Myeelwe 20

Maanzi aaku-Meriba

1 # My 33:36; 26:59; Kul 15:20 Lino bantu boonse ba-Israyeli bakasika kunkanda ya-Zini mumwezi mutaanzi, nkabela bantu bakakala ku-Kadesi. Elyo Miriamu wakafwa, wazikwa nkukonya oko ku-Kadesi.

2 # Kul 17:1-7; 16:2,7-12; My 16:19,42; 21:5; 1 Kor 10:10 Lino bantu bakabula maanzi, nkabela bakayobolokela Musa a-Aroni, 3#My 14:2; Kul 17:2; My 11:1,33; 14:37; 16:32,33,49; Malo 4:9bakazyanya a-Musa, bati, Necakabota netwakafwa ciindi eco bakwesu nebakafwa kunembo lya-Jehova. 4#Kul 5:21; 17:3; My 11:5; Int 106:21; Inc 7:35,40Ino nkaambonzi wasisya imbungano ya-Jehova okuno kunkanda, kuti tufwe, swebo aŋombe zyesu zyoonse? 5Nkaambonzi watupozya kuzwa ku-Egepita akutusisya okuno kuntu kubi? Takuli kuntu kwakulima maila na inkuyu na masaansa na mapomegranite, alimwi taakwe maanzi aakunywa. 6#My 14:5Mpawo Musa a-Aroni bakazwa oko kubantu nkubakabungene, baya kumulyango watente lyambunganino, bavundama. Nkabela bulemu bwa-Jehova bwakababonekela. 7Lino Jehova wakaambila Musa kuti, 8#Kul 17:5; Neh 9:15; Int 78:15,16; Is 43:20Bweza musako, ukayobolole bantu, yebo a-Aroni munyoko, uambile indomba kumeso aabo, nkabela lilapa maanzi aalyo, Aboobo ulabagwisizya maanzi mundomba, banywe bantu boonse aŋombe zyabo, 9#My 17:10Mpoonya awo Musa wakabweza musako kuzwa kubusyu bwa-Jehova, mbubonya mbwaakamulailila.

10 # Int 106:33 Nkabela Musa a-Aroni bakayobolola bantu boonse kunembo lyandomba, babaambila kuti, Amuswiilile nobasikunyontauka! Sa tumutuntumwide maanzi mundomba omu? 11#Jak 1:20; Kul 17:6; Dt 8:15; 1 Kor 10:4Elyo Musa wakasumpula ijanza lyakwe, wauma indomba ziindi zyobile amusako wakwe, nkabela mwakatuntumuka maanzi manji loko. Lino bantu boonse bakanywa; aŋombe zyabo. 12#My 27:14; Dt 3:26; Lev 10:3; Ezk 20:41; 36:23; 1 Pet 3:15Pele Jehova wakaambila Musa a-Aroni kuti, Mwabula lusyomo lwakundilemeka mumeso aabana ba-Israyeli; nkaambo kako tamukooyoonjizya bantu aba munyika njindabapa. 13#Int 95:8Ngemaanzi aa-Meriba, nkaambo nkonkuko bana ba-Israyeli nkobakakazyanya a-Jehova, alimwi wakalemekwa akati kabo.

Musa mbwaakakumbila kwiinda akati kacisi ca-Edomu

14 # Bab 11:16,17; Dt 23:7; Ob 1:10,12 Lino Musa wakatuma batumwa kuzwa ku-Kadesi kuya kumwami wa-Edomu. Wakati, Mbuboobu mbwaamba munyoko Israyeli. Ulizi mapenzi oonse aakatusikila. 15Bamatateesu bakainka ku-Egepita, lino katukede mu-Egepita ciindi cilamfu, nkabela ba-Egepita bakatubisizya, swebo abamatateesu, 16#Kul 2:23; 3:7; Inc 7:35Lino netwakakwiilila Jehova, wakamvwa ijwi lyesu, watuma angelo, watupozya kuzwa ku-Egepita, mpaawa sunu tuli okuno ku-Kadesi, munzi uuli kumagolelo aacisi cako. 17#My 21:22Twakumbila kuti twiinde akati kacisi cako. Tatukooinda mumyuunda yako na mumyuunda yamisaansa, nekuba kunywa maanzi mumikalo. Tulainda kumugwagwa wamwami. Tatukooleya nekuba kululyo nekuba kulumwesi mane twiindilile cisi cako. 18Pele Edomu wakavuwa kuti, Tokonzyi kwiinda pe. Na wainda, ambweni ndazwa apanga lyangu kuzookulwisya. 19#Dt 2:6,28Ba-Israyeli bakati, Tulainda kumugwagwa buyo. Na twanywa maanzi aako, swebo aŋombe zyesu, tulabbadela. Atwiinde buyo amaulu. Taakwe cimwi ncituyanda. 20#Matl 27:41; 32:6; Bab 11:17; Int 120:7; Ezk 35:5,11; Am 1:11Pele wakati, Tokooinda pe. Nkabela ba-Edomu bakazwa kuzoobalwisya abantu banji ampi injumu. 21#Dt 2:27,29; Bab 11:18; Rom 12:18; Heb 12:14Mbuboobo ba-Edomu mbubakakaka kuzumizya ba-Israyeli kwiinda akati kacisi cabo, Elyo ba-Israyeli bakabasia, bai nda kumbi.

Aroni mbwaakafwa kucilundu ca-Hori

22 # My 33:37; 21:4 Lino bana ba-Israyeli bakalonga kuzwa ku-Kadesi, basika boonse kucilundu ca-Hori. 23Nkabela Jehova wakaambila Musa a-Aroni oko kucilundu ca-Hori kumugaano wacisi ca-Edomu, wati, 24#Matl 25:8; My 27:13; Is 57:1,2; Heb 12:23Aroni ulatebwidwa kubantu bakwe, nkaambo takoonjila munyika eyo njindapa bana ba-Israyeli, nkaambo mwakanyontauka kumalailile aangu kumaanzi aa-Meriba. 25#Dt 32:50Tola Aroni amwanaakwe Eleazara, utante abo atala lyacilundu ca-Hori. 26Lino samununa Aroni zyakusama zyakwe, uzisamike Eleazara mwanaakwe, nkabela Aroni ulatebulwa mpoonya awo. 27Lino Musa wakacita mbubonya mbuli Jehova mbwaakamulailila, nkabela bakatanta acilundu ca-Hori mumeso aabantu boonse. 28#Kul 29:29; My 33:38; Dt 10:6; My 23:10; Job 30:23; Tus 14:32; Hos 13:14; Ciy 14:13Mpawo Musa wakasamununa Aroni zyakusama zyakwe, wazisamika Eleazara mwanaakwe, nkabela Aroni wakafwa mpoonya awo atala lyacilundu. Lino Musa a-Eleazara bakaseluka kuzwa kucilundu. 29#Matl 50:3,10; Dt 34:8Nkabela bantu boonse nebakabona kuti Aroni wafwa, luzubo loonse lwa-Israyeli lwakali kulila Aroni mazuba aali makumi otatwe.

Currently Selected:

Myeelwe 20: Ibbaib63

Highlight

Copy