Intembauzyo 17
17
Cikombyo ca-Davida
1O Jehova, teelela bululami, swiilila kulila kwangu.
Umvwe cikombyo cangu citazwi mumilomo yalweeno.
2Makani aangu abetekwe kulinduwe;
Meso aako abone bululami.
3 #
Job 23:10; Jak 3:2 Na walingula moyo wangu, na wandiswaya masiku,
Na wandisunka, tojene cintu pe.
Mulomo wangu taubisyi.
4 #
Rom 12:2
Aakuli amilimo yabantu, kumajwi aamulomo wako
Ndalikasya kunzila yabantu bapilingene.
5Intaamo zyangu zyatobela loko mikondo yako,
Maulu aangu taana kuleya.
6Ndakwiilila nduwe, nkaambo ulandityaba, O Leza.
Koteya kutwi kwako, umvwe majwi aangu.
7Vuzya luzyalo lwako, nofutula bakusyoma,
Akubavuna kuli basinkondonyina kujanza lyako lyalulyo.
8 #
Dt 32:10
Kondibamba mbuli imboni yaliso.
Kondisisa mucenzule camababa aako,
9Kondivuna kulibasizibi bandimwaya,
Basinkondoma bandizyunguluka.
10Bayumya myoyo yabo cakutafwa luzyalo,
Baamba cakulisumpula amilomo yabo.
11 #
1 Sam 23:26
Moonse motweenda balitweengelede,
Balitudunamide kuti batuwisye ansi.
12Bali mbuli mulavu uuyandisya kukwamauna,
Ambuli kana kabutambo kakala musinkide.
13Buka, O Jehova,
Umwanze akumuzunda,
Ipanga lyako lindivune kulibasizibi.
14Ijanza lyako lindivune kubantu, O Jehova,
Kubantu baansi bali acaabilo cabuumi obuno,
Mbozuzya mada aabo kuziyandisi zyako,
Balivuzizya bana,
Akusiila lunyungu lwabo imbono.
15 #
Job 19:26,27; Kol 1:15 Pele mebo, njoobona busyu bwako abululami.
Njookuta nembuka acikozyano cako.
Currently Selected:
Intembauzyo 17: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
