Intembauzyo 94
94
1O Jehova, nduwe Leza uubweedezya inkoto!
O Leza oobweedezya inkoto, umweke.
2 #
Matl 18:25
Buka, O mubetesi wanyika,
Abila basikamikami bulumbu bwabo bweelede.
3 #
Job 20:5
O Jehova, basizibi balaleka lili?
Basizibi balaleka lili kusekelela?
4 #
Jud 1:15
Balabwanta, balaamba cakulisumpula,
Balalikankaizya boonse basimucita zibi,
5Balaundunganya bantu bako,
Balapenzya lukono lwako.
6Balajaya bamukabafu abeenzu,
Balanyonyoona bamucaala.
7Balaamba kuti, Jehova taboni,
Leza wa-Jakobo tayeeyi makani.
8Amuyeeye makani, nobasizizindwe,
Mulaswiilila lili, nobafubafuba?
9 #
Kul 4:11; Tus 20:12 Iwakasimpika kutwi, sa taswiilili?
Iwakabumba liso, sa taboni?
10 #
Job 35:11; Joh 6:45; Is 2:3; 28:26 Uukoma masi, sa tatapatili?
Sa teensi nguwe uuiyisya bantu luzibo?
11 #
1 Kor 1:21; 1 Kor 3:20 Jehova ulizi miyeeyo yabantu mbwiibede,
Ulizi kuti njabuyo,
12 #
Job 5:17; Tus 3:11; 1 Kor 11:32 Uli acoolwe muntu ngolaya, O Jehova,
Ngoiyisya kumulao wako,
13Kuti umukatalusye mumazuba aamapenzi,
Mane lumwi basizibi basidwe idindi.
14 #
Dt 31:6; 1 Sam 12:22; 1 Bam 6:13; Jer 31:37 Nkaambo Jehova takooyoosowa bantu bakwe,
Takooyoolekelezya lukono lwakwe.
15Nkaambo bubetesi bulaboola alimwi kubalulami,
Lino boonse baluleme myoyo balabutobela.
16Ino ngwani uubuka kukundigwasya kubabi?
Ngwani uundiiminina kukulwisya basimucitazibi?
17Jehova naatakandigwasya,
Nendakafwaambaana kukala muluumuno lwalufu.
18Nendakaamba kuti, Kuulu kwangu kulatezemuka,
Buuya bwako bwakanditabilila, O Jehova.
19Miyeeyo minji iikataazya na yaata mumoyo wangu,
Kuumbulizya kwako nkokundikondezya.
20 #
Am 6:3; 2 Kor 6:14; Int 58:2; Is 10:1 Sa cuuno cabubi cilakonzya kuvwelana ayebo,
Cibika milao yakupenzya?
21 #
Mt 27:1; Kul 23:7; Tus 17:15 Balabungana kukubisizya balulami,
Balatila bulowa bwabaabo batakwe kaambo.
22Pele Jehova wandibeda ilinga,
Leza wangu mayubilo aangu.
23 #
Tus 2:22
Ulababweedezya bubi bwako beni,
Ulabanyonyoona mububi bwabo;
Ncobeni Jehova Leza wesu ulabanyonyoona.
Currently Selected:
Intembauzyo 94: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
