Jobu 18
18
Bilidadi ulasinsa Jobu nkaambo kakutakazika moyo kwakwe, akwaamba ziwida babi
1Elyo Bilidadi waku-Suwa wakaamba wati,
2Uyooleka lili kuvuzya majwi?
Umuna, elyo tuyakwaamba.
3 #
Job 12:7; Int 73:22 Nkaambonzi twabalwa mbuli ŋombe?
Sa tuli banyama batamvwi?
4 #
Job 13:14
Olityolaula mukunyema kwako,
Sena inyika yeelede kuba igundu
Amandomba aayo kutingamunwa akaambo kako?
5 #
Job 21:17; Tus 13:9 Pe, pe, mumuni wamuntu mubi ulazima;
Mulilo wakwe tuukooyooyaka;
6Kumweka muŋanda yakwe kuyooba mudima;
Ilampi lili ajulu lyakwe liyakuzima:
7Intaamo zyakwe ziyoopatilwa,
Uyoolebegwa amiyeeyo yakwe mwini.
8Maulu aakwe mwini alamunjizya mulunsabwe,
Ulajatwa mutulyango twalo;
9Tusindi twakwe tulajatwa mukakole,
Acalo citeyo cilamujatisya;
10Bufwizyo bulasisilwa nguwe ansi;
Kuli mulindi munzila yakwe,
11 #
Job 6:4; Int 73:19; Jer 6:25; 2 Kor 5:11 Ziyoosya zilamuzinguluka akumutilimusya;
Zilamulyata kutusindi twakwe.
12 #
Job 15:23; 1 Tes 5:3 Inzala ilalya nguzu zyakwe;
Mapenzi alalindila buyo kulebegwa kwakwe.
13Kalwalo kalapulukuta lukanda lwakwe;
Cilwazi cilalya zizo zyakwe.
14 #
Job 8:14; Int 112:10; Tus 10:28; Mt 7:26,27 Uyakuzyulwa kuzwa kukulikwaya kwakwe,
Akweenzegwa kunembo lyamwami waziyoosyo;
15 #
Matl 19:24
Munzi wakwe uyookalilwa zilwazi;
Musulufa uyakukala alinguwo.
16Miyanda yakwe iyooyuma kunsi akwe,
Amitabi iyakupusama ajulu lyakwe.
17 #
Int 34:16; Tus 2:22 Luyeeyo lwakwe luyakuzela munyika;
Takooyooba azina mucisi.
18Uyoogwisigwa kuzwa mumumuni kuya mumudima,
Akutandwa kuzwa munyika.
19 #
Is 14:22; Jer 22:30 Takooyoosiya mwana na simulyazina akati kabantu bakwe,
Naba omwe buyo mucilao ncaakakede.
20Bakede kujwe bayookankamana kubona mbwabede,
Abazwa kumbo bayakuyoowesya.
21 #
Jer 9:3; 1 Tes 4:5; 2 Tes 1:8; Tit 1:16 Mbuboobo mbwiibede minzi yabataluleme;
Mbuboobo mbwaya uutayeeyi Leza.
Currently Selected:
Jobu 18: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
