Intembauzyo 116
116
1Ndayandisya Jehova, nkaambo wandiswiilila;
Waswiilila ijwi lyangu ankumbizyo zyangu.
2Wacenjeka kutwi kwakwe kulindime,
Aboobo njoomukomba mazuba oonse aabuumi bwangu.
3Tukole twalufu twakandizyunguluka;
Mapenzi aamukabanda akandijata;
Ndakajana mapenzi abuusu,
4Lino ndakakwiilila izina lya-Jehova, ndati,
Akaka Jehova! Undifutule!
5 #
Ezr 9:15; Neh 9:8; Int 11:7; Jer 12:1; Malo 1:18; Ciy 16:5 Jehova ngusibuuya, uliluleme.
Leza wesu ngusiluzyalo.
6Jehova ulabamba babombemyoyo;
Ndakawizuka, lino wakandifutula.
7 #
Jer 6:16; Mt 11:29 Boola, O moyo wangu, kucilyokezezyo cako,
Nkaambo Jehova wakubamba kabotu.
8Nkaambo wavuna buumi bwangu kulufu,
Ameso aangu kumisozi,
Azituta zyangu kukudadalika.
9Nooenda kubusyu bwa-Jehova
Munyika yabaumi.
10 #
2 Kor 4:13
Ndakali kusyoma, nekuba kuti ndakati,
Ndapenzegwa loko.
11 #
2 Bam 4:16; Jer 9:5; Rom 3:4 Mukugamba kwangu ndakati,
Bantu boonse buyo mbabeji,
12Mpilusyenzi kuli-Jehova
Nkaambo kazyoolwe zyoonse nzyandipa?
13Njoobweza inkomeki yalufutuko,
Akulemeka izina lya-Jehova.
14 #
Int 22:25; Joh 2:6 Njoozuzikizya ncindakakonkezya Jehova
Kumeso aabantu bakwe boonse.
15 #
Job 5:26; Int 72:14; Lk 16:22; Ciy 14:13 Mumeso aa-Jehova
Kufwa kwabasalali bakwe ncintu cipati.
16O Jehova, ndi mulanda wako!
Ndi mulanda wako, mwana wamulelwa wako,
Wandaangununa kuzyaanzyo zyangu,
17Njookupaizizya cipaizyo cakulumba,
Akulemeka izina lya-Jehova.
18Njoozuzikizya ncindakakonkezya Jehova
Kumeso aabantu bakwe boonse,
19Mumbuwa zyaŋanda ya-Jehova,
Akati kako, O Jerusalemu.
Amutembaule Jehova!
Currently Selected:
Intembauzyo 116: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
