Luka 18

Cikozyano camubetesi uutaluleme

1 # Rom 12:12; Kol 4:2; 1 Tes 5:17 Elyo wakabaambila cikozyano cakuti baleelede kukomba lyoonse, batalengaali. 2Wakateeti, Kumunzi umwi kwakali mubetesi uwata kali kuyoowa Leza, nokuba kulemya bantu. 3Alimwi kwakali mukamufu kumunzi oyo, walo wakaboola kulinguwe kanjikanji wakati, Ndikosweda mulandu kuluundisesa, 4Eno wakakaka kaindi, pele munsi wakalyaambya mucamba cakwe kuti, Nentayoowi Leza, nentalemeki muntu, 5#Lk 11:7,8nokubaboobo mukamufu oyo mbwaandikataazya ndamukosweda; na pe, unoondi-kataazya kwiindilila kukusika kwakwe lyoonse. 6Mpoonya Mwami wakateeti, Amumvwe oku nkwaamba mubetesi uutaluleme, 7Sena Leza takooyoobakosweda abo mbasalide, aboompolola kulinguwe isikati amasiku, anatola ciindi kulimbabo? 8Ndamwaambila kuti uyoofwamba kubakosweda, Kwalo Mwana a-Muntu aakuboola, sena uzoojana lusyomo ansi?

Cikozyano camu-Farisi asimutelo

9Ecalo cikozyano eci wakabaambila abalisyoma kululama, abasampaula bamwi boonse, wakati, 10Baalumi bobile bakanjila muntempele kuti bakombe, umwi wakali mu-Farisi, umwi wakali simutelo. 11#Is 58:2,3; Lk 16:15Mu-Farisi oyo wakaimikila, wakakomba obo wakati, Ndakulumba, O Leza, nkaambo nsili mbuli bantu bamwi, ababbi abataluleme abasimamambe, ambuli simutelo oyu. 12#Mt 23:23Ndilaliimya kulya tobile munsondo yomwe, alimwi ndilapa cimanyakumi kulizyoonse nzyenjisi. 13#Int 51:1Pele simutelo oyo wakaima kulekule, takali kulanga kujulu, pele wakalyuumauma acamba cakwe wati, Leza, ndifwida luzyalo, ndi mucitazibi. 14#Mt 23:12; Lk 14:11; Ezk 21:31Ndamwaambila kuti, Oyu wakabweeda kuŋanda yakwe ulilulamikidwe kwiinda oyo umwi, nkaambo umwi umwi uulisumpula ulafwiinsigwa, uulifwiinsya ulasumpulwa.

Jesu mbwaakalongezya bana

(Matayo 19:13-15; Marko 10:13-16)

15 # Mt 19:13-15; Mk 10:13-16 Elyo bakamuletela bana kuti abajate, pele basikwiiya bakwe nobakababona bakabakasya. 16Walo Jesu wakabaita kulinguwe wakati, Amuzumizye bana kuti baboole kulindime, mutabakasyi, nkaambo Bwami bwa-Leza mbubwabo abali bobuya. 17#Mt 18:3Ncobeni ndamwaambila kuti, Uutatambuli bwami bwa-Leza mbuli mwana, takooyoobunjila akaniini pe,

Mweendelezi muvubi

(Matayo 19:16-30; Marko 10:17-31)

18 # Mt 19:16-29; Mk 10:17-30 Umwi mweendelezi wakamubuzya kuti, Mufundisi mubotu, ino ndicite buti kuti ndinjile mubuumi ubutamani 19Jesu wakati kulinguwe, Ino uambilanzi kuti ndi mubotu? Taakwe mubotu, ngumwi pele, Leza alike, 20#Kul 20:12-16; Dt 5:16-20Uliizi milazyo yakuti, Urabi simamambi, Utajayi, Utabbi, Utalengeleli umwi kaambo, Lemeka uso abanyoko. 21Walo wakati, Eyi yoonse ndakiiya nkencili mwana, 22#Mt 6:20Jesu naakamvwa obo, wakamwaambila kuti, Mpocili cintu comwe ncobula, koya ukauzye zyoonse nzyojisi, ukape bacete, noyoojana lubono kujulu, alimwi uboole undicilile. 23Pele naakamvwa obo wakausa kapati, nkaambo wakali muntu uuvubide lubono lunjilunji. 24Nkabela Jesu naakabona kuti uluuside wakati, Kulibavubide lubono nkuyumu buya kunjila mu-Bwami bwa-Leza. 25Nkuuba kuti munyama mupati anjile muliso lyenyenda, kwiinda kuti muvubi anjile mu-Bwami bwa-Leza. 26Elyo abakamvwa obo bakaamba kuti, Ino nguni uukonzya kufutulwa? 27Ndilyonya wakati, Icikakila muntu, Leza tacimukakili pe. 28Nkabela Petro wakaamba kuti, Bona, swebo twakaleka zyesu, twakucilila. 29Elyo wakabaambila kuti, Ncobeni ndamwaambila kuti, Taakwe muntu uwakaleka ŋanda, naba mukaintu, nebaba banabakwabo, na bazyali, na bana, nkaambo ka-Bwami bwa-Leza, 30uuti takapegwe kwiindilila kuciindi cino, akuciindi iciza buumi ubutamani.

Jesu mbwaakaamba lufu lwakwe

(Matayo 20:17-19; Marko 10:32-45)

31 # Mt 20:17-19; Mk 10:32-34 # Lk 9:22,44 Nkabela wakabatola kumbali abali kumi abobile, wabaambila kuti, Amubone, tuya ku-Jerusalemu, eno makani oonse aakalembwa basinsimi ayoocitwa ku-Mwana a-Muntu. 32Nkaambo uyooabwa kulibamasi, akusabwidwa, akucitwa bubi, akuswidwa mate, 33bayoomuuma akumujaya, kwala mubuzuba bwatatu uyoobuka. 34#Mk 9:32Eno taakwe ncobakamvwa, makani aya akasiswa kulimbabo, tabakali kuzi ncaakali kwaamba,

Moofu waku-Jeriko

(Matayo 20:29-34; Marko 10:46-52)

35 # Mk 10:46-52 Elyo naakasika afwaafwi ku-Jeriho, moofu umwi wakakede kumbali anzila, ulakumbila, 36Naakamvwa makamu aabantu abakali kwiinda wakabuzya kuti, Ino ninzi eco? 37Bakamwaambila kuti, Jesu wa-Nazareta ulainda. 38Nkabela wakoompolola kuti, Jesu, Mwana a-Davida, ndifwida luzyalo, 39Kwalo abali kweenda kumbele balamutapatila kuti aumune, pele walo wakoompololesya kuti, Omwana a-Davida, ndifwida luzyalo, 40Mpoonya mpoonya Jesu wakaima wati, Amumulete kuno. Naakasika afwaafwi, Jesu wakamubuzya kuti, 41Ino uyanda kuti ndikucitilenzi? Wakati, Mwami, ndibone. 42#Lk 17:19Jesu wakamwaambila kuti, Bona. Lusyomo lwako lwakufutula. 43Ndilyonya wakabona, wamucilila uya bulumba Leza. Eno bantu boonse nobakabona obo, bakalumbaizya Leza.

Currently Selected:

Luka 18: Ibbaib63

Highlight

Copy