Jobu 27
27
Jobu ulakonka kuti tajisi kaambo. Ulaamba malelo aababi mbwaasandukila masyingo buyo
1Jobu wakacili kwaamba wati,
2 #
Job 34:5
Mbuli mbwapona Leza uundibisizye,
Mbuli mbwa pona Singuzuzyoonse uundilwisizye,
3(Ime ndicipona,
Ndiciyoyela luuwo lwa-Leza)
4Ndilasinizya kuti ndaamba cakuloma,
Nsibeji alulimi;
5 #
Job 13:15
Ndasinizya kuli-Leza kuti mwalubizya inywe,
Alimwi kuti ime nsijisi mulandu,
6 #
Job 2:3; Inc 24:16 Ndasinizya akujatilila kukululama kwangu;
Manjezeezya aangu taandisinsi nekuba kuciindi comwe buyo,
7Ngotusulene kafwa mbuli babi;
Sikaamboma abe mbuli bataluleme;
8 #
Mt 16:26
Nkaambo oyo uutaluleme ulaanzi Ncalangila,
Leza nasesa muuya wakwe?
9 #
Tus 1:28; Is 1:15; Mik 3:4; Zek 7:13; Jak 4:3 Sena Leza ulaswiilila kulila kwakwe
Kuti wawidwa mapenzi?
10 #
Job 22:26
Sa uyoosangalilwa a-Singuzuzyoonse
Naita Leza lyoonse?
11Ndilamutondezya janza lya-Leza mbolibede,
Ndilamuyubunwida muyeeyo wa-Singuzuzyoonse.
12Andinywe mulibwene kale koonse oku,
Elyo mwaambilanzi cabuyo?
13Nkooku Leza nkwapa muntu mubi,
Abakotela bateteete ncobatambula kuli-Singuzuzyoonse.
14 #
Dt 28:32,41; Es 9:10; 2 Bam 10:6-10 Bana bakwe kuti bavula balaligwa ipanga,
Na kuwizuka anzala;
15 #
Int 78:64
Bamucaala bakwe bafwa ciika,
Abamukabafu babo tabakonzyi kubalilila.
16Nekuba wayobola nsiliva mbuli lusuko,
Akuvuzya zisamo mbuli bulongo;
17 #
Tus 28:8; Muk 2:26 Inga ulazibamba pele baluleme bayoozisama,
Bantu babotu bayooabilana nsiliva.
18 #
Malo 2:6
Iŋanda njayaka ili mbuli yasikaaubi,
Ninteteete mbuli citungu,
19 #
My 20:26
Uloona kavubide pele taciti boobo limbi;
Ulasinsimuka kujana kuti kwamana.
20Ziyoosyo zilamweenzya isikati;
Iguwo lilamukwempa masiku,
21Luuwo luzwa kujwe lulamutolela limwi;
Lulamukukula kuzwa kucilao cakwe,
22Nkaambo Leza ulamufusa katakwe luse,
Kuloboka, takonzyi;
23Bantu balamutabuluzya,
Akumusyolela musyozi.
Currently Selected:
Jobu 27: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
