Intembauzyo 25
25
Sela.
Intembauzyo ya-Davida
1 #
1 Sam 1:15; Int 86:4; Malo 3:41 Kulinduwe, O Jehova, nkumbikide moyo wangu;
2 #
Int 7:1; 18:2; Rom 10:11 O Leza wangu, nduwe ngonsyomede.
Ntausigwi insoni;
Basinkondoma batandiweeleli.
3Kutabi naba omwe uukulangila uusigwa insoni;
Bausigwe insoni basikweena kacali,
4 #
Kul 33:13; Int 143:8; Tus 8:20 Kondizibya inzila zyako, O Jehova;
Kondiiyisya myeendelo yako.
5Kondeenzya mulusinizyo lwako, undiiyisye,
Nkaambo nduwe Leza walufutuko lwangu;
Buzuba boonse ndakulangila,
6Utalubi luzyalo lwako abuuya bwako, O Jehova,
Nkaambo nzizyako kuzwa kumakankilo.
7 #
Int 51:1
Utayeeyi zibi zyabwanike bwangu ansotoko zyangu,
Ndiingasila mbubonya mbuli kuluse lwako,
Nkaambo kabubotu bwako, O Jehova,
8Jehova mubotu, uliluleme,
Aboobo ulaiiyisya bapambuka munzila,
9Uleenzya babombemyoyo mubululami,
Ulaiisya babombemyoyo inzila yakwe,
10Inzila zyoonse zya-Jehova nzyabuuya azyalusyomo
Kulibaabo babamba cizuminano cakwe amilumbe yakwe,
11 #
Int 31:3; 79:9; Rom 5:20 Nkaambo kazina lyako, O Jehova,
Undilekelele milandu yangu, nkaambo mipati,
12 #
Int 37:23
Kufumbwa muntu uuyoowa Jehova,
Ngonguwe ngwayoolaizya inzila njeelede kutola.
13 #
Int 37:11,22,29 Unookala muluumuno,
Alunyungu lwakwe luyoovuba nyika,
14 #
Tus 3:32; Joh 7:17; 2 Kor 4:2-6 Lumvwano lwa-Jehova ndulwabo bamuyoowa,
Ulabazibya cizuminano cakwe.
15 #
Int 141:8
Meso aangu alilangide Jehova lyoonse,
Nkaambo nguuyoogwisya maulu aangu mukakole.
16 #
Int 69:16
Sandukila kulindime, undifwide luse,
Nkaambo ndafwa bukata, ndipengede.
17Buusu bwakumoyo wangu bwakomena;
Kondigwisya mumapenzi aangu,
18 #
2 Sam 16:12
Bona kupenga kwangu amafwabi aangu,
Undilekelele zibi zyangu zyoonse.
19Bona basinkondoma, nkaambo mbanji,
Balindisulide alusulo lubi,
20Bamba buumi bwangu, undivune,
Ntausigwi insoni, nkaambo mulinduwe monjubila.
21Lusyomo abululami, azindibambe,
Nkaambo ndalangila nduwe.
22 #
Int 130:8
Nununa Israyeli, O Leza,
Kumapenzi aakwe oonse.
Currently Selected:
Intembauzyo 25: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
