Joshua 21
21
Minzi yaba-Levi
1 #
My 34:17; Jos 14:1; 17:4 Lino basilutwe bapati baba-Levi bakaswena kuli-Eleazara mupaizi akuli-Joshua mwana wa-Nuni akulibasilutwe bapati bamikowa yabana ba-Israyeli, 2#My 35:1-8; Jos 18:1; Ezk 48:9-18; Mt 10:10; Gal 6:6; 1 Tim 5:17,18akubaambila makani ku-Silo munyika ya-Kanana. Bakati, Jehova wakalailila kumulomo wa-Musa kuti tupegwe minzi yakukala anyika iizyungulukide yakucezezya iŋombe zyesu. 3Elyo bana ba-Israyeli bakapa ba-Levi minzi, mbuli mbwaakalailila Jehova, mukati kacaabilo cabo, Bakabapa minzi eyi atunzuunzi twayo.
4 #
Jos 24:33
Nkabela ciinga caba-Kohati cakawidwa cisolo citaanzi, Bana ba-Aroni mupaizi, ibakali ba-Levi, bakaabilwa minzi iili ikumi aitatu mucisi caba-Juda acaba-Simeoni acaba-Benjamini. 5Abana ba-Kohati bamwi bakaabilwa, mucisi caziinga zyabana ba-Efraimu acaba-Dani acacisela cabana ba-Manase, minzi iili ikumi.
6Abalo bana ba-Gerisoni bakaabilwa, mucisi caziinga caba-Isakara acamukowa wa-Aseri acamukowa wa-Nafitali acacisela cabana ba-Manase icakakede mu-Basana, minzi iili ikumi aitatu.
7Abalo bana ba-Merari bakaabilwa, mucisi caba-Rubeni acaba-Gadi aca-Zebuloni, minzi iili ikumi aibili.
8 #
Matl 49:7; My 35:2,3; Jos 18:6; Tus 16:33 Bana ba-Israyeli bakapa ba-Levi minzi eyo atunzuunzi twayo, mbubonya Jehova mbwaakalailila kumulomo wa-Musa. 9Mumukowa wabana ba-Juda amukowa wabana ba-Simeoni baka bapa minzi eyi iilembedwe awa. 10Yakaba yabana ba-Aroni, ciinga cimwi caba-Kohati, ibakali ba-Levi, nkaambo kakuti mbembabo bakawidwa cisolo citaanzi. 11#1 Mak 6:55; Matl 23:2; Jos 14:15; 15:13; 2 Sam 2:1-3; Lk 1:39Bakabapa Kiriyati-Ariba, munzi wa-Ariba wisi Anoki, ngonguwo Hebroni, muzilundulundu zya-Juda, anyika yameembelelo iizyungulukide nguwo. 12#Jos 14:14Pele myuunda yamunzi atunzuunzi twayo, bakazipa Kalebe mwana wa-Jefune, kuti ibe yakwe.
13 #
My 35:13-15; Jos 20:7-9; 1 Mak 6:57; Jos 15:54; 10:29; 15:42; Is 37:8 Bana ba-Aroni bakapegwa Hebroni, munzi walulobokelo lwasikujaya, anyika yameembelelo yawo, a-Libina ameembelelo aawo, 14#Jos 15:48,50a-Jatiri ameembelelo aawo, a-Esitimoa ameembelelo aawo, 15#1 Mak 6:58; Jos 15:49a-Holoni ameembelelo aawo, a-Debiri ameembelelo aawo, 16#1 Mak 6:59; Jos 15:10,55a-Ayini ameembelelo aawo, a-Juta ameembelelo aawo, a-Betisemesi ameembelelo aawo, minzi iili musanu aine mucisi camisyobo eyo yobile, 17#Jos 18:24,25Amumukowa wa-Benjamini bakapegwa Gibeoni ameembelelo aawo, a-Geba ameembelelo aawo, 18#1 Mak 6:60a-Anatotu ameembelelo aawo, a-Alimoni ameembelelo aawo, minzi yone. 19Minzi yoonse yabana ba-Aroni bapaizi kiili ikumi aitatu ameembelelo aayo.
