Jeremiya 27
27
Jeremiya mbwaakalaya bami abantu babo kulibombya kuli-Nebukadinezara mwami wa-Babuloni
1 #
Jer 28:1; 2 Bam 24:18-20; 2 Mak 36:11-13 Kumatalikilo aabwami bwa-Zedekiya mwana wa-Josiya mwami waJuda, aya makani aka sika kuli-Jeremiya kuzwa kuli-Jehova. 2#Jer 28:10; Ezk 4:1Mbu boobu Jehova mbwaandaambila. Kolicitila zyaanzyo azikeyi zyajoko, ukalyaanzye nzizyo ansingo yako. 3Lino tuma mulazyo kumwami waEdomu, kumwami wa-Moabu, kumwami wabana ba-Amoni, kumwami wa-Turo akumwami wa-Sidoni, kumilomo yaba tumwa basika ku-Jerusalemu kuli-Zedekiya mwami wa-Juda. 4Uleelede kubalailila kutolela bami babo majwi aya aakuti, Mbuboobu mbwaamba Jehova wamakamu Leza waIsrayeli. Mbuboobu mbumweelede kwaambila basimalelo banu. 5#Int 96:5; 115:15,16; Is 42:5; 45:12; Matl 1:29,30; Dt 2:5; Jos 1:2,3; Dan 4:17Ndime ndakalenga nyika abantu abanyama boonse bakede alinjiyo. Ndakailenga kunguzu zyangu zigambya akukuboko kwangu kutandabikidwe, alimwi ndaipa kufumbwa muntu ngunjanda. 6#Jer 28:14; Dan 2:37,38; Jer 25:9; 43:10; Int 50:10-12Lino ciindi ecino ndaaba nyika ezi zyoonse mumaanza aa-Nebukadinezara mulanda wangu mwami wa-Babuloni. Abalo banyama bamusokwe, boonse buyo ndabaaba mumaanza aakwe kuti bamumanine milimo. 7#2 Mak 36:20; Dan 5:26; Jer 25:12; 50:27Nkabela misyobo yoonse yabantu ilamumanina milimo, walo amwana wakwe amuzukulu wakwe, mane ciindi canyika yakwe mwini cikasike, elyo misyobo minji abami bapati bayoomuzunda, abe muzike wabo.
8Pele kufumbwa cisi na musyobo uukaka kumubelekela milimo, oyu Nebukadinezara mwami wa-Babuloni, akubika insingo yawo kunsi lyajoko lyamwami wa-Babuloni, oyo musyobo njooupenzya apanga apamba amalwazi, mbwaamba Jehova, mane lumwi nkaumanisye kujanza lyakwe. 9#Tus 19:27; Jer 14:14; Mik 3:7; Ef 5:6Lino nywebo, mutaswiilili majwi aabasinsimi banu abasondi banu abasizilo to banu abasimizimu banu abasibadaimona banu, bamwaambila kuti, Tamukooyoobelekela mwami wa-Babuloni. 10Nkaambo balamusinsimina cakubeja, aboobo muyootolwa kule kuzwa kunyika yanu. Njoomutanda mane mukalobe. 11Pele kufumbwa musyobo uubika insingo yawo kunsi lyajoko lyamwami wa-Babuloni akumubelekela milimo, njoousia mpoonya awo anyika yawo, mbwaamba Jehova, kuti ulime nyika akukala alinjiyo.
12 #
Jer 28:1; 38:17 Alakwe Zedekiya mwami wa-Juda ndakamwaambila mbubonya obo. Ndakati, Amulete insingo yanu munsi lyajoko lyamwami wa-Babuloni, mukamumanine milimo, walo abantu bakwe, elyo muyoopona. 13#Tus 8:36; Ezk 18:31Sa mulayanda kujazigwa ipanga acimpayuma amalwazi, webo abantu bako, mbuli Jehova mbwaamba aamusyobo oyo uukaka kumanina mwami wa-Babuloni milimo? 14#Jer 14:14; 23:21Mutaswiilili majwi aabasinsimi bamwaambila kuti, Tamukooyoobelekela mwami wa-Babuloni milimo, nkaambo bali mukumusinsimina zyakubeja. 15Teensi ndime ndakabatuma, mbwaamba Jehova. Balasinsima zyakubeja buyo muzina lyangu, kuti nkamutande, aboobo muyooloba, inywe abasinsimi boonse bamusinsimina.
16 #
2 Bam 24:13; Jer 28:3; Dan 1:2 Abalo bapaizi abantu aba boonse, ndakabaambila makani. Ndakati, Mbuboobu mbwaamba Jehova, Mutaswiilili majwi aabasinsimi banu bamusinsimina kuti, Amubone! Zibelesyo zyaŋanda ya-Jehova zili kufwaafwi kuboozegwa kuzwa ku-Babuloni. Balamusinsimina zyakubeja buyo. 17#Ezk 18:31Mutabaswiilili pe, Amubelekele mwami wa-Babuloni milimo kuti mukapone. Sa ncibotu kuti munzi uno ube matongo? 18#Matl 20:7; Job 42:8; Is 37:4; Jak 5:16Na ncobeni mbasinsimi, alyalo ijwi lya-Jehova na nkulili kulimbabo, bakumbile kuliJehova wamakamu kuti zibelesyo zicisyeede muŋanda ya-Jehova amuŋanda ya-Juda amu-Jerusalemu zitatolwi ku-Babuloni. 19#2 Bam 25:13; Jer 52:17Nkaambo mbuboobu Jehova wamakamu mbwaamba aaminsende acikozyano caziba aziimikilo azibelesyo zimwi zyoonse zicisyeede omuno mumunzi, 20#2 Bam 24:14,15; Jer 24:1Nebukadinezara mwami wa-Babuloni nzyaatakatola ciindi eco naakatola mubuzike Jekoniya mwana wa-Jehoyakimu mwami wa-Juda, naakamugwisya kuzwa kuJerusalemu akumutola ku-Babuloni antoomwe abapati boonse ba-Juda aba-Jerusalemu. 21#Lev 26:24; Is 5:25Mbuboobu Jehova wamakamu Leza wa-Israyeli mbwaamba aazibelesyo zicisyeede muŋanda ya-Jehova amuŋanda yamwami waJuda amu-Jerusalemu. 22#2 Mak 36:21; Dan 9:2; Jer 29:10; 32:5; Ezr 1:7Ziyootolwa ku-Babuloni nkabela ziyoosyaala nkukonya oko mane kusikila kubuzuba obo mbwenti zibambe, mbwaamba Jehova, elyo njoozigwisya akuziboozya okuno.
Currently Selected:
Jeremiya 27: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
