Intembauzyo 4
4
Sela.
Kumupati wabasikwiimba, Lwiimbo lwakulizya atuntimbwa. Intembauzyo ya-Davida
1Kondivwiila nendila, O Leza wabululami bwangu,
Nduwe wandaatulula nendali mumapenzi.
Kondifwida luzyalo akuswiilila cikombyo cangu.
2Nywebo nubantu, bulemu bwangu bulaleka lili kusampaulwa?
Mulaleka lili kuyandisya zyabuyo akulangaula bubeji?
Sela.
3 #
Kul 33:16; 2 Pet 2:9 Amuzibe kuti Jehova walisalila balulami.
Jehova ulaswiilila nemukwiilila.
4 #
Ef 4:26; Tus 3:7 Amukankame, mutabisyi.
Amwaambile myoyo yanu amala aanu, akuumuna.
Sela.
5 #
Dt 33:19; Int 37:3 Amupaizye zipaizyo zyabululami,
Musyome muli-Jehova.
6 #
Int 80:3
Bantu banji balaamba kuti, Ngwani uukonzya kutubonya bubotu?
Kotulanzya busyu bwako, O Jehova, utumunikile.
7Wanditangazya mumoyo wangu
Kwiinda bamwi bavuzizigwa maila awaini,
8 #
Lev 26:5; Dt 12:10; Joh 14:27; Flp 4:7 Ndalyoolola akoona muluumuno,
Nkaambo nduwe olike, O Jehova, ondikazika kabotu.
Currently Selected:
Intembauzyo 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
