Levitiko 5
5
Zimwi zintu zileta milandu
1 #
1 Bam 8:31; Tus 29:24; Mt 26:63; Matl 17:14; Lev 7:18; 17:16; My 9:13 Kufumbwa muntu uubisya kukubula kwaamba, na walaililwa kuba kamboni mumakani ngaabwene na ngezi, ulijisi mulandu. 2#Lev 11:24-39; My 19:11-16Nanka muntu uuampa cintu neciba cimwi cisofweede, mbuli mutunta wamunyama uusofweede na mutunta waŋombe zisofweede na mutunta wabauka basofweede, alimwi makani alisiseme, aboobo wasofwaazigwa, ulijisi mulandu. 3#Lev 12:1; 13:1; 15:1Nanka uuguma busofwaazi bwamuntu, kufumbwa cintu cikonzya kusofwaazya muntu, alimwi makani alisiseme, azibwa buyo ulijisi mulandu. 4#1 Sam 14:24; 25:22; Mal 3:5; Inc 23:12; Mk 6:23Nanka muntu uufwanzya amilomo yakwe kukukonka kucita cintu, neciba cibotu neciba cibi, kufumbwa cintu bantu ncibakonka cakufwanzya, alimwi makani alisisidwe kulinguwe, aziba buyo ulijisi mulandu. 5#Lev 26:40; My 5:7; Ezr 10:11Muntu uujisi mulandu muzintu zyoonse zili boobu, alyaambe cibi ncaakabisya, 6aletele Jehova cipaizyo cakwe cakupaizizya cibi ncaakabisya, kabelele nanka kapongo kapwizi, kabe cipaizyo cazibi, kuti mupaizi amanye mulandu wakwe.
Zipaizyo zyabatengwana
7 #
Lev 14:21
Pele na muntu wacetaala, aboobo takonzyi kujana kabelele, cipaizyo ncaletela Jehova nkaambo kazibi zyakwe cibe inziba zyobile nanka twana twankwilimba tobile; imwi njacipaizyo cazibi, aimwi njacipaizyo citentwa. 8Azilete kumupaizi, lino mupaizi sansi apaizye yacipaizyo cazibi. Anyone mutwe wayo kunsingo, pele ataunyunguli. 9Lino akombole bulowa bwacipaizyo cazibi, asansaile amabazu aacipaililo, aboonse bulowa busyeede abuminunwide kutako lyacipaililo. Ncipaizyo cazibi. 10#Lev 1:14Ayalo yabili aipaizye mbubonya mbuli zipaizyo zyakutenta mbuzipaizigwa, aboobo: nupaizi ulamumanina mulandu wa cibi ncaakabisya, alekelelwe.
11 #
My 5:15
Pele na muntu wacetaala loko, aboobo takonzyi kujana inziba zyobile na twana twankwilimba tobile, cipaizyo cakwe ncaletela cibi ncaakabisya cibe cipanzi cakumi cacisuwo cabusu bunante, cibe cipaizyo cazibi. Atabiki mafuta nanka musamu walibano, pe, nkaambo ncipaizyo cazibi. 12#Lev 4:35Acilete kumupaizi, lino mupaizi abweze inkankamanza, ibe ciibalusyo cakutenta acipaililo atala lyazituuzyo zitentelwa Jehova. Ncipaizyo cazibi. 13Aboobo mupaizi ulamanya mulandu wacibi ncaakabisya, na wabisya mumakani naaba aali buti akati kayaayo, kuti alekelelwe, Abusu busyeede bube bwamupaizi, mbubonya mbuli cipaizyo cabusu.
Zipaizyo zyalweeno
14Lino Jehova wakaambila Musa kuti, 15#Lev 22:14; Ezr 10:19; Kul 30:13; Lev 27:25Kufumbwa muntu uubisya cakulubya mumakani aazintu zisalala zya-Jehova, aletele Jehova cipaizyo cakwe candubo. Alete mugutu uutakwe kampenda wakumatanga aakwe, Umubikile muulo mumasyekele aansiliva mbuli masyekele mbwapimwa mucikombelo. Ncipaizyo cakulubya. 16#Lev 6:5; 22:14; My 5:7; Lev 4:26; Heb 9:13,14Alimwi kufumbwa cintu ncaakaluba, aciboozye akubika cipanzi casanu alincico. Acilete kumupaizi, lino mupaizi amanye mulandu wakwe amugutu wacituuzyo candubo kuti alekelelwe,
17 #
Int 19:12; Lk 12:48; Heb 5:2 Kufumbwa muntu uubisya kukucita cintu neciba cimwi akati kazintu Jehova nzyakasya, nekuba kuti tezi, ulijisi mulandu, ulijisi kaambo. 18Alete mugutu uutakwe kampenda wakumatanga aakwe, mbuli muulo ngobika, cibe cipaizyo candubo, Acilete kumupaizi, kuti mupaizi amanye mulandu wandubo zyakwe nzyaakalubya cakutaziba, aboobo ulalekelelwa. 19#Is 53:10; Ezr 10:2Ncecipaizyo candubo, nkaambo ulijisi mulandu kumeso aa-Jehova.
Currently Selected:
Levitiko 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
