Intembauzyo 12
12
Kumupati wabasikwiimba. Yakwiimbya Seminiti. Intembauzyo ya-Davida
1 #
Is 57:1
Utufutule, O Jehova, nkaambo bubotu bwamana.
Busyomesi tabuciboneki akati kabantu.
2Balaamba cakubeja umwi aumwi kumweenzinyina,
Balaamba amilomo myuubauba amyoyo yobile.
3Jehova akosole milomo myuubauba,
Alulimi lwamba majwi aakulisumpula.
4Akosole abo baamba kuti, Kundimi zyesu tulazunda;
Milomo yesu njiyesu; ngwani mwami kulindiswe?
5 #
Kul 3:7,8 Nkaambo kakusaalwa kwabacete akutongela kwabapengede,
Ndabuka lino, mbwaamba Jehova.
Ndabakazikizya mulufutuko ndobasukeme.
6 #
2 Sam 22:31; Int 18:30; Tus 30:5 Majwi aa-Jehova ngemajwi aasalala,
Mbuli insiliva iisaama munsaka, lisalazigwa ziindi zili musanu azibili.
7Kotutabilila, webo, O Jehova,
Kotuvuna lyoonse kubantu aba basunu.
8Basizibi baleendeenda koonse koonse,
Bubi nibulemekwa akati kabantu.
Currently Selected:
Intembauzyo 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
