Myeelwe 31
31
Ba-Israyeli mbubakalwisya ba-Midyani
1Lino Jehova wakaambila Musa kuti, 2#My 25:17; Dt 32:35,43; Int 94:1; Matl 15:15; 25:8; 35:29; My 27:13Liyila bana ba-Israyeli inkoto kuba-Midyani. Wamana kucita obo, ulatebwidwa kubantu bako. 3#Dt 32:35; Jer 50:28; Int 94:1; Rom 12:19; Heb 10:30Mpoonya awo Musa wakaambila bantu kuti, Amusale bantu akati kanu, balibambile inkondo, bakalwisye ba-Midyani, baliyile Jehova inkoto kubaMidyani. 4Amusale cuulu kumusyobo umwi aumwi waba-Israyeli kuti baye kunkondo. 5Elyo kwakasalwa, akati kazyuulu zyaba-Israyeli, cuulu kumusyobo umwi aumwi, nkokuti bantu bali zyuulu zili kumi azibili balibambilide lumamba. 6#My 10:9Nkabela Musa wakabatuma kunkondo, nkokuti bantu bali cuulu bamusyobo umwi aumwi, balo a-Pinehasi mwana waEleazara mupaizi, uuli azibelesyo zyacikombelo amyeembo yakulizya mujanza lyakwe. 7#Dt 20:13; Bab 21:11; 1 Sam 27:9; 1 Bam 11:15,16; Bab 6:1,2,33Lino bakalwisya ba-Midyani, mbubonya mbuli Jehova mbwaakalailila Musa, bajaya baalumi boonse. 8#Jos 13:21; My 22:10; 24:25; Jos 13:22; Int 9:12; Jud 1:11; Ciy 2:14; 19:20Abalo bami ba-Midyani bakabajaya antoomwe abantu bamwi ibakajayigwa, nkokuti, Evi, a-Rekemu, a-Zuri, a-Huri, a-Reba, bami bosanwe baba-Midyani. Alakwe Balamu mwana wa-Beori bakamujazya ipanga. 9Nkabela bana ba-Israyeli bakajata banakazi baku-Midyani atwana twabo, akusaala iŋombe zyabo ambelele zyabo ambono zyabo zyoonse. 10Aminzi yabo yoonse nkubakakede, amalabba aabo, zyoonse buyo bakazitenta amulilo, 11#Dt 20:14akutola zisaalo zyoonse ambono zyoonse, bantu abanyama boonse. 12Lino bakaleta baange ambono azisaalo zyoonse-kuli-Musa akuli-Eleazara mupaizi akumbungano yoonse yabana ba-Israyeli kuzilao nkubakabede, kumageze aa-Moabu kunkomwe ya-Jordano kumbali lya-Jeriko.
13Lino Musa a-Eleazara mupaizi abasilutwe boonse babantu bakainka kuyoobatambula anze lyamalabba. 14Nkabela Musa wakakalalila basilutwe bampi, bapati bazyuulu abapati bamyanda, ibakazwa munkondo. 15#Dt 2:34; 20:13; Jos 6:21; 8:25; 10:40; 11:14; 1 Sam 15:3Musa wakabaambila kuti, Sa mwabafutusya banakazi boonse? 16#My 25:1-9; 24:14; Jos 22:17; Int 106:28,29; Hos 9:10; Mik 6:5; 2 Pet 2:15; Ciy 2:14Mbembabo bakacita kuti bana ba-Israyeli bapapile Jehova mumakani aa-Peori; makani akazwa kululayo lwa-Balamu, aboobo kwakabuka lunyonyooko akati kabantu ba-Jehova. 17#Bab 21:11Lino amujaye balombe boonse akati kabana, abanakazi boonse bezi kale baalumi. 18Pele basimbi boonse batana kuziba mwaalumi, mubasic, bapone, babe banu. 19#My 5:2; 19:11; 9:6,10Lino amukale anze lyamalabba mazuba aali musanu aabili. Kufumbwa uujayide muntu, ayooyo iwakaguma muntu uujayidwe, amulisalazye mubuzuba bwatatu amubuzuba bwamusanu aabili, abalo baange banu. 20Alimwi zyakusama zyoonse, azibelesyo zyoonse zyazikanda, azibelesyo zyoonse zyaboya bwampongo, azibelesyo zyoonse zyazisamu, amu-zisalazye zyoonse.
21Lino Eleazara mupaizi wakaambila basilumamba ibakaya kunkondo kuti, Ngooyu mulao Jehova ngwaakalailila Musa. 22Ingolida, ansiliva, amukuba, abutale, amundalila, amutofwe, 23#My 8:7; 19:9,17nkokuti zintu zyoonse zikonzya kwiinda mumulilo, amuzyuuluzye mumulilo, lino zilasalala. Nekubaboobo zileelede kusalazigwa amaanzi aabusofwi aakusalazya zibi. Azintu zyoonse zitakonzya kuuluzigwa mumulilo zileelede kwiinda mumaanzi. 24#Lev 11:25; 14:9; My 19:10,22; Int 51:2; Zek 13:1; Ef 5:26; Heb 9:9,10; 10:22; 1 Joh 1:7Lino amusanzye zyakusama zyanu mubuzuba bwamusanu aahili, elyo mulasalala. Kusule lyaboobo mulanjila mumalabba.
