Levitiko 7

Amwi makani aazipaizyo

1 # Lev 5:1-6; 6:1-7; Kul 29:37; Lev 6:17; 21:22 Ngooyu mulao wacipaizyo candubo. Ncintu cisalalisya loko. 2#Lev 4:24,29,33Cipaizyo candubo cijayigwe nkukonya oko nkobajayila cipaizyo cakutenta, abulowa bwakwe busansailwe acipaililo cakuzyunguluka. 3#Kul 29:13; Lev 3:4-15; 4:8-9Mafuta aaco oonse atentwe, amucila, alufuko, 4ansa zyobile amafuta aazyo aabambene acikungu, alulyaŋanga lwamuni; zyoonse zigwisigwe antoomwe ansa. 5#Tit 2:14; Heb 9:28Mupaizi azitente acipaililo. Ncipaizyo candubo citentelwa Jehova, 6#Lev 6:16; My 18:9; Lev 2:3; Int 93:5Baalumi boonse akati kabapaizi bacilye. Ciligwe mubusena busalalisya. Ncintu cisalalisya loko. 7#Lev 6:25; 14:13Cipaizyo candubo cilikozyene acipaizyo cazibi; zyoonse zilijisi mulao omwe. Mupaizi uumanya milandu ancico, cilaba cakwe. 8Alimwi mupaizi uutuula cipaizyo camuntu cakutenta, itobo lyacipaizyo ncatuuzya cilaba camupaizi. 9#Lev 2:3,10; My 18:9; Ezk 44:29; Lev 2:3,10; 5:13; My 5:9; 1 Kor 9:7-14Acipaizyo cabusu ciyokelwa muciyokelo, acoonse cikangwa mucikangilo nanka acibulo, ncamupaizi uucipaizya, acibweze. 10Zipaizyo zyoonse zyabusu, neziba zivwelene amafuta neziba ziyumu, zilaba zyabana ba-Aroni. Boonse kabeelene.

11 # Lev 3:1; 22:18 Alimwi ngooyu mulao wazipaizyo zyakutontozya ziletelwa Jehova. 12#Lev 2:4; My 6:15Na muntu wapaizya cilumbyo, antoomwe acilumbyo apaizye azinkwa zitakwe bumena zikandidwe amafuta, azibunge zitakwe bumena zinanikidwe mafuta, azibunge zyabusu bunante buvwelene amafuta. 13#Am 4:5Alimwi antoomwe azipaizyo zyakutontozya zyakulumbya apaizye zinkwa zila abumena. 14#My 18:8Kucipaizyo cakwe agwisye cinkwa comwe, cibe cilumbyo ca-Jehova; eco cilaba camupaizi uusansaila bulowa bwazipaizyo zyakutontozya. 15#Heb 3:13-15; Lev 22:30Anyama yacipaizyo cakutontozya cakulumbya cileelede kuligwa mubuzuba obo mbubonya bwakupaizya; takweelede kusyaala mane cifumo pe. 16#Lev 19:6Pele na cipaizyo cakwe ncacikonkezyo na cipaizyo camoyo, ilaligwa mubuzuba bwakupaizya, alimwi iisyaala inooligwa mubuzuba butobela bwabili, 17pele na kwasyaala nyama mubuzuba bwatatu, ileelede kutentwa mumulilo. 18#Matl 4:4,5; My 18:27; Lev 11:10; Tus 15:8; 21:27; Muk 5:1; Jer 6:20; Am 5:22Na kwaligwa nyama yacipaizyo cakwe cakutontozya mubuzuba obo bwatatu, oyo uupaizya takoonootambulika nekuba kweelezegwa bululami. Cilaba cisesemyo, ayooyo uucilya uyooba amulandu.

