Ba-Filipi 3
3
Makani aabonwa kumeso aanyama taagwasyi
1 #
Flp 2:18; 4:4 Lino alimwi, bakwesu, amusekelele mu-Mwami. Ambweni ndalemba maindulule, pele kucita obo takundikataazyi mebo pe, nkabela kulindi nywe kulagwasya, 2#Ciy 22:15Amucenjele babwa, Amucenjele basimilimo mibi. Amucenjele bayupempala, 3#Rom 2:29Nkaambo basibupalule bwinibwini ndiswe, nitukomba Leza camu-Muuya akulikankaizizya Jesu Kristo akutasyoma makani aakumeso buyo, 4#2 Kor 11:18,22Ncobeni nindakali kuyanda kusyoma makani aakumeso, nindakakonzya kucita obo. Na kuli muntu naba omwe uuyeeya kuti ulijisi cintu cakumeso cakulikankaizya, mebo ndamwiinda, 5#Inc 23:6; 26:5; Rom 11:1; Lk 1:59; 2:21Ndakapalulwa mubuzuba bwamusanu aatatu bwakuzyalwa, ndi wamusyobo waIsrayeli, ndi wamukowa wa-Benjamini, ndi mu-Hebrayo mwinimwini, nkabela kumakani aa-Mulao ndi mu-Farisi. 6#Inc 8:3; 22:4; 26:9-11Ndakasungwaala mukupenzya imbungano yabana-Kristo, alimwi kumakani aabululami bwakuMulao taakwe ngundakabisya.
Cintu cipati ncayanda Paulo ngu-Kristo abubuke bwakwe
7 #
Mt 13:44,46 Pele kufumbwa zintu izyakali kundetela impindu, sunu ndaziyeeya kuti nzyabuyo. 8Ee, mbukabede Zintu zyoonse ndaziyeeya mbuli zintu zyabuyo nkaambo ka cintu eci ciinda loko kubota cakuziba Jesu Kristo Mwami wangu, Nkaambo kanguwe nkindakalekela zintu zyoonse, ndaziyeeya kuti masifwisifwi buyo mukuyanda kuti njane Kristo, 9#Rom 3:21,22akuba awe mazuba oonse, Mulinguwe nsikonzyi kuba abululami bwangu ndemwini buzwa ku-Mui ao, pele ndili abululami buzwa kukusyoma Kristo, Mbubonya bululami bwa-Leza buzwa kulusyomo. 10#Rom 6:3-5; 8:17; Gal 6:17Njandisya kuziba Kristo anguzu zyabubuke bwakwe alumvwanano lwamaciswe aakwe, Njanda kuba mbubonya mbwaakabede mulufu lwakwe, 11#Inc 4:2; Ciy 20:5,6kuti ambweni ambebo njooba abubuke kuzwa kulufu.
Bulumbu tanakubutambula, buciza
12 #
1 Tim 6:12; Inc 9:6 Teensi kwaamba kuti ndatambula kale nanka kulondokede kale, pe, pele ndabindaanina kuti nkajane cintu eco ncindakajaninwa ndemwini kujanza lya-Kristo. 13Bakwesu, nsiyeeyi kuti ndicijene kale, pe, pele cintu comwe ncencita nceeci. Ndaziluba zintu zili musule, ndadunamina zintu zili kunembo, 14#1 Kor 9:24aboobo nja bubindaanina kumagolelo, kuti nkajane bulumbu bwakujulu mbwatwiitila Leza muli-Kristo Jesu. 15#1 Kor 2:6Lino mbuboobo mbutweelede kuyeeya toonse notubwene twaansi, nkabela na kuli cintu niciba comwe ncimuyeeyela bumbi, Leza ulamuyubunwida makani. 16#Gal 6:16Pele kweenda kwesu kuleelede kuba mbubonya mbuli makani ngitubwene kale.
Ba-Filipi abalo baleelede kukakatila lusyomo, nkaambo mbantu bakujulu
17 #
1 Kor 4:16; 11:1; 1 Tes 1:7; 1 Pet 5:3 Amwiiye ndime, bakwesu, alimwi amulangisye abo beenda mbubonya mbuli ceezyanisyo ncimubona mulindiswe, 18#1 Kor 1:23; Gal 6:12Nkaambo kweenda kwabanji, mbuli mbundakamulwiida kanjikanji, alino ndamulwiida cakulila, nkwakulwanya aciingano ca-Kristo. 19#Rom 16:18Mamanino aabaaba ndunyonyooko, Leza wabo ndida, zintu zifwisya bweeme nzenzizyo nzibalikankaizizya, balayeeya zyaansi luzutu. 20#Ef 2:6; Kol 3:1; Heb 12:22Pele iswe munzi wesu uli kujulu, nkukonya nkutulangila Mufutuli, nkukuti Mwami wesu Jesu Kristo. 21#1 Kor 15:43,49,53Oyo uzoosandula mibili yesu iisampaukide, kuti ikozyanisigwe amubili wakwe mulemu. Eci cizooba nkaambo kanguzu zyayooyo uukonzya kumubombezezya zintu zyoonse.
Currently Selected:
Ba-Filipi 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
