mbubonya muntu mbalila mwanaakwe simuzyalwaalike, akoomoka mbubonya muntu mboomokela mwanaakwe mutaanzi. 11#Inc 2:37; 2 Mak 35:24Kulila kwamubuzuba obo mu-Jerusalemu kuyooba kupati mbuli kulila kwa-Hadadirimoni mumumpata wa-Megidoni. 12Nyika iyoolila, ciinga cimwi acimwi nsininsini, luzubo lwa-Davida alulike, abanakazi babo abalike, aciinga caluzubo lwaNatani acilike, abanakazi babo abalike, 13luzubo lwa-Levi alulike, abanakazi babo abalike, luzubo lwa-Simeyi alulike, abanakazi babo abalike, 14anzubo zyoonse zisyeede azilike, abanakazi bazyo abalike.
Currently Selected:
Zekariya 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
