Intembauzyo 148
148
1Amutembaule Jehova!
Amutembaule Jehova kujulu!
Amumutembaule aatuntukide!
2 #
Dan 7:10; Heb 1:7 Amumutembaule nyoonse nobaangelo bakwe!
Amumutembaule nyoonse nomakamu aakwe!
3Amumutembaule, nozuba amwezi!
Amumutembaule, nyoonse nonyenyeezi zimweka!
4 #
1 Bam 8:27
Amumutembaule nomajulu aatuntukide,
Anywebo nomaanzi nomukede amajulu!
5 #
Heb 11:3
Zitembaule izina lya-Jehova,
Nkaambo wakalailila, lino zyakalengwa,
6 #
Jer 33:25
Wakaziimika-nji mane kukabe kutamani;
Wakazibikila mugaano nguzitakonzyi kusotoka.
7 #
Is 43:20
Amutembaule Jehova ansi,
Nobauka bapati aboonse bali mumabbonze,
8Mulilo acivulamabwe, caandwa asikunku,
Amuuwo uungisya uucita luyando lwakwe,
9 #
Is 49:13
Nozilundu atulundulundu toonse,
Nomisamu yamicelo, amakedari oonse,
10Nobanyama aŋombe zyoonse,
Anywebo nomuyavula, abayuni bauluka;
11 #
Inc 17:28
Bami banyika abantu boonse,
Basilutwe ababetesi banyika;
12Bakubusi abakamwale, Bacembele abanikenike!
13 #
Is 6:3
Batembaule izina lya-Jehova,
Nkaambo izina lyakwe lilike ndipati,
Abulemu bwakwe bulainda nyika ajulu.
14 #
Ef 2:17; 1 Pet 2:9 Wabusizya bantu bakwe lwija,
Kuti kube kutembaula kubasalali bakwe,
Nkokuti bana ba-Israyeli, musyobo ngwabikide munkombe.
Amutembaule Jehova!
Currently Selected:
Intembauzyo 148: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