19Nyama iiguma cintu neciba comwe cisofweede tiiligwi, ileelede kutemwa mumulilo, Boonse bantu basalala balakonzya kulya nyama, 20#Lev 15:3; Matl 17:14pele kufumbwa muntu uulya nyama yazipaizyo zyakutontozya zya-Jehova naacili abusofwaazi, oyo muntu uleelede kutandwa muciinga cakwe, 21#Lev 12:1; 13:1; 11:24,28; 11:10-13; Dt 14:3; Ezk 4:14Alimwi na muntu waguma cintu cimwi acimwi cisofweede, mbuli busofwaazi bwamuntu na busofwaazi bwamunyama uusofweede na cisesemyo cisofweede, nkabela amana kuguma walya nyama yazipaizyo zyakutontozya zya-Jehova, oyo muntu uleelede kutandwa k uciinga cakwe,

22Lino Jehova wakaambila Musa kuti, 23#Lev 3:17; 1 Sam 2:29Ambila bana ba-Israyeli kuti, Mutalyi mafuta pe, naaba mafuta aaŋombe naaba aambelele naaba aampongo. 24Mafuta aamunyama uulifwida nanka uulumwa alakonzya kubelesegwa milimo imwi, pele kuligwa takoonooligwa pe. 25Nkaambo kufumbwa muntu uulya mafuta aaŋombe bantu nzebatentela Jehova, oyo muntu uleelede kutandwa kuciinga cakwe. 26#Matl 9:4; Lev 3:17; 17:10-14; 19:26; Dt 12:16,23; 15:23; 1 Sam 14:33; Ezk 44:15; Inc 15:20Abwalo bulowa, tamweelede kubulya abuniini mumakalilo aanu oonse, nebuba bulowa bwamunyama nebuba bulowa bwamuyuni. 27Kufumbwa muntu uulya bulowa, oyo muntu uleelede kutandwa kuciinga cakwe.

28Alimwi Jehova wakaambila Musa kuti, 29#Lev 3:1Ambila bana ba-Israyeli kuti, Kufumbwa uupaizizya Jehova cipaizyo cakutontozya, aletele Jehova cipaizyo cakwe, Agwisye mucipaizyo cakutontozya 30#Kul 29:24,27; Lev 8:27; 9:21; My 6:20cakutentela Jehova akucileta amaanza aakwe mwini. Alete mafuta akatiti, kuti katiti kavukuzigwe kunembo lya-Jehova, cibe cipaizyo cakuvukauzya. 31#Lev 3:5,11Lino mupaizi atente mafuta acipaililo, pele katiti kalaba ka-Aroni abana bakwe. 32#Lev 9:21; My 6:20Alimwi mweendo wacikungu walulyo muleelede kuugwisya muzipaizyo zyakutontozya, mupe mupaizr. 33Kufumbwa muntu wabana ba-Aroni uupaizya bulowa bwazipaizyo zyakutontozya amafuta aazyo, mweendo wacikungu walulyo ncaabilo cakwe. 34#Kul 29:28; Lev 10:14,15; My 18:18; Dt 18:3Nkaambo katiti kavukuzigwa amweendo wacikungu walulyo cipaizigwa, zyoonse ndazigwisya muzipaizyo zyakutontozya nzebaleta bana ba-Israyeli, ndazipa Aroni mupaizi abana bakwe. Ngumulao walyoonse akati kabana ba-Israyeli. 35Ncecaabilo ca-Aroni acaabilo cabana bakwe akati kazipaizyo zitentelwa Jehova; neebakapegwa mubuzuba bwakubikwa mumilimo yabupaizi bwa-Jehova. 36#Kul 40:13,15; Lev 8:12,30; Heb 7:18-28; 8:1-13Jehova wakalailila kuti bapegwe ncico kubana ba-Israyeli mubuzuba obo naakabananika mafuta. Ngumulao walyoonse mumazyalani aabo oonse.

37 # Lev 6:9,25; Kul 29:1; Lev 6:20 Ngooyo mulao wacipaizyo cakutenta, acipaizyo cabusu acipaizyo cazibi, acipaizyo candubyo, acakusalazya, azipaizyo zyakutontozya. 38Njemilao Jehova njaakalailila Musa mucilundu ca-Sinai, mubuzuba obo naakalailila bana ba-Israyeli kuti baletele Jehova zipaizyo zyabo, munkanda ya-Sinai.

Currently Selected:

Levitiko 7: Ibbaib63

Highlight

Copy