Joshua 13
13
Jehova mbwaakalailila Joshua kwaabila nyika
1 #
Matl 18:11; Jos 14:10; 24:29; 1 Bam 1:1; Lk 1:7 Lino Joshua wakacembaala, kali amyaka minji. Nkabela Jehova wakamwaambila kuti, Sunu wacembaala, myaka yako yavula, alimwi kucisyeede munyika manji aatana kuvubwa. 2#Kul 23:29,31; Dt 11:23,24; Bab 3:1; Matl 10:14; 26:1; Joel 3:4; 1 Sam 27:8; 2 Sam 3:3Manyika aacisyeede ngaaya: zisi zyoonse zyaba-Filisti aba-Gesuri, 3#Jer 2:18; 1 Sam 6:4,16; Zef 2:5; Dt 2:23kuzwa kumulonga uuli kunembo lya-Egepita mane kusikila kumugaano wa-Ekroni wakunyika, nkukuti cisi caambwa kuti ncecaba-Kanana, abami bosanwe baba-Filisti, ba-Gaza, baAsidodi, ba-Asekelo, ba-Giti aba-Ekroni, alimwi ba-Ahivi, 4#Jos 19:30; Bab 1:34akumusanza, cisi coonse caba-Kanana, a-Meara uuvubidwe kuba-Sidoni, kusikila ku-Afeki uuli amugaano waba-Amori, 5#1 Bam 5:18; Int 83:7; Ezk 27:9; Jos 12:7acisi caba-Gebili acisi coonse ca-Lebano cakujwe, kuzwa ku-Baala-gadi munsi lyacilundu ca-Herimoni, mane kusikila ku-Hamati; 6#My 33:54; Jos 11:8; 23:13; Bab 2:21; Jos 14:1,2abantu boonse bakede muzilundu kuzwa ku-Lebano kusikila ku-Miserepotu-maimu, nkukuti ba-Sidoni boonse; aba njoobatanda kubusyu bwaba-Israyeli, pele koabila ba-Israyeli nyika, kuti baivube, mbubonya mbundakulailila.
7Lino nyika eyi, uleelede kwiiabila misyobo iili musanu aine, acisela camusyobo wa-Manase. 8#My 32:33; Dt 3:12; Jos 22:4Nkaambo bamwi bana ba-Manase, antoomwe aba-Rubeni aba-Gadi, batambula kale caabilo cabo ncaakabapa Musa, mutala lya-Jordano kujwe, mbuli Musa mulanda wa-Jehova mbwaakabaabila, 9#My 21:30; Is 15:2; Jer 48:18,22kuzwa ku-Aroeri uuli ankomwe yamulonga wa-Arinoni, amunzi uuli akatikati kamumpata, abanda lyoonse lya-Medeba mane kusikila ku-Diboni, 10aminzi yoonse ya-Sihoni mwami waba-Amori iwakali kweendelezya mu-Hesiboni, mane kusikila kumugaano wabana ba-Amori, 11#Jos 12:5a-Gileadi, anyika yaba-Gesuri, aba-Maakati, acilundu coonse ca-Herimoni, anyika yoonse ya-Basana kusikila ku-Saleka; 12#Dt 3:11; My 21:24mumonya munyika ya-Basana, muli cisi ca-Ogi iwakali kweendelezya mu-Asitarotu amu-Edrei; oyu kali umwi wabaabo ibakacisyeede baba-Refaimu, nkaambo Musa wakabazunda akubatanda.
13Pele bana ba-Israyeli teebakatanda ba-Gesuri nibaba ba-Maakati. Ba-Gesuri aba-Maakati kabacikede akati kaba-Israyeli mane kusikila sunu, 14#Dt 18:1; 10:9; 12:12,19; My 18:20; Jos 14:3,4Amusyobo waba-Levi ulike ngwaakatapa caabilo, nkaambo zipaizyo zyaJehova Leza wa-Israyeli ncecaabilo cabo, mbubonya mbwaakamwaambila.
