Jeremiya 34
34
Jeremiya mbwaakasinsimina Zedekiya
1 #
2 Bam 25:1-11; 2 Mak 36:17-21; Dan 2:37; Jer 32:2; 1:15 Ngaaya makani aakasika kuli-Jeremiya kuzwa kuli-Jehova kuciindi eco Nebukadinezara mwami wa-Babuloni, abasilumamba bakwe boonse, azisi zyoonse zyanyika izyakali mubwami bwakwe, amisyobo yoonse yabantu, nibakali kulwisya Jerusalemu aminzi yawo yoonse. 2#Jer 21:10; 32:29Mbuboobu mbwaamba Jehova Leza wa-Israyeli. Koya ukaambaule a-Zedekiya mwami wa-Juda, ukamwaambile kuti, Mbuboobu mbwaamba Jehova. Ncobeni ndaaba munzi uno mumaanza aamwami wa-Babuloni, nkabela uyooutenta mumulilo. 3#Jer 32:4Ayebo tokooyooloboka kuzwa kumaanza aakwe. Ncobeni uyoojatwa akwaabwa mumaanza aakwe, elyo uyoobonana amwami waBabuloni meso kumeso, uyooambaula awe mulomo kumulomo, nkabela uyoosika ku-Babuloni. 4Nekubaboobo swiilila ijwi lya-Jehova, O Zedekiya mwami wa-Juda. Mbuboobu Jehova mbwaamba aanduwe, Tokooyoojazigwa ipanga pe. 5#2 Mak 16:14; Dan 2:46; Jer 22:18Uyoofwa aluumuno, nkabela bayookutentela tununkilizyo mbubonya mbubakatentela bamauso, bami baciindi ibakakutaangunina, akukulila cakwaamba kuti, Maawe mwami! Ngaaya makani ngendaamba, mbwaamba Jehova.
6 #
1 Bam 21:19; Ezk 2:7; Mt 14:4 Lino Jeremiya musinsimi wakaambila Zedekiya mwami wa-Juda makani aya oonse mu-Jerusalemu, 7#2 Bam 18:13; 2 Bam 11:5,9ciindi eciya basilumamba bamwami waBabuloni nibakali kulwisya Jerusalemu aminzi imwi yoonse yacisi ca-Juda iyakacisyeede, nkokuti Lakisi a-Azeka, nkaambo njenjiyo ilike minzi iili ambaya iyakacisyeede akati kaminzi yaba-Juda,
Ba-Juda mbubakabisya mumakani aabazike
8 #
Kul 21:1; Lev 25:10; Dt 15:12; Is 1:17; Mik 2:1-3,7-13 Ngaaya makani aakasika kuli-Jeremiya kuzwa kuli-Jehova, mwami Zedekiya naakamana kutangana cizuminano abantu boonse bamu-Jerusalemu akubalailila makani aabulubusi, 9#Neh 5:11; Lev 25:39kuti baleke umwi aumwi muzike wakwe, naba mwaalumi naba mwanakazi, kufumbwa ba-Juda, kuti boonse baangunuke, kutabi mu-Juda naba omwe iwakanjizya mu-Judanyina mubuzike. 10Lino bakazumina, nkokuti basilutwe boonse abantu boonse ibakanjila mucizuminano eci cakuleka umwi aumwi muzike wakwe, naba mwaalumi naba mwanakazi, kuti baangunuke, kutabi limbi bazike akati kabo. Bakazumina, babaangununa, 11#Jer 37:5; Hos 6:4pele kabe kaindi bakatamauka, bapilusya bazike boonse, nibaba baalumi nibaba banakazi, mbebakaangunwide, bababoozya alimwi mubuzike. 12Lino ijwi lya-Jehova lyakasika kuli-Jeremiya kuzwa kuli-Jehova, liti, 13Mbuboobu mbwaamba Jehova Leza wa-Israyeli. Ndakatangana cizuminano abamausowanu mubuzuba obuya nindakabapozya kuzwa kunyika ya-Egepita muŋanda yabuzike, Ndakati, 14#Kul 21:2; Dt 15:12; Lev 25:39Kumamanino aamyaka iili musanu aibili muleelede kwaangununa umwi aumwi muJudanyina iwakaulisigwa kulinduwe iwakakubelekela milimo myaka iili musanu aumwi, Muleelede kumwaangununa aleke milimo yako. Pele bamausowanu teebakandiswiilila nikuba kucenjeka matwi aabo pe. 15#2 Bam 23:3; Neh 10:29; Jer 7:10Lino inywe nubasunu mwakeempwa, mwacita ziluleme mumeso aangu, mwaangununa umwi aumwi mweenzinyina, mwatanga cizuminano kubusyu bwangu muŋanda iiambwa muzina lyangu; 16#Kul 20:7; Lev 19:12pele mwamana buyo kucita obo, mwatamauka, mwasampaula izina lyangu, mwapilusya umwi aumwi muzike wakwe, naba mwaalumi naba mwanakazi, ngumwakaangunwide mbubonya mbubakali kuyanda, Mwababoozya alimwi mumapenzi, kuti babe bazike banu baalumi abanakazi. 17#Neh 9:30; Mt 7:2; Gal 6:7; 1 Tes 4:6; Jer 32:24,36Nkaambo kako mbuboobu mbwaamba Jehova. Inywe tamuna kundiswiilila, tamuna kwaangununa umwi aumwi mwanaakwabo, umwi aumwi mweenzinyina. Lino amubone! Ndamwaangununa nywebo, mbwaamba Jehova, ndamwaangunwida ipanga amalwazi apamba. Njoomubika kuti mube ciyoosyo kuzisi zyoonse zyaansi. 18#Rom 2:8; Matl 15:10; Int 50:5Abaabo bantu ibakasotoka cizuminano cangu, ibakabula kuzuzikizya majwi aacizuminano ncibakabamba kubusyu bwangu, njoobabika mbuli impwizi bantu njibakaandula akati akweenda akati kazipanzi zyayo. 19Basilutwe ba-Juda abasilutwe ba-Jerusalemu abazibe abapaizi abantu boonse banyika ibakainda akati kazipanzi zyampwizi, 20#Dt 28:26; Int 79:2; Jer 7:33; 16:4; Ciy 19:17-21njoobaaba mumaanza aabasinkondonyina amumaanza aabaabo bayandaula buumi bwabo, nkabela mitunta yabo iyooba zilyo zyabayuni bakujulu azyabanyama baansi. 21#Jer 37:5Alakwe Zedekiya mwami wa-Juda, abasilutwe bakwe, njoobaaba mumaanza aabasinkondonyina amumaanza aabaabo bayandaula buumi bwabo, mumaanza aabasilumamba bamwami wa-Babuloni bamulekede. 22#Am 3:6; Jer 37:8; 38:3; 39:1,2,8; 9:11; 33:10; Mik 7:13; Zek 1:12Ncobeni njoobalailila, mbwaamba Jehova, njoobabeozya okuno kumunzi nkabela bayooulwisya akuuzunda akuutenta mumulilo. Aminzi yacisi ca-Juda njoocita kuti ibe matongo aatakalwi bantu.
Currently Selected:
Jeremiya 34: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