20 #
1 Mak 6:66
Nkabela ziinga zyabana ba-Kohati, ba-Levi, nkukuti bana bamwi baKohati ibakasyaala, zyalo zyakapegwa minzi mucisi camukowa wa-Efraimu. 21#Matl 33:19; Jos 20:7; Bab 9:1; 1 Bam 12:1Bakapegwa Sekemu, munzi walulobokelo lwasikujaya, ameembelelo aawo, muzilundu-lundu zya-Efraimu, a-Gezeri ameembelelo aawo, 22a-Kibizaimu ameembelelo aawo, a-Betihoroni ameembelelo aawo, minzi yone, 23Amucisi camukowa wa-Dani bakapegwa Eliteke ameembelelo aawo, aGibetoni ameembelelo aawo, 24a-Aijaloni ameembelelo aawo, a-Gatirimoni ameembelelo aawo, minzi yone. 25Amucisi cacisela cabana ba-Manase bakapegwa Taanaki ameembelelo aawo, a-Gati-rimoni ameembelelo aawo, minzi yobile. 26Minzi yoonse yabana ba-Kohati ibakasyeede yakali ikumi, ameembelelo aayo.
27 #
1 Mak 6:71; Dt 1:4; 4:43; Jos 20:8; 1 Mak 6:71,76 Abalo bana ba-Gerisoni, ibakali ciinga cimwi caba-Levi, bakapegwa minzi mucisi cacisela camukowa wa-Manase. Bakapegwa Golani, munzi walulobokelo lwasikujaya munyika ya-Basana ameembelelo aawo, a-Beesitera ameembelelo aawo, minzi yobile. 28Amucisi camukowa wa-Isakara bakapegwa Kisioni ameembelelo aawo, a-Dabereti ameembelelo aawo, 29ajarimutu ameembelelo aawo, a-Eriganimu ameembelelo awo, minzi yone, 30Amucisi camukowa wa-Aseri bakapegwa Misali ameembelelo aawo, a-Abidoni ameembelelo aawo, 31a-Helikati ameembelelo aawo, a-Rehobo ameembelelo aawo, minzi yone. 32#Jos 20:7Amucisi camukowa wa-Nafitali bakapegwa Kedesi wamu-Galilaya, munzi walulobokelo lwasikujaya ameembelelo aawo, a-Hamotidori ameembelelo aawo, a-Karitani ameembelelo aawo, minzi yotatwe. 33Minzi yoonse yaba-Gerisoni, muziinga zyabo, yakali ikumi aitatu ameembelelo aayo,
34 #
1 Mak 6:77
Azyalo ziinga zyabana ba-Merari, mbeba-Levi bakasyeede, zyakapegwa minzi mucisi camukowa wa-Zebuloni. Bakapegwa jokineamu ameembelelo aawo, a-Karita ameembelelo aawo, 35a-Dimna ameembelelo aawo, a-Nahalala ameembelelo aawo, minzi yone. 36Amucisi ca-Rubeni bakapegwa Bezeri ameembelelo aawo, a-Jahaza ameembelelo aawo, 37a-Kedimoti ameembelelo aawo, a-Mefati ameembelelo aawo, minzi yone. 38#Dt 4:43; 1 Bam 4:13; Matl 32:1; 2 Sam 2:8; 17:27Amucisi ca-Gadi bakapegwa Ramoti mucisi ca-Gileadi, munzi walulobokelo wasikujaya muntu, ameembelelo aawo, a-Mahanaimu ameembelelo aawo, 39a-Hesiboni ameembelelo aawo, a-Jazeri ameembelelo aawo; minzi eyo yoonse yakali yone. 40Njeeyo minzi yoonse yabana ba-Merari muziinga zyabo, nzeziinga zyakasyeede zyaba-Levi. Caabilo cabo cakali minzi iili ikumi aibili,
41 #
Matl 49:7; My 35:7; Dt 33:10 Minzi yoonse yaba-Levi yaakati kanyika yabana ba-Israyeli yakali makumi one amusanu aitatu, ameembelelo aayo. 42Minzi eyi yoonse kiili umwi umwi ameembelelo aawo aazyungulukide. Minzi yoonse buyo mbuyakabede.
43 #
Matl 13:15; 15:18; 26:3 Aboobo Jehova wakapa ba-Israyeli nyika yoonse njaakakonkezya bamawisi babo kuti abape. Bakaivuba akukala mulinjiyo. 44#Jos 11:23; 22:4; Dt 7:24Nkabela Jehova wakabapa luumuno kumabazu oonse, mbubonya mbwaakakonkezya bamawisi babo, Katakwe muntu naba omwe akati kabasinkondonyina uwakakonzya kubalwisya. Basinkondonyina boonse buyo, Jehova wakabaaba mumaanza aabo. 45#Jos 23:14; Kul 3:7,8; 23:23,31; 1 Bam 8:56; Is 49:7,8,15,16; Mt 24:35; Lk 21:33Taakwe cintu niciba comwe catakacitika akati kazintu zibotu zyoonse Jehova nzyaakaambila mukowa wa-Israyeli. Zyoonse buyo zyakacitika.
Currently Selected:
Joshua 21: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