25Lino Jehova wakaambila Musa kuti, 26Bala zisaalo zyoonse izyakajatwa munkondo, nkokuti bantu abanyama boonse. Amubale, yebo a-Eleazara mupaizi abasilutwe banzubo zyabantu. 27#Jos 22:8; 1 Sam 30:4; Int 68:12Nkabela muleelede kwaabanya zisaalo muzipanzi zyobile, cimwi cibe cabasilumamba ibakaya kunkondo, acimwi cibe cabantu boonse, 28#2 Sam 8:11; 1 Mak 18:11; 26:27; Is 18:7; 23:18; Mt 22:21; My 18:26Lino amugwisye mutelo wa-Jehova kulibasilumamba ibakaya kunkondo: omwe akati kamyanda yosanwe, bantu, aŋombe, ambongolo, ambelele zyoonse. 29Oyu mutelo ugwisigwe mucipanzi cabo, upegwe Eleazara mupaizi, ube cituuzyo ca-Jehova. 30#My 3:7,8; 18:3,4; 1 Mak 9:27-29; 23:32Akucipanzi cabantu ba-Israyeli gwisya umwi akati kamakumi osanwe, bantu, aŋombe, ambongolo, ambelele, abanyama boonse, uzipe ba-Levi babeleka milimo yacikombelo ca-Jehova. 31Nkabela Musa a-Eleazara mupaizi bakacita mbubonya mbuli Jehova mbwaakalailila Musa.
32Lino zisaalo izyakasyeede zyazintu nzibakajata basilumamba munkondo nzeezi: imbelele zili zyuulu zili myanda iili musanu aumwi amakumi aali musanu aabili azisanu, 33iŋombe zili zyuulu zili makumi aali musanu aabili azibili, 34imbongolo zili zyuulu zili makumi aali musanu alimwi acimwi, 35abantu, nkokuti banakazi ibatakezi mwaalumi, zyuulu zili makumi otatwe azibili. 36Cisela cazeezyo, nkokuti cisela cabasilumamba ibakaya kunkondo, nceeci. Imbelele zyakali zyuulu zili myanda yosanwe amakumi otatwe amusanu azibili amyanela yosanwe, 37#Lev 25:23; Dt 10:14; Int 24:1; 50:12; Tus 3:9; Mt 22:21; Mk 12:17; Lk 20:25; 1 Kor 10:26,28amutelo wa-Jehova wakali imbelele zili myanda iili musanu aumwi amakumi aali musanu aabili azisanu; 38iŋombe zyakali zyuulu zili makumi otatwe amusanu acimwi, amutelo wa-Jehova wakali makumi aali musanu aabili azibili. 39Imbongolo zyakali zyuulu zili makumi otatwe amyanda yosanwe, amutelo wa-Jehova wakali makumi aali musanu alimwi ambongolo yomwe. 40Abantu bakali zyuulu zili ikumi amusanu acimwi, amutelo wa-Jehova wakali makumi otatwe ababili. 41#My 5:9,10; 18:8,19Nkabela mutelo wacituuzyo ca-Jehova Musa wakaupa Eleazara mupaizi, mbubonya mbuli Jehova mbwaakalailila Musa.
42Akwalo kucisela cabana ba-Israyeli, Musa ncakaandaanya aceeco cabasilumamba ibakaya kunkondo, mutelo wakagwisigwa. 43Cisela cabantu nceeci: imbelele zili zyuulu zili myanda yotatwe amakumi otatwe amusanu azibili amyanda yosanwe, 44iŋombe zili zyuulu zili makumi otatwe amusanu acimwi, 45imbongolo zili zyuulu zili makumi otatwe amyanda yosanwe, 46abantu bali zyuulu zili ikumi amusanu acimwi. 47Kucisela eco cabana ba-Israyeli Musa wakagwisya omwe akati kamakumi osanwe, bantu abanyama boonse, wapa ba-Levi ibakabeleka milimo yacikombelo ca-Jehova, mbubonya mbuli Jehova mbwaakalailila Musa.
48Lino basilutwe bazyuulu bampi, basilutwe bazyuulu abasilutwe bamyanda, bakasika kuli-Musa, 49#Kul 23:7; Lev 26:7-9; Int 72:14; 116:15; 1 Sam 30:19bati, Swebo tobalanda bako twabala mweelwe wabasilumamba ibakali kumaanza esu, nkabela taakwe naba omwe uutawo. 50#Kul 30:12,16; Lev 17:11; Mt 20:28; Rom 3:25Lino twaletela Jehova cipo, kufumbwa cintu muntu ncaakasala, neciba cibelesyo cangolida niiba inkaya niiba incoko niiba inwenwe nebuba bucoeo nebuba bulungu, kuti tumanye milandu yesu kubusyu bwa-Jehova. 51Elyo Musa a-Eleazara mupaizi bakatambula ingolida azibelesyo zyoonse nzebakaleta. 52Ingolida yoonse yacipo ncebakaletela Jehova basilutwe bazyuulu abasilutwe bamyanda yakali masyekeli aali zyuulu zili ikumi amusanu acimwi amyanda iili musanu aibili amakumi osanwe. 53#Dt 20:14(Nkaambo basilumamba bakalisaalila umwi aumwi ncaakajana.) 54#My 16:40; Kul 30:16; Jos 4:7; Zek 6:14; Lk 22:19; Inc 10:4Nkabela Musa a-Eleazara mupaizi bakatambula ingolida nzebakaleta basilutwe bazyuulu abasilutwe bamyanda, bainjizya mutente lyambunganino, ibe ciibalusyo cabana ba-Israyeli kubusyu bwa-Jehova.
Currently Selected:
Myeelwe 31: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