Caabilo cabana ba-Rubeni
15Lino Musa nguwakaabila mukowa wabana ba-Rubeni mbuli muziinga zyabo. 16#My 21:28,30; Dt 3:12; Jos 12:2Nyika yabo kiizwa ku-Aroeri uuli kumbali amulonga wa-Arinoni, amunzi uuli akatikati kamweezi, abanda lyoonse mane kusikila ku-Medeba; 17a-Hesiboni aminzi yawo yamubanda, a-Diboni a-Bamoto-baala a-Betibaala-meoni, 18#My 21:23a-Jahaza a-Kedemotu a-Mefati; 19#My 32:37a-Kiriyataimu aSibima a-Zereti-sahara mucilundu camumumpata; 20a-Beti-peori, aminkuni ya-Pisiga, a-Beti-Jesimoti; 21#Dt 3:10; My 21:24; 31:8aminzi yoonse yamubanda, acisi coonse ca-Sihoni mwami waba-Amori iwakali kweendelezya mu-Hesiboni, ngwaakazunda Musa antoomwe abami ba-Midyani, Evi, a-Rekemu, a-Zuri, a-Huri, a-Reba, basilutwe ba-Sihoni ibakakede munyika eyo. 22#My 22:5; 24:1; 31:8; 2 Pet 2:15; Ciy 2:14Alakwe Balamu mwana wa-Beori, musondi, kali umwi wabajayidwe bana ba-Israyeli mbebakajazya ipanga. 23Nkabela mugaano wabana ba-Rubeni kuuli Jordano anyika iibambene. Mbuboobo caabilo cabana ba-Rubeni mbucakabede, mbuli ziinga zyabo, minzi atunzuunzi twayo.
Caabilo caba-Gadi
24Awalo mukowa wa-Gadi, Musa wakaabila bana ba-Gadi nyika, mbuli muziinga zyabo. 25#My 32:35; 21:26-29; Dt 2:19; Bab 11:13; 2 Sam 11:1; 12:26Caabilo cabo nceeci: Jazeri, aminzi yoonse ya-Gileadi, acisela canyika cabana ba-Amoni, mane kusikila ku-Aroeri uuli kunembo lya-Raba; 26akuzwa ku-Hesiboni mane kusikila ku-Ramati-mizipe akuBetonimu; akuzwa ku-Mahanaimu mane kusikila kumugaano wa-Dibiri; 27#Matl 33:17; 1 Bam 7:46; My 34:11; Dt 3:17; Jos 11:2; Mt 14:34; Lk 5:1amumumpata Betiharamu, a-Betinimra, a-Sukoti, a-Zafoni, ncecipanzi icakasyeede cacisi ca-Sihoni mwami waku-Hesiboni; amugaano waco uyooba Jordano mane kusikila kumagolelo aaziba lya-Kineroti, mutala lya-Jordano kujwe. 28Eci ncecaabilo cabana ba-Gadi mbuli muziinga zyabo; minzi atunzuunzi twayo.
Caabilo cacisela camukowa wa-Manase
29Alimwi Musa wakaabila cisela camukowa wa-Manase nyika, ibe yacisela camukowa wabana ba-Manase, mbuli muziinga zyabo. 30#My 32:41; 1 Mak 2:23Caabilo cabo nceeci: kuzwa ku-Mahanaimu, nyika yoonse ya-Basana, cisi coonse ca-Ogi mwami wa-Basana, aminzi yoonse ya-Jairi yamu-Basana, minzi iili makumi aali musanu alimwi; 31#Jos 12:4acisela ca-Gileadi, a-Asitarotu a-Edrei, minzi yabwami bwa-Ogi yamu-Basana. Njeeyi nyika yabana ba-Makiri mwana wa-Manase, njacisela cabana ba-Makiri mbuli muziinga zyabo.
32Ezi nzezyaabilo Musa nzyaakaabila mumabanda aa-Moabu aali mutala lya-Jordano, ku-Jeriko, kujwe. 33#My 18:20; Jos 18:7; Dt 10:9; 12:12; 14:27,29; 18:1,2; Ezk 44:28Pele mukowa waba-Levi, Musa teewakabapa caabilo niciba comwe, pe; Jehova Leza wa-Israyeli ncicaabilo cabo, mbubonya mbwaakabaambila.
Currently Selected:
Joshua 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
